مرۆڤ چۆن وا بکات پێغەمبەری صلى الله عليه وسلم لەهەموو شتێکی دونیا زیاتر خۆش بوێت ؟: ماڵپەڕی وەڵامەکان
مرۆڤ چۆن وا بکات پێغەمبەری صلى الله عليه وسلم لەهەموو شتێکی دونیا زیاتر خۆش بوێت ؟

خۆش ویستی پێغەمبەر صلى الله عليه وسلم لەگەڵ ئیمانی موسوڵماندایە گەر مرۆڤ باوەڕی بەهێز بێت ئەو کات خۆشویستنی بۆ پێغەمبەر صلى الله عليه وسلم زیاتر دەبێت ، بێگومان خۆش ویستی پێغەمبەر صلى الله عليه وسلم عیبادەتە ، و لەشەریعەتی ئیسلام دا یەکێکە لەواجبەکان .

پێغەمبەر صلى الله عليه وسلم فەرموویەتی : " لا يؤمن أحدكم حتى أكون أحب إليه من والده وولده والناس أجمعين " . رواه البخاري ( 15 ) ومسلم ( 44 ) .
واتە : باوەڕی هیچ کەسێک لەئێوە تەواو نابێت تاوەکو من خۆشەویست تر نەبم لەلای لەباوکی و منداڵەکەی و هەموو خەڵک .

پاشان دەکرێت بەزانینی ئەم شتانە خۆشەویستی پێغەمبەر صلى الله عليه وسلم دەستە بەر ببێت :

یەکەم : نێردراوی خودایە وخودا هەڵی بژاردووە وفەزڵی داوە بەسەر هەموو خەڵکدا بۆ ئەوەی دینەکەی بگەیەنێت بەخەڵک وخودا هەڵی بژاردووە لەبەر خۆشەویستی وڕازی بوونی لێی ، گەر خودا خۆشی نەویستایە و لێی ڕازی نەبوایە هەڵی نەدەبژارد ، هەر بۆیە پێویستە لەسەرمان ئەو کەسەمان خۆش بوێت کەخودا خۆشی ویستووە ولێی ڕازی بووە ، وبزانین کە پێغەمبەر صلى الله عليه وسلم هەڵبژاردەی خودا بووە .

دووەم : پێویستە پلە و ڕێزی پێغەمبەر صلى الله عليه وسلم بزانین ، کەباشترین مرۆڤ بووە .
ئەبو هوڕەیرە دەڵێت : پێغەمبەری خوا صلى الله عليه وسلم فەرمووی : " أنا سيد ولد آدم يوم القيامة وأول من ينشق عنه القبر وأول شافع وأول مشفع " . رواه مسلم ( 2278 ) .
واتە : من گەورە وسەرداری کوڕانی ئادەمم لەڕۆژی دواییدا ویەکەم کەسم کەلەگۆڕ دێمه دەرەوە ویەکەم کەسم کەشەفاعەت دەکەم وشەفاعەتم قەبوڵ دەکرێت .

سێیەم : پێویستە بزانین کە پێغەمبەر صلى الله عليه وسلم لەپێناو گەیاندنی دینەکەیدا بەئێمە توشی جۆرەها ناخۆشی وئازاردان بوو ، و لەو پێناوەدا نزیکترین کەسی خۆی لێ بێ بەری کرد وتەنانەت تۆمەتی شێتی وساحیر وجۆرەها ناوی تریان لێ دەنا ولەپێناو ئەو دینەدا جەنگا وقوربانی دا و لەشارەکەی دەرکرا...هتد .

چوارەم : شوێن کەوتنی هاوەڵانی ؛ چونکە بەڕاستی ئەوان پێغەمبەریان صلى الله عليه وسلم زۆر خۆش دەویست تەنانەت لەماڵ ومنداڵ وخودی خۆیان زیاتر خۆشیان دەویست :

ئەنەس دەڵێت : " لقد رأيت رسول الله صلى الله عليه وسلم والحلاق يحلقه وأطاف به أصحابه فما يريدون أن تقع شعرة إلا في يد رجل " . رواه مسلم ( 2325 ) .
واتە : پێغەمبەرم صلى الله عليه وسلم بینی کاتێ حەلاق سەری چاک دەکرد وهاوەڵەکانی دەوریان دابوو هەر تاڵە مویەکی بکەوتایەتە ئەرز هەڵیان دەگردەوە .

پێنجەم : شوێنی سوننەتە گوفتار وکردارەکانی بکەویت وبیکەیتە بەرنامەی ژیانت وفەرمانەکانی پێش فەرمانی هەموو کەس بخەیت وپاشان شوێن عەقیدە وبیر وباوەڕی هاوەڵان وتابعین بکەویت کەعەقیدەی ئەهلی سوننە وجەماعەیە دوور بێت لە عەقیدە بیدعیەکان بەتایبەت ڕافیزە کە پێشەواکانیان زیاتر لە پێغەمبەر صلى الله عليه وسلم خۆش دەوێت .

نسأل الله أن يرزقنا محبة رسوله صلى الله عليه وسلم وأن يجعله أحب إلينا من أولادنا وآبائنا وأهلينا ونفوسنا .

والله أعلم .

سەردان: ٧٣٠ بەش: پێغەمبەری خودا