مه‌رجه‌كانی ئه‌و ئاژه‌ڵه‌ی كه‌ ده‌كرێت به‌ قوربانی چین؟: ماڵپەڕی وەڵامەکان
مه‌رجه‌كانی ئه‌و ئاژه‌ڵه‌ی كه‌ ده‌كرێت به‌ قوربانی چین؟

بسم الله الرحمن الرحیم
سوپاس و ستایش بۆ خواى گەورە ، وە درودو سڵاو لە سەر گیانى پێغەمبەرى خوا ، وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
 له‌ مه‌رجه‌كانی ئه‌و ئاژه‌ڵه‌ی كه‌ ده‌كرێت به‌ قوربانی ده‌بێت سه‌لامه‌ت بێت له‌ عه‌یب و كه‌م و كوڕی و ساغ بێت.


عَنْ الْبَرَاءِ بْنِ عَازِبٍ (رضي الله عنه) قَالَ : قَالَ رَسُولُ اللَّهِ () :
((أَرْبَعٌ لاَ تُجْزِئُ فِي الأَضَاحِيِّ : الْعَوْرَاءُ الْبَيِّنُ عَوَرُهَا ، وَالْمَرِيضَةُ الْبَيِّنُ مَرَضُهَا ، وَالْعَرْجَاءُ الْبَيِّنُ ظَلْعُهَا ، وَالْكَسِيرَةُ الَّتِي لاَ تُنْقِي))(1).
واته‌: چوار ئاژه‌ڵ نابێت بكرێت به‌ قوربانی : كوێر و نه‌خۆش و شه‌لی ئاشكرا و لاوازێك كه‌ ئێسكه‌كانی مۆخی تێدا نه‌بێت. 
قال النووي : (وَأَجْمَعُوا عَلَى أَنَّ الْعُيُوبَ الْأَرْبَعَةَ الْمَذْكُورَة فِي حَدِيث الْبَرَاء ... لَا تُجْزِي التَّضْحِيَةُ بِهَا ، وَكَذَا مَا كَانَ فِي مَعْنَاهَا ، أَوْ أَقْبَح كَالْعَمَى ، وَقَطْع الرَّجُل ، وَشَبَهه)(2).
واته‌ : زانایان یه‌كده‌نگن له‌سه‌ر ئه‌وه‌ی كه‌وا ئه‌م چوار كه‌م و كوڕىیه‌ كه‌ له‌ فه‌رمووده‌كه‌ی (البـراء)دا باس كراوه‌ دروست نىیه‌ بكرێت به‌ قوربانی ، هه‌روه‌ها ئه‌و كه‌م و كوڕیانه‌یش كه‌ هاوشێوه‌ی ئه‌مانه‌ن یان له‌مانه‌ خراپ ترن وه‌كو كوێری و قاچ بڕان و هاوشێوه‌كانی . 
وَعَنْ عَلِيِّ بْنِ أَبِي طَالِبٍ (رضي الله عنه) قَالَ :
((أَمَرَنَا رَسُولُ اللَّهِ () أَنْ نَسْتَشْرِفَ الْعَيْنَ وَالأُذُنَ))(3).
واته‌ : پێغه‌مبه‌ری خوا () فه‌رمانی پێكردین كه‌وا وورد ببینه‌وه‌ له‌ چاو و گوێی حه‌یوانی قوربانی بۆ ئه‌وه‌ی سه‌لامه‌ت بێت له‌ كه‌م و كوڕی و عه‌یب دار نه‌بێت .
له‌به‌ر ئه‌مه‌ ده‌بێت قوربانی به‌ ئاژه‌ڵێك بكرێت كه‌وا سه‌لامه‌ت بێت له‌ هه‌موو عه‌یبێك .

[ لە كتێبی (چۆنێتى قوربانى كردن لەسەر دەمى پێغەمبەردا ) وەرگیراوە لە نوسينی مامۆستا محمد عبدالرحمن]

---------------------------------------------
(1) صحيح سنن النسائي رقم : (4369) و (4370) ، وصحيح سنن ابن ماجه رقم : (3144).
(2) شرح صحيح مسلم : (13 / 101) ، وانظر " الـمجموع " : (8 / 292 ـ 297).
(3) صحيح سنن الترمذي رقم : (1498) وصحيح سنن النسائي رقم : (4376) .

سەردان: ٢,٤٢٨ بەش: قوربانى كردن