بەشەکان
ئامار
پرسیارەکان: ١٥٩٢ کۆی سەردان: ٧٧٦٩٣٢
پرسیار لەوێنەدا
قورئان بریتیە لە چی؟ وە ئامانجەکانى چین؟ وە تایبەتمەندیەكانی قورئان کامانەن؟

قورئان بریتیە لە : قسەی خوای پەروەردگار كە موعجیزەیە و دابەزێنراوەتە سەر پێغەمبەری خوادا صلى الله عليه وسلم ، و بەشێوەی موتەواتیر لێیەوە گێڕراوەتەوە, خوێندنەوەی خواپەرستیە ، وە قورئان قسەی خوایە لە ڕووی حەقیقەتەوە نەك قسەی جگە لەو, لای ئەوەوە هاتووە و بۆ لای ئەویش دەگەڕێتەوە ، جا ئەگەر خەڵكی بیخوێننەوە یان بینوسنەوە لە كتێبەكاندا لەو سیفەتەی دەرناچێت كە قسەو فەرمایشتی خوای گەورەیە.

هەندێك لە مەبەست و ئامانجەكانی قورئانی پیرۆز:
یەکەم: چاككردنی بیروباوەڕی خەڵكی و پاككردنەوەی لە شیرك و خورافیات.
دووەم : چاككردنی عیبادەتی خەڵكی و پاككردنەوەی لە بیدعە و گومڕاییەكان.
سێیەم : چاككردنی ڕەوشت و ئاكاری خەڵكی و پاكژكردنەوەی ناخ و دەروونیان.
چوارەم :چاككردنی دونیای خەڵكی لەمیانەی مەزنترین شەریعەتێك كە مرۆڤایەتی پێی ئاشنابووبێت.

تایبەتمەندیەكانی قورئان:
یەکەم : لە لایەن خواوەیە ، وە ئەو خوایەی كە گەورە و مەزنە بێگومان شتی گەورەو مەزنیش دەنێرێت, وەكو دەفەرموێت: [وَلَقَدْ آتَيْنَاكَ سَبْعاً مِنْ الْمَثَانِي وَالْقُرْآنَ الْعَظِيمَ (87)] (الحجر).
دووەم : قورئان حەق و ڕاستیە و گومان و هەڵە و ناڕەوایەتی تێدا نیە وەكو دەفەرموێت: [ذَلِكَ الْكِتَابُ لا رَيْبَ فِيهِ] (البقرة:2)
سێیەم : قورئان جیاكەرەوەی نێوان حەق و باتڵە:[تَبَارَكَ الَّذِي نَزَّلَ الْفُرْقَانَ عَلَى عَبْدِهِ لِيَكُونَ لِلْعَالَمِينَ نَذِيراً (1) ](الفرقان :1)
چوارەم: زانست و زانیاری تێدایە دەربارەی هەموو شتێك, جا ئەوەی هەوڵی فێربوونی بدات دەیزانێت و ئەوەشی هەوڵ نەدات نایزانێت:[مَا فَرَّطْنَا فِي الْكِتَابِ مِنْ شَيْءٍ] (الانعام:38)
پێنجەم: ڕێنموونی و ئامۆژگاری تێدایە: [طس تِلْكَ آيَاتُ الْقُرْآنِ وَكِتَابٍ مُبِينٍ (1) هُدًى وَبُشْرَى لِلْمُؤْمِنِينَ (2)] (النمل :1-2)
شەشەم: ڕێگە و دەروازەی ڕزگاربوونی تێدایە لە هەموو ئاژاوە و كێشە و ئاڵۆزیەك: [كِتَابٌ أَنزَلْنَاهُ إِلَيْكَ لِتُخْرِجَ النَّاسَ مِنْ الظُّلُمَاتِ إِلَى النُّورِ ] (إبرهيم: 1)
حەوتەم: قورئان شیفا و سۆز و ڕەحمەتە: [وَنُنَزِّلُ مِنْ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ ](الإسراْ :82)
هەشتەم : زیكرو یادخەرەوە و هۆكاری پەند لێ وەرگرتنی تێدایە: [فَذَكِّرْ بِالْقُرْآنِ مَنْ يَخَافُ وَعِيدِ (45)] (ق)
نۆیەم : ماناو واتاكانی ڕوونن و شاراوەیی تێدا نیە: [وَلَقَدْ يَسَّرْنَا الْقُرْآنَ لِلذِّكْرِ فَهَلْ مِنْ مُدَّكِرٍ (17) ](القمر)
دەیەم : قورئان موعجیزەیە و هیچ كەسێك لەمرۆڤ و جنۆكەكان لەتوانایاندا نیە وێنەی ئەم قورئانە دروست بكەن ئەگەر هەموویشیان كۆببنەوەو هاوكاری یەكتر بكەن لەو پێناوەدا: [قُلْ لَئِنْ اجْتَمَعَتْ الإِنسُ وَالْجِنُّ عَلَى أَنْ يَأْتُوا بِمِثْلِ هَذَا الْقُرْآنِ لا يَأْتُونَ بِمِثْلِهِ وَلَوْ كَانَ بَعْضُهُمْ لِبَعْضٍ ظَهِيراً (88) ](الإسراء )

وەرگیراوە لە کتێبی : (تفسير الجزء الأخير من القرآن الكريم ومعه تفسیر الفاتحة وآیة الکرسي مختصر من تفسير ابن كثير ويليه 37 موضوعًا من أهم ما يحتاج إليه المسلم في دينه ودنياه) کە زاناى بەڕێز : شێخ صالح الفوزان پێداچونەوەى بۆ کردوە و پێشەکى بۆ نوسیوە .



سەردان: ٢٤٦ بەش: قورئانی پیرۆز

ئایا دەلیل چیە كە بە كارهێنانی ئەلقاب جگە لە (مسلم) كە رب العالمین ناوی ناوین بیدعە نیە؟ وەکو بەکارهێنانى وشەى (سەلەفى)مەرجەكاتی دروستێتی دەستنوێژ چین؟