ناوی كتێب : پوختەی ئەحكامەكانی نوێژی تەراویح لە (١٢٠) خاڵدا.

نوسینی : شێخ فهد بن یحيى العماري

وەرگێڕانی: ستافی ماڵپەڕی وەڵامەكان

پێناسە: 

مانگی ڕەمەزانی پیرۆز، مانگی پەرستش و نزیکبوونەوەیە لە پەروەردگار، یەکێک لە دیارترین نیشانەکانی ئەم مانگەش و ئەو عیبادەتەی کە ئارامی بە دڵی بڕواداران دەبەخشێت، "نوێژی تەراویح"ـە. ئەم نوێژە کە سوننەتێکی جێگیر و پیرۆزی پێغەمبەرە (ﷺ)، دەرفەتێکی زێڕینە بۆ ئەوەی بڕوادار لە شەوانی ئەم مانگەدا بە کڕنۆش و ڕاوەستان لەبەردەم خودا، خۆی لە گوناهەکان پاک بکاتەوە و پلەو پایەی بەرز بێتەوە.

لەبەر گرنگیی ئەم پەرستشە و بوونی چەندین پرسیار و وردەکاریی شەرعی لەبارەیەوە، ئەم کتێبەمان ئامادە کردووە تا ببێتە ڕێبەرێکی پوخت بۆ موسڵمانان.

لەم نامیلکەیەدا هەوڵ دراوە بە شێوەیەکی زانستی و ئاسان، تیشک بخرێتە سەر ئەم بابەتانە :

پێشەکی:  فەزڵ و گەورەیی شەونوێژ و تەراویح 
بەشی یەکەم : حوکمەکانی نوێژی تەراویح 
بەشی دووەم: حوکمەکانی دانیشتنی نێوان ڕکاتەکان
بەشی سێیەم: پێشنوێژیکردنی منداڵ و ئافرەت
بەشی چوارەم: حوکمەکانی نوێژی وتر
بەشی پێنجەم: حوکمەکانی قەزاکردنەوەی تەراویح
شەشەم: حوکمەکانی دوعای قونوت
حەوتەم: چەند بابەتێكی جیاواز
هەشتەم:  حوکمەکانی دوعای خەتمی قورئان

داواکارم لە خوای گەورە ئەم کارە بە تەنها بۆ ڕەزامەندی خۆی بێت، و بیکاتە مایەی سوود بۆ من و خوێنەرانیش، و بمانکاتە یەکێک لەو کەسانەی کە بە ئیمان و ئومێدی پاداشتەوە شەوانی ڕەمەزان زیندوو دەکەنەوە.