بەشەکان
ئامار
پرسیارەکان: ١٧٦٥ کۆی سەردان: ٩٢١٧٣٩
پرسیار لەوێنەدا
ئایا پێغەمبەرى خوا صلى الله علیه وسلم برا و خوشکى هەبووە؟

الحمد لله والصلاة والسلام على رسول الله وعلى آله وصحبه أما بعد:
لە کتێبەکانى (سیرە و ژیانامەدا) شتێک نەهاتووە کە باس لەبرا یاخود خوشکی پێغەمبەرى خوا صلى الله عليه وسلم بکات ، بەڵکو ئەوەی سابتە و هاتووە ئەوەیە :
کاتێ باوکی مردوە پێغەمبەرى خوا صلى الله عليه وسلم لەسکی دایکیدا بووە ، وبەنیسبەت دایکیشیەوە بەهەمان شێوە مردووە لەکاتێکدا پێغەمبەرى خوا صلى الله عليه وسلم تەمەنی حەوت ساڵ بووە .
ابن القيم لە کتابی ( زاد المعاد ) دا ، دەڵێت :
جیاوازی هەیە لەبارەی مردنی باوکی پێغەمبەرەوە صلى الله عليه وسلم نازانرێن ئایا کاتێ باوکی مردووە پێغەمبەرى خوا صلى الله عليه وسلم لەسکی دایکی دا بووە یاخود دوای لەدایک بوونی باوکی مردووە ؟
جا دوو بۆ چوون هەیە لەم بارەیەوە :
یەکەمیان (کەڕاست ترە) ئەوەیە کاتێ باوکی مردووە پێغەمبەرى خوا صلى الله عليه وسلم لەسکی دایکی دا بووە .
دووەم : دوای لەدایک بوونی پێغەمبەر صلى الله عليه وسلم پاشان باوکی مردووە کاتێ کە تەمەنی حەوت مانگان بوە .
جا هیچ خیلافێک نی یە دایکی لەنێوان مەکە و مەدینەدا مردووە لە (الأبواء) کاتێ ویستووەیەتی بچێت بۆ مەدینە بۆ سەردانی خاڵوانی ، وە لەو کاتەدا پێغەمبەر صلى الله عليه وسلم حەوت ساڵی تەواو نەکردوە ، واتە : تەمەنی حەوت ساڵ بووه .والله أعلم.
وە ئاشکرایە کە پێغەمبەرى خوا صلى الله عليه وسلم برای نەسەبی ، واتە : ( دایک و باوکی)نەبووە ، بەڵکو برای (شیری) هەبووە ابن إسحاق لە ( سیرەکەیدا ) کە ئیمام و شارەزایە لەو بوارەدا ، باسی ناوەکانیانی کردووە و هێناویەتی .
ابن كثير لە (محمد بن إسحاق) نەقڵ دەکات دەڵێ : براکانی پێغەمبەر صلى الله عليه وسلم ، واتە : براو خوشکی(شیری) بریتین لە :
1- عبدالله ی کوڕی الحارث،
2-وأنيسة ی کچی الحارث،
3-وحذافة ی کچی الحارث .
وە لەفەرموودەی (الصحيح)دا هاتووە ئەبو سلمة بن عبد الأسد رضي الله عنه برای (شیری) پێغەمبەر صلى الله عليه وسلم بووە ، وە هەروەها لەفەرموودەی بوخاری و موسلیم دا هاتووە : ( أم حبيبة رضي الله عنها قالت للنبي صلى الله عليه وسلم : يا رسول الله؛ انكح أختي بنت أبي سفيان, ولمسلم: عزة بنت أبي سفيان فقال رسول الله صلى الله عليه وسلم: أو تحبين ذلك؟ قلت: نعم لست لك بمخلية وأحب من شاركني في خير أختي، فقال صلى الله عليه وسلم : فإن ذلك لا يحل لي. قالت: فإنا نحدث أنك تريد أن تنكح بنت أبي سلمة، وفي رواية درة بنت أبي سلمة. قال: بنت أم سلمة؟ قلت : نعم قال : إنها لو لم تكن ربيبتي في حجري ما حلت لي، إنها لابنة أخي من الرضاعة أرضعتني وأباها ثوبية فلا تعرضن علي بناتكن ).
واتە : (أم حبيبة) بە پێغەمبەری صلى الله عليه وسلم گوت :
ئەی پێغەمبەری خوا صلى الله عليه وسلم خوشکەکەم کەکچی ئەبو سوفیانە مارە بکە ، و لەڕیوایەتی ئیمامی موسلیم دا ناوی بە ( عزة بنت أبي سفيان)هاتووە ، پێغەمبەریش صلى الله عليه وسلم فەرمووی : ئایا ئەوەت پێ خۆشە ؟ دەڵێ : گوتم : بەڵێ ، خۆ من بێ هەوێ نیم ، واتە : تۆ خێزانی ترت هەیە و من بەتەنها نیم تاوەکو پێم ناخۆش بێت ‼
ومن پێم خۆشە لەم خێرەدا خوشکەکەم شەریکم بێت نەک کەسانی تر ، بپێغەمبەر صلى الله عليه وسلم فەرمووی : ئەو حەڵاڵ نی یە بۆ من ، (أم حبيبة) گوتی : ئێمە باس لەوە دەکەین تۆ کچەکەی أبي سلمة مارە دەکەی ، و لەڕیوایەتێکدا (درة بنت أبي سلمة) ، پێغەمبەری صلى الله عليه وسلم فەرمووی : کچەکەی أم سلمة؟ گوتم : بەڵێ .
فەرمووی : ئەو گەر لەلای خۆمیش نەبوایە و بەخێوم(ربيبە) نەکردایه ، هەرحەڵاڵ نەبوو بۆم ، ئەو کچی برایەکی شیریمە ، شیری پێداوم وباوکی ناوی سویبەیە ، کچەکانتان مەخەنە ڕووم بۆ مارە کردن .
وەهەروەها لەفەرموودەیەکی سەحیح دا هاتووە کە حەمزەی کوڕی عبد المطلب رضي الله عنه کەدەکاتە مامی پێغەمبەر صلى الله عليه وسلم لەهەمان کاتدا برای شیری پێغەمبەر صلى الله عليه وسلم بووە ، عەلی کوڕی ئەبو تالب بە پێغەمبەر صلى الله عليه وسلم بۆ کچەکەی حەمزە مارە ناکەیت ؟
پێغەمبەر صلى الله عليه وسلم ئەو کچە کچی برای شیریمە .
ابن القيم لە ( زاد المعاد ) دا ، دەڵێت : حليمة السعدية شیری بە پێغەمبەر صلى الله عليه وسلم داوە و وئەبوه سفيان بن الحارث بن عبدالمطلب یش لەگەڵی شیری خواردووە .



سەردان: ٨٠٨ بەش: پێغەمبەری خودا

ئەو کەسەى کە زوڵمى لێ کردووم دروستە دوعاى لێ بکەم؟ چۆن بزانم دوعاکەم گیرا بووە؟ئەگەر پیاو دوور بوو لە خێزانى و لە سەفەر بوو دروستە لەگەڵ خێزانى بە تەلەفۆن ئارەزووى یەکتر بجوڵێنن؟