کات و شێوازی تەڵقین کردنى مردوو: ماڵپەڕی وەڵامەکان
کات و شێوازی تەڵقین کردنى مردوو
پرسیار:

ئایا کاتى تەڵقین کردن کەیە؟ پێش مردن یان دواى ناشتنى مردوو؟

تەلقین كاتى سەرەمەرگ و لەكاتى گیان كێشاندایە و تەلقین دەكرێت بە وشەى (لا إلە إلا الله) وەكو چۆن پێغەمبەرى خوا تەلقینى ئەبوتالیبـی مامى كرد لەسەرەمەرگدا و پێى ووت: (( يا عم، قل لا إله إلا الله كلمة أحاج لك بها عند الله))، واتە: ئەى مام بڵێ لا إلە إلا الله وشەیەكە دەیكەم بەبەڵگە لاى خوا بۆت (تاسزات نەدا). بەڵام پەنا بەخوا ئەبوتالیبـی مامى ئەو وشەیەى نەووت ولەسەر شیرك مرد(١) .

بەڵام تەلقین كردن دواى ناشتن و دفن كردن ئەوا بیدعەیە لەبەر ئەوەى سابت نەبووە لە پێغەمبەرى خواوە ، بەڵام ئەو شتەى كە دەبێت بكرێت ئەوەیە كە أبوداود گێڕاویەتیەوە كە پێغەمبەرى خوا هەركە لە دفن كردنى مردو بوایەوە لەسەرى دەوەستا و دەیفەرموو:(( استغفروا لأخيكم واسألوا له التثبيت فإنه الآن يُسأل )) (٢) ، واتە: داواى لێخۆشبوون و زمان چەسپاوى بۆ براكەتان بكەن چونكە ئەو ئێستا پرسیارى لێ دەكرێت. هەروەها قورئان خوێندن لەلاى گۆڕ و تەلقین كردنى لە گۆڕدا ئەوا بیدعەیە وهیچ بنچینەیەكى نییە.

  سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله –


) البخاري، كتاب الجنائز، باب إذا قال المشرك عند الموت لا إله إلا الله 1360، ومسلم، كتاب الإيمان باب الدليل على صحة إسلام من حضره الموت 24.
) أبو داود ، كتاب الجنائز، باب الاستغفار عند القبر للميت في وقت الانصراف 3221.

سەردان: ٢,٤٤٤ بەش: بیدعەکانى جەنازە