ئەو شتانەی کەوا پێغەمبەری خوا صلى الله علیه وسلم نەهی لێ کردوون: ماڵپەڕی وەڵامەکان
ئەو شتانەی کەوا پێغەمبەری خوا صلى الله علیه وسلم نەهی لێ کردوون
پرسیار:

ئەو شتانە چین کەوا پێغەمبەری خوا صلى الله عليه وسلم نەهی لێ کردوون و قەدەغەى کردووە لەسەرمان؟

 لە شەرعدا نەهى هاتووە لەسەر چەندين شت، جا هەندێ لەو نەهيانە لە بابەتى عەقيدە وبيروباوەڕدان و هەندێكيشيان لەبابەتى جۆرەكانى عيبادەتە وەكو دەستنوێژ و نوێژ و جەنازە ورۆژو حەج  و جگە لەوانەش ، هەندێكيشان لەبابەتى موعامەلاتدايە وەكو كڕين وفرۆشتن و ژن هێنان وشووكردن و خواردن وجگە لەوانەش، وە هەندێكيشيان لەبابەتى ئاداب و خورەوشت و جلوبەرگ وهاوشێوەكانى، جا پێويستە موسڵمان ئاگاى لەم نەهى لێ كراوانە بێت و ئەو سنورانە نەشكێنێت و وريايان بێت.  

جا ئێستاش هەندێك لەو نەهي لێ كراوە شەرعيانە:

1- ابن عباس رضي الله عنه دەڵێت: ( نهى رسول الله أن يُتخذَ شيء فيه الروحُ غرضاً ) واتە: پێغەمبەرى خوا صلى الله عليه وسلم نەهى كردووە لەوەى گيانلەبەرێك بكرێتە ئامانج ونيشانە و تيروبەردى تێبگيرێت.
چونكە ئەوە گاڵتەجاڕيە بەو گياندارە و سزادانيشە بۆى. (١)
لە ريوايەتێكى تردا بەم شێوەيە هاتووە: ( لا تتخذوا شيئاً فيه الروح غرضاً ).(٢)

2- ابن عباس رضي الله عنه دەڵێت: ( نُهى أن يُتنفَّسَ في الإناءِ ، أو ينفَخَ فيه )(٣) واتە: پێغەمبەرى خوا صلى الله عليه وسلم نەهى كردووە لەوەى نەفەس لەناو قاپدا بدرێت ياخود فووبكرێت بەناو قاپدا.

3- ئەبي هورەيرە رضي الله عنه دەڵێت: پێغەمبەرى خوا صلى الله عليه وسلم فەرموويەتى: " إذا استيقظ أحدُكم من نومه فلا يغمس يده في الإناء حتى يغسلها ثلاثاً فإنه لا يدري أين باتت يده.(٤) واتە: ئەگەر يەكێكتان لەخەو هەستا با دەستى نەكات بەناو قاپي ئاو (يان شلە)دا هەتا سێ جار نەيشۆرێت چونكە نازانێت دەستى بەر كوێ كەوتووە ولەچی داوە.

4- لە موعاويەوە رضي الله عنه دەڵێت: پێغەمبەرى خوا صلى الله عليه وسلم فەرمووى: " لا تُلحفُوا في المسألةِ ، فوالله لا يسألني أحدٌ منكم شيئاً فتُخرُجُ له مسألتُه مني شيئاً وأنا له كارهٌ فيباركُ فيما أعطيتُه " (٥) واتە: كاتێك داواى شتێك دەكەن زۆر مەكەن چونكە سوێند بەخــوا هيچ يەكێكتان نييە كە داواى شتێكم لێ بكات بەزۆر لێكردن و منيش پێى ببەخشم و پێم ناخۆش بێت, ئەوا بەرەكەتى تێدا نابێت ئەو شتەى كە پێم بەخشيوە.
5- ئەبي هورەيرە رضي الله عنه دەڵێت: پێغەمبەرى خوا صلى الله عليه وسلم فەرموويەتى: " لا تختصُّوا ليلة الجمعةِ بقيام من بين الليالي ، ولا تخصُّوا يوم الجمعة بصيامٍ من بين الأيام إلاّ أن يكون في صومٍ يصومُه أحدُكُم " (٦)، واتە: شەوى هەينى لەنێو شەوەكاندا تايبەت مەكەن بەهەستان بۆ شەونوێژ, وە رۆژى هەينيش لەنێو رۆژەكاندا تايبەت مەكەن بە رۆژوگرتن مەگەر هەينى رۆژى رۆژو گرتنى ئەو كەسە بێت (وەكو نەزر يان خۆى رۆژنارۆژێك بەرۆژوە).
پێشەوا نەوەوى – رەحمەتى خواى لێ بێت – دەڵێت: " لەم فەرموودەيەدا نەهى راشكاوى تێدايە لەسەر تايبەت كردنى شەوى هەينى بە شەونوێژ و رۆژەكەشی بە رۆژوگرتن"(٧).

6- ابن عومەر رضي الله عنه دەڵێت: پێغەمبەرى خوا صلى الله عليه وسلم فەرمووى: " لا يبع الرجلُ على بيعِ أخيهِ ، ولا يخطبْ على خطبةِ أخيهِ إلا أن يأذن له "(٨) واتە: كەستان كڕين وفرۆشتن نەكەن بەسەر كڕين وفرۆشتنى برايەكتاندا و هەروەها ئەگەر ئەو چوبوە داواى ئافرەتێك تۆش لەوكاتەدا مەچۆرە داواى هەتا ئەو وازى لێ دەهێنێت يان خۆى ئيزن دەدات.  

7- لە عائيشەوە – رەزاى خواى لێ بێت – دەڵێت: پێغەمبەرى خوا صلى الله عليه وسلم فەرمووى: " لا يحلّ لامرأةٍ تؤمنُ بالله واليومِ الآخر ، أن تحدَّ على ميت فوق ثلاث إلا على زوجهِا "(٩). واتە: حەڵاڵ نييە بۆ ئافرەتێك كە باوەڕى بەخواو بەرۆژى دوايی هەبێت, زياد لە سێ رۆژ تازێ بارى بكات بۆ مردوو ئيلا بۆ مێردەكەى نەبێت.

8- لە ئەنەسەوە رضي الله عنه دەڵێت: پێغەمبەرى خوا صلى الله عليه وسلم فەرموويەتى: " ما بالُ أقوام يرفعونَ أبصارهم إلى السماءِ في صلاِتِهمْ ؟ لينتَهُنَّ عن ذلك ، أو لتخطفُنَّ أبصارُهم "(١٠) واتە: ئەوە چييە كەسانێك شاويان لە نوێژدا بۆ ئاسمان بەرزدەكەنەوە؟ يان واز دەهێنن لەو كارەيان يان ئەوەتا چاويان لەدەست دەدەن.

9- لە جابرەوە رضي الله عنه دەڵێت: ( نهى أنُ يُقْتَلَ شيءٌ من الدوابِّ صبراً )(١١). واتە: پێغەمبەرى خوا صلى الله عليه وسلم نەهى كردووە لەوەى هەر ئاژەڵێــك بە بەستراوى وبەندكراوى بكوژرێت.

10- لە جابرەوە رضي الله عنه دەڵێت: ( نهى أنُ يُقْعَدَ على القبر ، وأن يُجَصَّصَ ، أو يبُنى عليه )(١٢) واتە: پێغەمبەرى خوا صلى الله عليه وسلم نەهى كردووە لەوەى لەسەر گۆڕ دابنيشيت يان بەرزبكرێتەوە يان بينا لەسەرى بكرێت.

11-  لە جابرەوە رضي الله عنه دەڵێت: (  نهى أن يُكتَبَ على القبرِ شيءٌ )(١٣). واتە: پێغەمبەرى خوا صلى الله عليه وسلم نەهى كردووە لەوەى لەسەر گۆڕ شت بنووسرێت.

 12- لە بن عومەرەوە رضي الله عنه دەڵێت: ( نهى عن الجلوسِ على مائدةٍ يُشرَبُ عليها الخمرُ ، وأن يأكُلَ الرجلُ وهو منبطحٌ على بطنِه )(١٤) واتە: پێغەمبەرى خوا صلى الله عليه وسلم نەهى كردووە لەوەى لەسەر سفرەو خوانێك دابنيشيت كە مەى خواردنەوەى لەسەر بێت, وە هەروەها نەهيشی كردووە لەوەى پياوێك بە ڕاكشانەوە لەسەر سك شت بـخـوات.

13- لە جابرەوە رضي الله عنه دەڵێت: ( نهى عن الضحكِ من الضَّرطةِ )(١٥). واتە: پێغەمبەرى خوا صلى الله عليه وسلم نەهى لە پێكەنين كردووە لە حاڵەتى با لێ بەربوون.  

14- لە ابن عەمرەوە رضي الله عنه دەڵێت: ( نهى عن ثمن الكلب ، وثمنِ الخنزيرِ ، وثَمنِ الخمرِ ، وعن مَهْرِ البغيِّ ، وعن عسْب الفحل ) ( أخذ المال مقابل طروقه )(١٦) واتە: پێغەمبەرى خوا صلى الله عليه وسلم نەهى كردووە لە پارەى فرۆشتنى سەگ و بەراز و مەى (مەشروب) و كرێى زينا و كرێى پەڕينى شەكەنێر.

15- لە ئەبي هورەيرەوە رضي الله عنه دەڵێت: پێغەمبەرى خوا صلى الله عليه وسلم فەرمووى: (لا ترغبوا عن آبائكم ، فمن رغب عن أبيه فهو كفرٌ ) (١٧)( ومن انتسب إلى قومٍ ليس بينه وبينهم نَسَب فليتبوأ مقعده من النّـار ) . واتە: پشت مەكەن لە باوكتان, چونكە هەركەسێك پشت بكات لە باوكى(خۆى بداتە پاڵ كەسی تر) ئەوا كوفرە, وە هەركەسێك نەسەبی خۆى بداتە پاڵ كەسانێك كە نەسەبيان لەگەڵ ئەمدا نييە ئەوا با جێگاى خۆى لە ئاگــر دابنێت.

16- لە جابرەوە رضي الله عنه دەڵێت: پێغەمبەرى خوا صلى الله عليه وسلم فەرمووى: " لا تسلِّمُوا تسليمَ اليهود والنصارى ، فإنِّ تسليمهم إشارةٌ بالكفوف "(١٨). واتە: هاوشێوەى سڵاوى جولەكە وگاور سەلام لەيەكترى مەكەن, چونكە سەلام كردنى ئەوا تەنها ئاماژە كردنە بەناولەپ.

17- لە جابرەوە رضي الله عنه دەڵێت: پێغەمبەرى خوا صلى الله عليه وسلم فەرمووى: " لا تعلَّمُوا العلمَ لتباهُوا به العلماءَ ، أو تُماروا به السفهاءَ ، ولا لتجترئوا  به المجالس ، فمن فعل ذلك فالنارُ النارُ " (١٩) واتە: فێرى زانست مەبن بۆ خۆدەرخستن و شانازى پێوەكردنى لاى زانايان يان بۆ موناقشەپێكردنى لەگەڵ نەزان ونەفامەكاندا ياخود بۆ ئەوەى لەناو كۆڕ ومەجليسدا فەرموى لێ بكرێت پێشبخرێت وشوێنى باش وبەرزی بۆ دابنرێت, وە ئەوەى ئەو كارە بكــات ئەوا ئاگر ئــاگر.

18- لە ابن عباسەوە رضي الله عنه دەڵێت: پێغەمبەرى خوا صلى الله عليه وسلم فەرمووى: " لا تلعن الريحَ ، فإنها مأمورةٌ ، وإنَّه من لعنَ شيئاً ليس له بأهلٍ رجعتِ اللعنةُ عليه "(٢٠). واتە: نەفرەت لە با مەكەن, چونكە ئەويش فەرمان پێكراوە, لەبەر ئەوەى هەركەسێك نەفرەت لە شتێك بكـــات و ئەو شتە شايستەى نەفرەت نەبێت ئەوا نەفرەتەكە بۆ سەر خۆى دەگەڕێــتەوە.

19- لە ئەبی هورەيرەوە رضي الله عنه دەڵێت: پێغەمبەرى خوا صلى الله عليه وسلم فەرمووى: ( لا يصلِّي أحدكُم في الثوبِ الواحدِ ليس على عاتقِه منه شيءٌ )(٢١) واتە: كەستان نــوێــژ نەكات لەناو جلێكدا بەشێوەيەك كە هيچ بەسەر شانيەوە نەبێت لێى.
وآخر دعوانا أن الحمد لله رب العالمين


(١) أحمد والترمذي والنسائي – صحيح  الجامع ( 6817 ).
(٢) أحمد أبو داود والترمذي – صحيح الجامع(6820)
(٣) مسلم 1/233- شرح النووي (3/180)
(٤) مسلم.
(٥) متفق عليه فتح (3/335) كتاب الزكاة، شرح مسلم (7/127).
(٦) مسلم – كتاب الصيام (2/801).
(٧) شرح مسلم (8/11-20).
(٨) مسلم (9/199).
(٩) مسلم (2/1127) والشرح 10/11
(١٠) أحمد والبخاري – وأبو داود – صحيح الجامع (5574).
(١١) أحمد ومسلم – صحيح الجامع (6839).
(١٢) أحمد وأبو داود والنسائي – صحيح الجامع (6841) .
(١٣) البيهقي والحاكم – صحيح الجامع (6843).
(١٤) أبو داود والبيهقي والحاكم – وحسَّنُه في صحيح الجامع (6874) والصحيحة (3394).
(١٥) متفق عليه، صحيح الجامع (6896)، صحيح الجامع (6896)
(١٦) الطبراني – صحيح الجامع (6948).
(١٧) ابن ماجة صحيح الجامع (7279)  وعند البخاري.
(١٨) رواه البيهقي في الشُعب وحسنه الألباني في صحيح الجامع (7327).
(١٩) البيهقي وابن حبان والحاكم – وصححة في صحيح الجامع (7370) 0
(٢٠) أبو داود والترمذي وغيرهما – صحيح الجامع (7447) والصحيحة (527).
(٢١) أحمد وأبو داود والنسائي صحيح الجامع (7726) .

سەردان: ٣٩٨ بەش: تاوانه‌كان