بەشەکان
ئامار
پرسیارەکان: ١٧٦٥ کۆی سەردان: ٩٢١٦٩٢
پرسیار لەوێنەدا
حوكمی تەڵقینی مردوو لە دوای ناشتنی چیە؟

حوكمی تەڵقینی مردوو لە دوای ناشتنی چیە؟ بۆ نموونە بانگ دەكرێت بەناوی خۆی و دایكیەوەو پاشان پێ دەوترێت لە كاتی پرسیار كردنی فریشتەكان ئەوەو ئەوە بڵێ ئایا ئەمە لە سوننەتدا هاتووە؟

بسم الله الرحمن الرحیم
سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
ئەمە هاتووە لە فەرموودەی لاواز دا، بەڵكو لە فەرموودە هەڵواسراوەكاندا،وە هاتووە لە هەندێ لە پێشینانەوە بەڵام وتەیەكی لاوازە،دروست نیە و شەرعی نیە،دەگێڕرێتەوە لە كۆمەڵێك زانای خەڵكی شام بەڵام وتەكانیان لاوازە، وە ئەم پرسیار و بابەتانە بە بۆچون ناوترێت، لە پێغەمبەرەوە صلى الله عليه وسلم نەهاتووە و جێگیر نەبووە كە تەڵقینی كردبێت یان فەرمانی پێ كردبێت،بەڵكو ئەو فەرموودانەی لەم بارەوە هاتون هیچی سەحیح نین، وە صحیح وایە كە نەكرێت بەڵكو ئەگەر خەڵكی لە شاردنەوەی مردووەكە بوونەوە داوای جێگیربوون و لێخۆشبونی بۆ بكەن و بەس.هەر وەكو چۆن پێغەمبەری خوا صلى الله عليه وسلم دەیكرد، ئەو كاتێك لە شاردنەوەی مردوو لێ ببایەتەوە دەوەستا لەسەری و دەیفەرموو (داوای لێ خۆش بوون و جێگیربوون بكەن بۆ براكەتان، چونكە ئێستا پرسیاری لێ دەكرێت) وە تەڵقینی نەدەكرد.
ئەوە سوننەتەكە كە بڵێی خوایە لە (فڵان) خۆش بیت، خویە دامەزراوی بكە لەسەر وتەی حەق، خوایە دامەزراوی بكەی لەسەر حەق.
[الشيخ عبد العزيز بن باز رحمه الله ]



سەردان: ٥١٣ بەش: ناشتنى مردوو

پاداشتی لەبەركردنی فەرموودەكانی پێغەمبەری خوا – صلی الله علیە وعلی ألە وسلم – چی یە ؟ئایا فەرموودەی نیردراوی خودا لەو مانایەی كە هاتووە (هەركەس لە زمانی خەڵكێك تێبگات دەیان ناسێت) صحیحە یان لاوازە...؟