ناوی كتێب : ئاهەنگگێڕان بەبۆنەی لەدایکبوونی پێغەمبەر ﷺ - گومان و وەڵامەکان -

نوسینی : عَلَوي بن عبدالقادر السَّقَّاف . سەرپەرشتیاری گشتی: مؤسَّسة الدُّرر السَّنية

وەرگێڕانی : ستافی ماڵپەڕ

پێناسە: 

ئەم كتێبە لێکۆڵینەوەیەکی زانستی و شەرعیی وردە کە تیشک دەخاتە سەر حوکمی ئاهەنگگێڕان بەبۆنەی مەولوودی پێغەمبەر(صلی الله علیه وسلم).

گرنگیی ئەم بەرهەمە لەوەدایە کە بە شێوازێکی هێمنانە و پشتی بەستوو بە بەڵگە، وەڵامی ئەو گومان و پاساوانە (شوبهە) دەداتەوە کە زۆرجار وەک بەڵگە بۆ دروستێتی ئەم کارە دەهێنرێنەوە.

ئەم نوسینە بە پلەی یەکەم بۆ ئەو کەسانە سوودبەخشە کە خاوەنی دڵێکی پاك و عەقڵێكی فراوانن؛ ئەوانەی بەدوای حەق و ڕاستیدا دەگەڕێن و دوورن لە دەمارگیری (تەعەسوب) و شوێنکەوتنی کوێرانەی دابونەریت و باوباپیران.

خوێنەری ژیر زۆرترین سوود لەم کتێبە دەبینێت، چونکە نووسەر لە شیکردنەوە و بەڵگەهێنانەوەکانیدا تەنها پشتی بە دەقە ڕوونەکانی قورئانی پیرۆز، و سوننەتی سەحیحی پێغەمبەر (صلی الله علیه وسلم)، و تێگەیشتنی پێشینە چاکەکارەکانی ئەم ئوممەتە (سەلەفی ساڵح) بەستووە.

لە کۆتاییدا، ئەم وەرگێڕانە پەیامێکی ڕوونە بۆ هەر کەسێک کە بیەوێت خۆشەویستیی ڕاستەقینەی خۆی بۆ پێغەمبەری خوا (صلی الله علیه وسلم) بسەلمێنێت؛ کە بە دڵنیاییەوە ئەو خۆشەویستییە تەنها لە ڕێگەی گوێڕایەڵی و شوێنکەوتنی سوننەتەکەیەوە دەبێت، نەک لە ڕێگەی داهێنان و بیدعە لە ئاییندا.

بۆیە هەر کەسێک پێوەرەکەی قورئان و سوننەت بێت، بێگومان حەقیقەتی ئەم بابەتەی بۆ ئاشکرا دەبێت و سوودێکی گەورەی لێ دەبینێت.