بسم الله الرحمن الرحیم ..
خوشکی بەڕێزم : خوا ڕێنمونیت بکات و پارێزراوت بکات ، وە پۆشاکی لەخواترسانت لەبەر بکات بتکاتە کەسێکی پڕخێر و بەرەکەت لەهەر کوێیەک هەیت ، وەببیتە کەسێکی لەخوا ترس و داوێن پاک بۆ خوا صوڵحاو ....داوادەکەم لەخوا لەوانەت بگێڕێت ...
ئەمانە کۆمەڵێک هۆکارن کە یارمەتیت دەدەن لەسەر هۆکاری زیاد بونی ئیمان و خۆشەویستبونت لە لای خوای گەورە ، بەڵکو بەهۆی ئەم هۆکارانەوە لەم کەسانەت بگێڕێت :
یەکەم : هەست بە چاودێری خوای گەورە بکە لە ئاشکراو نهێنیدا .
دووەم : پەیوەست بە شەرم و شکۆ و حەیاوە .
سێیەم : خۆت بە دوور بگرە لە شوێنە خراپەکان وە هەر هۆکارێک کە دەت گەیەنێت بە تاوان و خراپە .
چوارەم : لە سەیرکردنی کەناڵە خراپ و بێ سودەکان خۆت بپارێزە .
پێنجەم : ئاگات لە چاوەکانت بێ و بیپارێزە لە نەزەری حەڕام .
شەشەم: ئاگاداربە لە تێکەڵاوی و مانەوەت لەگەڵ نامەحرەمدا .
حەوتەم : گرنگی بە نوێژەکانت بدە و پارێزگاری لێ بکە و نوێژە سوننەتەکانیش فەرامۆش مەکە .
هەشتەم : واز لە گوێ گرتن بێنە لە گۆرانی و مۆسیقا .
نۆیەم : بە هاوڕێیەتی کردنت لەگەڵ کەسانی چاک و داوێن پاک و لەخواترس بێ گومان ئیمانت بەرز دەبێتەوە .
دەیەم : هەروەها بەپڕکردنەوەی کاتە بەتاڵەکانت بەهەر شتێک کە سودت پێ دەگەیەنێت .
یازدەیەم : وە بەبیر لەو نیعمەتانە بکەرەوە کە خواى گەورە دایناوە بۆ کەسانی لەخوا ترس و داوێن پاک لەبەهەشتدا .
دوازدەیەم : وە بیر لەو سزاو ناڕەحەتیانەى دۆزەخ بکەرەوە کە خواى گەورە دایناوە بۆ کەسانی خراپە کارو فاسق و فاجرەکان .
سیازدەیەم : هەرگیز زیکر و یادی خوا و خوێندنەوەی قورئانی پیرۆز و پاڕانەوە لە بیر مەکە .
چواردەیەم: زۆر دوعا بکە و بپاڕێرەوە لەخوای گەورە تا پارێزراوت بکات و دامەزراوت بکات لەسەر دین و خوا پەرستی .
پازدەیەم : هەوڵی بڵاو کردنەوەی خێر و چاکە بدە لەناو هاوڕێکانتدا ، و ببە بە کەسێکی بەسود بۆ خێزان و کەسە نزیکەکانت .
لە کۆتایدا داواکارین لە خواى گەورە ئافرەتانی مسوڵمان بپارێزیت ، وە بیان کات بە کەسانێکی چاک و داوێن پاک ، و لە خواترس .
سەرچاوە : من محاسن الإسلام ، لەنوسینی : عادل الشدي و أحمد المزید
وەرگێڕانی : ستافی وەڵامەکان
