ئایا ئه‌و كاتانه‌ كامانه‌ن كه‌ نه‌هیان له‌سه‌ره‌ نوێژیان تێدا بكرێت به‌به‌ڵگه‌وه‌؟: ماڵپەڕی وەڵامەکان
ئایا ئه‌و كاتانه‌ كامانه‌ن كه‌ نه‌هیان له‌سه‌ره‌ نوێژیان تێدا بكرێت به‌به‌ڵگه‌وه‌؟

ئه‌و كاتانه‌ى كه‌ نه‌هیان له‌سه‌ره‌ به‌گشتى پێنج كاتن، له‌فه‌رمووده‌شدا هاتوون: وه‌كو:
عَنْ أَبِي سَعِيدٍ الْخُدْرِيِّ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «لَا صَلَاةَ بَعْدَ الصُّبْحِ حَتَّى تَرْتَفِعَ الشَّمْسُ وَلَا صَلَاةَ بَعْدَ الْعَصْرِ حَتَّى تَغِيبَ الشَّمْسُ» (مُتَّفَقٌ عَلَيْهِ)
واته‌: نوێژ له‌دواى نوێژى به‌یانیه‌وه‌ نیه‌ هه‌تا خۆر به‌رز ده‌بێته‌وه‌ و هه‌روه‌ها نوێژیش له‌دوا نوێژى عه‌صره‌وه‌ نیه‌ هه‌تا خۆر ئاوا ده‌بێت.
عن عُقْبَةَ بْنَ عَامِرٍ الْجُهَنِيَّ (- رضي الله عنه -) يَقُولُ: ثَلَاثُ سَاعَاتٍ كَانَ رَسُولُ اللَّهِ - صلى الله عليه وسلم - يَنْهَانَا أَنْ نُصَلِّيَ فِيهِنَّ أَوْ أَنْ نَقْبُرَ فِيهِنَّ مَوْتَانَا: حِينَ تَطْلُعُ الشَّمْسُ بَازِغَةً حَتَّى تَرْتَفِعَ، وَحِينَ يَقُومُ قَائِمُ الظَّهِيرَةِ حَتَّى تَمِيلَ الشَّمْسُ، وَحِينَ تَضَيَّفُ الشَّمْسُ لِلْغُرُوبِ حَتَّى تَغْرُبَ. أخرجه مسلم.
واته‌: له‌(عقبه‌) كوڕى( عامر الجهنی)م بیستووه‌ (- رضي الله عنه -) ده‌یووت: سێ كات هه‌ن كه‌ پێغه‌مبه‌رى خوا- صلى الله عليه وسلم - رێگرى لێ ده‌كردین كه‌ نوێژى تێدا بكه‌ین یا مردووى تێدا بخه‌ینه‌ گۆڕ: كاتێ خۆر هه‌ڵدێت به‌ته‌واوى هه‌تا به‌رز ده‌بێته‌وه‌، كاتێ له‌نیوه‌ڕۆدا كه‌سێك به‌پێوه‌ بوه‌ستێ و سێبه‌رى بۆ دروست نه‌بێ هه‌تا خۆر لاده‌دات، كاتێكیش خۆر لارده‌بێته‌وه‌ بۆ ئاوابوون هه‌تا ون ده‌بێت.
به‌ڵام له‌كاته‌ نه‌هیى لێكراوه‌كانیشدا دروسته‌ فه‌رزه‌كان به‌قه‌زا بدرێنه‌وه‌ و دووركعاتى ته‌واف و ئه‌و نوێژانه‌ش كه‌ هۆكاریان هه‌یه‌ وه‌كو ته‌حیه‌تى مزگه‌وت ئه‌وه‌ش له‌سه‌ر ووته‌ى په‌سه‌ندى زانایان.

وەرگیراوە لە کتێبی : (إعانة الخطباء والأئمة بفقه إمامة الأمة)
لە نوسینى شێخ : محمد بن زيد بن محمد المدخلي

سەردان: ٢٨٣ بەش: نوێژ