بەشەکان
ئامار
پرسیارەکان: ٢٢٤٧ کۆی سەردان: ١٤٤١٩٤٤
پرسیار لەوێنەدا
ئایا ئافرەتانیش حوكمی پیاوانیان هەیە کەوا ئامادەی مزگەوت بن و بە جەماعەت نوێژی تەراویح بكەن؟

ئایا ئافرەتانیش حوكمی پیاوانیان هەیە بۆ ئەوانیش لە حەقی ئەوانیش دا سوننەتە كەوا ئامادەی مزگەوتەكان بن‌و بە جەماعەت نوێژی تەراویح بكەن، یاخود لە ماڵێكدا كۆ ببنەوە بە جەماعەت بیكەن، یاخود حوكمی ئەوان جیاوازە؟.

بێگومان ئافرەتان پێغەمبەری خوا صلى الله عليه وسلم فەرموویەتی: (لا تمنعوا إماء الله مساجد الله) ( رواه مسلم .)ڕێگری لە ئافرەتان مەكەن كە بێن بۆ ماڵەكانی خوا بۆ نوێژ، وە هەروەها بۆ نوێژی تەراویحیش كە بێن لە دوای ئیمامی پیاوەوە بیكەن لە شوێنی تایبەتی خۆیان بۆ ئەوەی تێكەڵی ڕوو نەدات بێگومان لەسەردەمی پێغەمبەری خوا صلى الله عليه وسلم ئافرەتان لە نەفسی مزگەوت لە ڕیزەكانی دواوە ڕادەوەستان‌و پیاوەكان لە پێشەوە بوون بەڵام تەقواو ئیمانی ئەوان قیاس ناكرێت لەگەڵ تەقوای خەڵكی ئەمڕۆ ئەوان زیاتر بە تەقواتر‌و لە خواترس بوون بۆیە هیچ فیتنەیەك ڕووی نەداوە كە لە نەفسی مزگەوتیشدا نوێژیان كردوە بەڵام ئەمڕۆ ئیمانی خەڵك لاواز بووە[ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ ][الروم:41] .
خراپەكاری زیاد بووە وە بۆ(سد الذریعة) بۆ ئەوەی دەرگای فیتنە دابخەین‌و نەیكەینەوە زانایان دەفەرموون پێویستە ئافرەتان لە مزگەوت شوێنی تایبەتی خۆیان هەبێ‌ كە بەو شێوەیە هاتن لە شوێنی تایبەتی خۆیان نوێژیان كرد لە دوای پیاوان دروستە إِنْ شاء الله، وە هەروەها ئەگەر ئیمامێكی پیاویش بۆ ئەوان هەبێ‌ پێش نوێژیان بۆ بكات هەر دروستە هەر وەكو چۆن عومەری كوڕی خەتتاب (ڕەزای خوای لێ‌ بێت) ئیمامێكی پیاوی تایبەتی بۆ ئافرەتان دانا لەسەردەمی خۆی كە پێش نوێژی بۆ ئافرەتان بكات.

جا کە دەڵێین دروستە بۆ ئافرەتان بۆ خوشكان كە بێن بۆ نوێژی تەراویح دەبێت ئاگایان لێبێت بە شێوەیەك بێن كە تیایدا خێرمەند بن نەك زەرەرمەند، ئافرەتان كە بێن بۆ نوێژی جەماعەت با بە نیەتی خالص بۆ خوای گەورە بێن، وە هەروەها بە شێوەیەكی شەرعی‌و بە لیباس‌و پۆشاكی شەرعی بێن، وە كە هاتن دەنگە دەنگ‌و غەڵبە غەڵب‌و قسە نەكەن، وە خەریكی موبایل نەبن، خەریكی وێنەگرتن نەبن، خەریكی ئەوە نەبن سێ‌ سێ‌‌و چوار چوار بەیەكەوە دانیشن‌و مەجلیس ببەستن‌و عبادەت‌و نوێژو خواپەرستی‌و دوعاو قورئان خوێندن لەوانی تریش تێكدەن كە خەریكی عبادەتن، چونكە ئەو دیاریدەیە هەیە لەناو ئافرەتاندا پێویستە لە خوا بترسن هەر كەسێك بە نیەتێكی خالصەوە بێت، ئەگەر نا ئەوا بێگومان گوناهی زۆرە وە ئەوە شێوەیەكە لە فەسادی‌و خراپەكاری وە تاوانبار دەبێت، وە زۆر گوناهی دەگاتێ‌ پەنا بەخوای گەورە، لە ماڵی خۆی دانیشێ‌ زۆر زۆر خێرترە لەوەی كە بێ‌ ئاوا خراپەكاری بكات‌و نوێژی موسوڵمانانی تریش تێك بدات، وە لەوەش خراپتر زۆر تاوانی گەورەتر كە كەسانێكی كەم ئیمان‌و ئیمان لاواز لە كوڕان‌و كچان مزگەوتەكان بكەنە شوێنی مەوعیدەكانیان بۆ ئەوەی لەوێ‌ لە ڕێگادا یەكتر ببینن یا لەوێ‌ بە موبایل قسە لەگەڵ یەكتر بكەن‌و مەوعید دابنێن‌و چاویان بە یەكتر بكەوێ‌، هەر گەنجێك كوڕ یا كچ كە ئەو نیەتە لە دڵیدا بێ‌ ئەوە خوای گەورە سوكی دەكات خوای گەورە سزای دەدات، خوای گەورە سەرفراز‌و بەختەوەری ناكات، بۆیە پێوستە لە خوا بترسن كوڕانیش‌و كچانیش بە نیەتێكی خالص ڕوو بكەنە ماڵەكانی خوای گەورەو وە قەدر‌و حورمەتی ماڵی خوای گەورە بزانن‌و عبادەتی خوای تیا بكەن نەك كاری بێ‌ شەرعی.

ئەم پرسیارە لە لایەن بەڕێز (دکتۆر عبداللطیف أحمد)ەوە وەڵام دراوەتەوە



سەردان: ٣٤٩ بەش: ڕۆژوو

ئەگەر ئافرەت پێش بانگی بەیانی پاك بوەوە بەڵام فریای خۆشۆردن نەکەوت ئایە كە بەڕۆژوو ئەبێت ئەو ڕۆژەی بۆ حساب دەكرێت ؟ڕۆژوو بە چەند قۆناغ واجب بوو ، وە قۆناغەكانی واجب بوونی ڕۆژووی ڕەمەزان کامانەن؟