بەشەکان
ئامار
پرسیارەکان: ٢٢٤٧ کۆی سەردان: ١٤٤١٩٣٩
پرسیار لەوێنەدا
ئەو ڕێگایانە چین کەیارمەتی مرۆڤ دەدەن بۆ ئەوەی زیکرەکانی لەبیر بێت و لەبیرى نەچێت ؟

ئەو ڕێگایانە چین کەیارمەتی مرۆڤ دەدەن بۆ ئەوەی زیکرەکانی لەبیر بێت و لەبیرى نەچێت ؟
وە ئەو کتابانە کامانەن کە دەبنە یارمەتی دەری مرۆڤ بۆ زیکر ویادی خودا کەباسیان لەچۆنیەتی زیکر کردن وفەزڵ و ڕێزی زیکر کردن کردووە 

یەکەم :
زیکر ویادی خوا یەکێکە لەگەورەترین کارە چاکەکانی کەبەهۆیەوە مرۆڤ لەخودا نزیک دەبێتەوە ، باشترین تاعەتە ، وهۆکارێکە بۆ بەرز‌ بوونەوەی پلە ، خوای پەروەردگار ئەندازەیەکی دیاری کراوی بۆ زیکر کردن دانەناوە ، بەڵکو فەرمانی کردووە زۆر زیکرو یادی بکرێت ، هەروەک فەرموویەتی : ( وَاذْكُرُوا اللَّهَ كَثِيرًا لَعَلَّكُمْ تُفْلِحُونَ ) الجمعة/10 ،
واتە : زۆر یادی خودا بکەن بەڵکو سەر فراز بن .

وەهەروەها فەرموویەتی : ( إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُمْ مَغْفِرَةً وَأَجْرًا عَظِيمًا ) الأحزاب/35
واتە : به‌ڕاستی پیاوان و ئافره‌تانی موسوڵمان، وپیاوان و ئافره‌تانی ئیمان دار ، وپیاوان و ئافره‌تانی ملکه‌چ و فه‌رمانبه‌ردار، وپیاوان و ئافره‌تانی ڕاستگۆ، وپیاوان و ئافره‌تانی خۆگر، و پیاوان و ئافره‌تانی له‌خوا ترس، و پیاوان و ئافره‌تانی به‌خشه‌نده‌، و پیاوان و ئافره‌تانی ڕۆژووان، وپیاوان و ئافره‌تانی داوێن پاك و ئه‌و پیاو و ئافره‌تانه‌ی که زۆر زیكر ویادی خوا ده‌که‌ن، ئا ئه‌مانه‌ به‌ ژن و پیاوه‌وه‌ خوای گه‌وره‌ لێخۆشبوون و ئه‌جرو پاداشتێكی زۆر گه‌وره‌ی بۆ ئاماده‌كردوون. .

وەهەروەها بەیادی خودایە دڵەکان ئارام وئاسووە دەبن ، خوای گەورە فەرموویەتی : ( الَّذِينَ آَمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ ) الرعد/28 .
واتە : ئەو کەسانەی کەباوەڕیان هێناوە دڵیان بەزیکری خودا ئارام دەبێت دەی ئاگادار بن کە دڵ بەیادی خودا ئارام دەبێت .

جا بۆ زانیاری لەبارەی ئەو هۆکارانەی کەدەبنە یارمەتی دەر بۆ زیکر ویادی خودا سەرەتا پێویسە هۆکارەکانی لەبیر چوونەوە وچارەسەرەکەی بزانین .

هەندێک لەو هۆکارانەی کەدەبنە هۆی لەبیر چوونەوەی زیکر ویادی خودا :

1. کەم تەرخەمی کردن لە لەبەر کردنی ئەو زیکرانەدا وپشت بەستن بەهەندێ نامیلکەو وەرەقە بۆ ئەو زیکرانە .

2. سەر قاڵ بوون بەکاری دونیاییەوە لەکاتی زیکری بەیانیان وئێواراندا .

3. نەزانینی سوود وقازانجی دونیایی ئەو زیکرانە کەدەبێتە هۆی پارێزەری کەسی زیکرکەر ودەبێتە هۆی کردنەوەی دەرگاى ڕزق ، ویەکێک لەسوودەکانی بۆ دوا ڕۆژ ڕزگار بوونە لەئاگری دۆزەخ وقورس کردنی تەرازووی چاکەیە وبەدەس هێنانی ڕەزامەندی خوای پەروەردگارە .

4. زۆری تاوان وسەر پێچی ، کەدەبێتە هۆکاری ڕەق بوونی دڵ ودوور کەوتنەوەی لەیادی خودا وبێئاگا بوون لەخودا .

5. نەزانینی کاتی زیکرەکانی بەیانیان وئێواران ، بەشێوەیەک وا گومان دەبات زیکری بەیانیان تەواو دەبێت بەتەواو بوونی نوێژی بەیانی وەهەروەها زیکری ئێواران تەواو دەبێت بەتەواو بوونی نوێژی عەسر ، کەلەڕاستیدا بەو شێوەیە نی یە ، بەڵکو زیکری بەیانیان لەنوێژی بەیانیەوە دەست پێ دەکات تا دوای خۆر کەوتن ، وزیکری ئێواران لەنوێژی عەسرەوە دەس پێ دەکات تا خۆر ئاوا بوون .

وەچارەسەری ئەم هۆکارانەش بەمانەی لای خوارەوە دەبێت :

1. هەوڵدان بە لەبەرکردنی زۆرێک لەو زیکرانە بۆ ئەوەی بتوانێت بیانکات تەنانەت گەر لەڕێگا وبان وسەیاڕەشدا بوو بێ ئەوەی پێویستی بەکتێب بێت .

2. وەستان وبیر کردنەوە لەواتای ئەو زیکرانە ، زۆر کەس ئەو زیکرانە دەکات بەڵام ماناکەی نازانێت ، بەشێوەیەک وای لێ دەکات کاریگەریەکی لاوازی دەبێت .

3. دیاری کردن ودەس نیشان کردنی کاتێکی دیاری کراو لەبەیانیان وئێواراندا بۆ زیکر کردن و واز هێنان لەهەموو ئەو شتانەی کەسەر قاڵی دەکات .

4. دوا نەخستنی ئەو زیکرانە ، چونکە گەر دوا بخرێت ڕەنگە بیر بچێتەوە .

5. زانینی فەزڵی ئەو زیکرانە لەدونیا ودوا ڕۆژدا لەڕێگەی ئەوەی کەلەقورئان وسوننەتدا هاتووە ، بێگومان ئەمەش دەبێتە پاڵنەرێکی باش و وا دەکات مرۆڤ وازیان لێ نەهێنێت .

6. دوور کەوتنەوە لەتاوان وسەر پێچی بۆ ئەوەی دڵێکی سەلیمی هەبێت وحەز بەزیکر ویادی خودا بکات .

7. کەم کەم دەس بکات بەو زیکرانە ، ولەجێگەیەکدا بەجارێ هەموو زیکرەکان نەکات نەوەک قورس بێت لەسەری وببێتە هۆکاری واز لێ هێنانی ، نا بەڵکو با بەرنامەیەک بۆ خۆی داڕێژێت و وردە وردە زیکری زیاتر بکات .

8. هەوڵدان بۆ خوێندنەوەی چیرۆک وبەسەر هاتی پیاو چاکان کەچۆن زیکری خوایان دەکرد و چۆن کاریگەری دەکرد لەسەریان بۆ ئەوەی ئەمیش شوێن پێی ئەوان هەڵ گرێت .

9. ئامۆژگاری ماڵ ومنداڵەکانی بکات یادی یەکتری بخەنەوە ، بێگومان ئەمەش پاڵ نەرێکی باشە .

10. هەوڵدان بەوەی هاوڕێیەتی کەسانی چاک بکات ئەوانەی کەدەبنە یارمەتی دەری بۆ زیکر ویادی خودا .

دووەم .
هەندێ لەو کتابانەی کەدەبنە یارمەتی دەری مرۆڤ بۆ زیکر ویادی خودا کەباسیان لەچۆنیەتی زیکر کردن وفەزڵ و ڕێزی زیکر کردن کردووە :

1. " الأذكار " ، للنووي .
2. " الكلم الطيب " لابن تيمية بتحقيق الألباني .
3. " الوابل الصيب " ، لابن قيم الجوزية .
4. " تحفة الذاكرين " ، للشوكاني .
5. " تحفة الأخيار " للشيخ ابن باز .
6. " فقه الأدعية والأذكار " للشيخ عبد الرزاق بن عبد المحسن العباد .
7. " حصن المسلم (قەڵاى موسڵمان) " للشیخ سعيد بن علي بن وهف القحطاني رحمه الله

والله أعلم .



سەردان: ٢٥٧ بەش: دوعا و پاڕانه‌وه‌

بۆچی لە نوێژى جەژن پێش خوێندنى سورەتى (الفاتحة) لە ڕکاتى یەکەم حەوت (الله أکبر) لە ڕکاتى دووەم پێنج جار (الله أکبر) دەکرێت؟ڕەفیقەکەم ئافرەتێکى مارە کردوە ئێستا بۆى دەرکەوتوە پێشتر پەیوەندى لەگەڵ کەسی تر هەبووە ئایا دروستە تەڵاقی بدات؟