بەشەکان
ئامار
پرسیارەکان: ١٦٣٦ کۆی سەردان: ٨٢٠٦٦٤
پرسیار لەوێنەدا
كەسێ نوێژ نەكەر چی سزایەكی بۆ دانراوە لە ڕۆژی دوایدا ؟

بەناوى خواى بەخشندەو میهرەبان
نوێژ كردن یەكێكە لە كۆڵەكەكانی ئاین:
پێغەمبەری خوا صلى الله عليه وسلم فەرموویەتی:((بُنِيَ الإسلامُ على خمس: شهادة أنْ لا إلـهَ إلاَّ الله وأنَّ محمداً رسول الله، وإقام الصلاة، وإيتاء الزكاة، وصوم رمضان، وحج البيت)) [رواه البخاري ومسلم] .
واتە: ئیسلام لە سەر پێنج پایە بنیات نراوە: شایەتی دان بەوەی كە: هیچ پەرستراوێك نى یە شایستەی پەرستن بێت جگە لە خوا وە بەڕاستی (محمد صلى الله عليه وسلم) پێغەمبەری خوایە، وە كردنی نوێژ بە ڕێكوپێكی، وە زەكات دان، وە ڕۆژووگرتنی مانگی ڕەمەزان، وە حەجكردنی ماڵی خوا.
وە نوێژ كردن نیشانەی جیاكردنەوەی مرۆڤی ئیماندارە لە مرۆڤی بێ ئیمان و كافر:
پێغەمبەری خوا صلى الله عليه وسلم فەرموویەتی: ((العهد الذي بيننا وبينهم الصلاة فمن تركها فقد كفر)) [صحيح الـجامع الصغير رقم: (4143)] .
واتە: بەڵێنی نێوان ئێمەی موسڵمان و بێ باوەڕەكان بریتى یە لە نوێژ جا هەركەسی وازی لێبێنێت ئەوا كوفری كردووە.
وە نوێژكردن یەكێكە لە مەرجەكانی برایەتی ئاینی:
خوای گەورە لە قورئاندا فەرموویەتی: [فَإِن تَابُواْ وَأَقَامُواْ الصَّلاَةَ وَآتَوُاْ الزَّكَاةَ فَإِخْوَانُكُمْ فِي الدِّينِ] [سورة التوبة: (11)] .
واتە: جا ئەگەر تەوبە بكەن و نوێژ بكەن و زەكات بدەن ئەوا ئەوانە براتان لە دین و ئایندا.
لە بەر هەموو ئەمانە و چەندین هۆكاری تریش نوێژ نەكردن تاوانێكی زۆر گەورە و ترسانە و سزاكەشی زۆر سەخت و ناڕەحەتە:
خوای گەورە لە قورئاندا فەرموویەتی: [فَوَيْلٌ لِّلْمُصَلِّينَ (4) الَّذِينَ هُمْ عَن صَلَاتِهِمْ سَاهُونَ (5) ] [سورة الماعون] .
واتە: فەوتان و نەمان و تیاچوون (یان دۆڵێك لە دۆڵەكانی دۆزەخ) بۆ ئەو نوێژگەرانەی كەوا لە نوێژەكانیاندا كەمتەرخەمن.
ئەگەر ئەمە سزای نوێژگەرانێك بێت كەوا كەمتەرخەمی دەكەن لە نوێژەكانیاندا ! ئایا دەبێت سزای ئەو كەسانە چۆن بێت كەوا هەر نوێژ ناكەن ؟!
خوای گەورە لە قورئاندا باسی دۆزەخى یەكان دەكات كەوا كاتێك بەهەشتى یەكان پرسیاریان لێیان كرد: [مَا سَلَكَكُمْ فِي سَقَرَ] واتە: چی ئێوەی هێناوەتە ناو سەقەرەوە (ناوێكە لە ناوەكانی جەهەننەم) ؟ ئەوانیش لە وەڵامدا دەڵێن: [قَالُوا لَمْ نَكُ مِنَ الْمُصَلِّينَ ] [سورة المدثر: (42 ـ 43)]
واتە: ئێمە لەو كەسانە نەبووین كەوا نوێژیان دەكرد..
لە لایەن مامۆستا (محمد عبدالرحمن) ەوە وەڵام دراوەتەوە



سەردان: ١٥١٨ بەش: حوکمى نوێژنەکەر

ئایا واجبە ئافرەت لە نوێژدا پێى داپۆشێ؟دواى هەستانەوە لە ڕكوع دروستە دەست بخەیتە سەر سنگت؟