بەشەکان
ئامار
پرسیارەکان: ١٥٣٥ کۆی سەردان: ٦٨٢٦٥٥
پرسیار لەوێنەدا
ئايا تەقوا بە چ شتێك زياد دەكات،و سيفەتى ئادەميزادى پارێزگار (الْمُتَّقِي) چۆنەو كامانەن؟

بسم الله الرحمن الرحیم سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
هۆكارەكانى زياد بوونى تەقوا بەویستى خواى پەروەردگار بە جێبەجێكردنى ئەم شتانە دێتەدى، كە لەم ئايەتە پيرۆزانەدا هاتوون، خواى گەورە لە ئايەتى (3-4)ى سوورەتى پيرۆزى (البَقَرَة)دا باسي چەند سيفەتێکى ئادەميزادى پارێزگارو خواناس (الْمُتَّقي) دەكات، كە ئەمانەن:
1 ـ باوەڕهێنان بە هەموو شتێکى غەیبی و ناديار لە ئێمەوە، كە لە قورئان و سوننەتدا هاتووە، بەڵام ئێمە نەمان بينيوە.
2 ـ كردنی نوێژە فەرزەكان بەپێى سوننەتەكانى پێغەمبەرىخۆشەويست (صَلَّى اللَّهُ عَلَيْهِ وَسَلَّمَ) وەك خۆى (صَلَّى اللَّهُ عَلَيْهِ وَسَلَّمَ) دەفەرمووێت: {وَصَلُّوا كَمَا رَأَيتُمُونِي أُصَلِّي} رَوَاهُ البُخَاڕي.ّ
واتــــە: نوێژ بكەن ئـــەى موسوڵمانان، هەروەك چۆن من دەبينن، كـــە نوێژ دەكەم.
3 ـ دەركردنى زەكاتى ماڵ و سامان و خێركردن و يارمەتى دانى هەژاران و بێنەوايان.
4 ـ باوەڕ هێنانى ڕاستەقينە بە قورئانى پيرۆزو هەموو كيتابە ئاسمانيەكانى پێشوو، كە لەلايەن خواى پەروەردگارەوە بۆ پێغەمبەران (سەلامى خوايان لەسەر بێت) دابەزيوون،
كە بريتين لە: تەورات و ئينجيل و زەبوور و سوحوف و چەندەها کتێبی ئاسمانی تريش، كە ئێمە ناوەكانيان نازانين، بەڵام بە دابەزینى قورئانى پيرۆز كارپێكردنى هەموويان نەسخ بۆتەوە كار بەهيچيان ناكرێت و تەنها قورئانيشە، كە دەبێت بكرێتە بەرنامەى ژيان.
خواى گەورەو ميهرەبان هەر لە سوورەتى پيرۆزى (البَقَرَة)دا باسى چەند سيفەتێکى ترى پارێزگارى كردووە، كە ئەمانەن:
5 ـ باوەڕ هێنانى ڕاستەقينە بە خواى گەورەو ميهرەبان.
6 ـ باوەڕ هێنان بە پاشەڕۆژ و قيامەت.
7 ـ باوەڕ هێنان بە هەموو مەلائيكەكانى خواىگەورەو ميهرەبان (سەلامى خوايان لەسەر بێت)، كە تەنيا خواى پەروەردگار خۆى ژمارەيان دەزانێت.
8 ـ باوەڕ هێنان بە سەرجەم پێغەمبەرەكان (سەلامى خوايان لەسەر بێت)، كـــــە ژمارەيان (124000) پێغەمبەرە (سەلامى خوايان لەسەر بێت).
9 ـ بەخشینى ماڵ و سامانێك، كە خۆشەويستەو زۆر بەنرخە بەلاى خاوەنەكەيەوە.
10 ـ بە جێهێنانى ئەو وەعد و پەيمانانەى، كە بەكەسێك دەدرێت و نەبونى وەعدە خيلافى.
11 ـ خۆڕاگرتن و ئارامگرتن لەكاتى خۆشى و ناخۆشى و دەوڵەمەندى و هەژاريشدا.
خواى گەورەو ميهرەبان لە ئايەتي (134-135) سوورەتى : (آلِ عِمرَان)دا باسي هەندێك لە سيفەتى پارێزگارانى كردووە، بەم شێوەيە:
12 ـ خواردنەوەى ڕق و كينەى ناو دڵ و دەرنەبڕين و كردەوە پێنەكردنیشى .
13 ـ عەفو كردنى خەڵکى و لێبووردن لە بەرامبەرياندا.
14 ـ لەكاتى گوناه و تاواندا خواى گەورە وەبيريان دێتەوە و لەخواى پەروەردگار دەترسن و داواى تەوبە و لێبووردن دەكەن لەخواى گەورە.
15 ـ بەردروام نەبوون لەسەر گوناهو تاوان، چونكە دڵييان لەوەى، كە گوناهو تاوان زەرەرو زيانيان پێدەگەيەنێت نەك سوودو قازانج.
خواى گەورەو ميهرەبان لە ئايەتى (17-18)ى سوورەتى : (الذاريات)دا باسى هەندێك لە سيفەتى پارێزگاراني كردووە، بەم شێوەيە:
16 ـ لەخواترسان و پارێزگاران لەشەودا بەكەمى دەخەون و شەونوێژو عيبادەت دەكەن.
17 ـ لەخواترسان و پارێزگاران لە پارشێودا لە كاتێكدا، كە زۆربەى خەڵکى خوتوون ئەوان داواى لێخۆشبوونى گوناه و تاوان لە پەروەردگاريان دەكەن.
بێگومان ئەمەى، كە باسمان كرد هەندێك بوو لە سيفەتى ئادەميزادى پارێزگار و لە خواترس (المتَّقِي)، جێبەجێ كردنى ئەم سيفەتانە لەژيانى ڕۆژانەدا ئادەميزاد دەبێتە ئادەميزادێکى لەخواترس و پارێزگار.
خوشك و براى بەڕێزو خۆشەويستم گرنگى بدە بەم كردەوانە تا بەويستى خواى گەورە ببيتە كەسێکى پارێزگار و لەخوا ترس و خواناس.
م. عوبێد



سەردان: ٣١٧ بەش: تەزکیەى نەفس

ئایا‎ ‎تووش‎ ‎بوون‎ ‎بەهۆی‎ ‎چاو‎ ‎پیسیەوە‎ ‎ڕاستە‎ ‎یان‎ ‎نا؟‎ ‎فەزڵی حەج و عومرە كردن چیە؟