بەشەکان
ئامار
پرسیارەکان: ١٧٠٩ کۆی سەردان: ٨٧٣٥٤٩
پرسیار لەوێنەدا
ئایا ئاو لە دەم و لووتت بكەى لە كاتى بەڕۆژوو بووندا ڕۆژووەكەت بەتاڵ دەبێتەوە یان نا؟

بەناوى خواى بەخشندە و میهرەبان
نەخێر ئاو لەدەم و لووت كردن لە كاتى بە ڕۆژوو بوندا ڕۆژوو بەتال ناكاتەوە و هیچ زیانێكى بۆى نیە، بەڵام نابێت غەرغەرە و موبالەغە پێ بكرێت بە هەڵمژینى ئاوەكە بۆ سەرەوەى لووت و مڵاشوو، یان بۆ ناو قوڕگ، چونكە پێغەمبەرى خوا (صلى الله عليه وسلم) ئاوى ڕاداوە بە ناو دەم و لووتى دا كاتێك كە بە ڕۆژوو دەبوو، بەڵام زیادەڕەوى (موبالەغەى) لەم دوو كارەدا قەدەغە (مەنع) كردووە لەسەر ڕۆژووان و فەرموویەتى:... وَبَالِغْ في الإستِنْشَاقِ إلا أَنْ تَكُونَ صَائِمَاً (أخرجه الترمذي: (3 / 146)، وأبو داود: (2 / 308)، وأحمد: (4 / 32)، وابن أبي شيبة: (3 / 101)، وابن ماجه رقم: (407)، والنسائي رقم: (87) عن لقيط بن صبرة، وسنده صحيح).واتە: زیادەڕەوى و (موبالەغە) بكە لە ئاو وەڕادانە ناو لووت دا جگە لەو كاتەى كە بە ڕۆژوو دەبی.
بۆ زانینى زیاتر سەبارەت بە ئەحكامەكانى ڕۆژووان، و چۆنێتى ڕۆژووى پێغەمبەر (صلى الله عليه وسلم) لە ڕمەزاندا، ئەم كتێبە بخوێنەوە (چۆنێتى ڕۆژووى پێغەمبەر (صلى الله عليه وسلم) لە ڕمەزاندا).
وَآخِرُ دَعْوَانَا أَنِ الْحَمْدُ لِلّهِ رَبِّ الْعَالَمِينَ
لە لایەن مامۆستا (عدنان بارام) ە وە وەڵام دراوەتەوە




ئەگەر كەسێك لە ئەوروپا بێت دروستە ماڵى باوكى لە كوردستان سەرفترەى بۆ بدەنئەگەر لە كاتى بەڕۆژوو بووندا لەخەودا ئاوم هاتە خوارەوە من چى بكەم؟