بەشەکان
ئامار
پرسیارەکان: ١٧١١ کۆی سەردان: ٨٧٧٢٦٢
پرسیار لەوێنەدا
ئایا دروستە بە خەسووت بڵێی دایکە یان بە خەزورت بڵێى باوکە؟

 ئەم کارە هیچی تێدانیە، چونکە ئەمە لە عورفی خەڵکدا وەکو رێزگرتن دەوترێت، نەک وەکو ڕەچەڵەک دانە پاڵ و نەسەب گۆڕین، بەڵام ئەگەر ئەو کارە ببێتە هۆی ئەوەی کە گومان لای خەڵک دروست بکات ( گومانی دایکێتی ، یان باوکێتى ) ، ئەوا نابێت و دروست نیە بە ( دایکە یان باوکە ) بانگی بکەیت، ئەگەر چی لە وڵاتانی ئێمەدا ئەو گومانە دروست نابێت، چونکە ئێمە جاری وا هەیە بە پیرەمێردێک دەڵێین ( مامە ) کە لە ڕاستیدا مامی ئێمەش نیه و مامی میراتگر نیە، ئەمەش لە فەرمودەدا سەلمێنراوە له عبد الرحمن بن عوف رضى الله عنه کاتێک کە معاذی کوڕی عفراء لە جەنگی ( بدر ) دا هاتە لای و لێی پرسی: مامە، کامە ئەبو جەهله؟ وەک ڕوونیشه کە پێغەمبەری خوا (صلى الله عليه وسلم) ئینکاری ئەو کارەی لێ نەکردوون ، وە ئەم کارەش هەرگیز ناچێتە ژێر ڕەچەڵەک دانەپاڵ جگە لە باوک، بەڵکو جۆرێکە لە ڕێزگرتن، هەر بۆیە هیچی تێدا نیە إن شاء الله، خوای گەورەش شارەزاترە .

وە سەبارەت بەو فەرمودەیەى کە پێغەمبەری خودا (صلی الله علیە وسلم) کە دەفەرموێت : (هەر کەسێک خۆی بداتە پاڵ کەسێک و بەباوکی خۆی دابنێت لەکاتێکدا دەزانێت ئەوە باوکی نیە ، ئەوا بەهەشتی لەسەر حەرامە) .
زانای پایەبەرز (ابن بطال) دەربارەی ئەم فەرموودەو فەرموودە هاوماناکانی دیکە دەفەرموێت :
مەبەست لەو فەرموودە ئەو کەسانە دەگرێتەوە کە خۆیان نیسبەت دەدەنە پاڵ کەسێکی دیکە جگە لەباوکیان بەویست و ئارەزوو عیلم و هەڵبژاردنی خۆیان .

وە شێخ عبدالعزيز بن عبدالله بن باز رحمه الله کاتێک ئەم پرسیارەى لێ دەکەن :
ئایا بە باوک و دایکی خێزان دەوترێ چی ؟ لەبەر ئەوەی لەم سەردەماندا هەندێ کەس دەبینین بە باوکی خێزانیان دەڵێن خاڵۆ و بەدایکی خێزانیشیان دەڵێن میمک یان پوور ؟
لەوەڵامدا دەفەرموێ :  
هیچ نازانم و نەبیستوە لە سونە لەو بارەیەوە ــ بەڵکو ئەمە تایبەتە بە دابونەریتی خەڵکی و جیاوازە: هەندێ کەس بە باوکی خێزانیان دەڵێن خاڵۆ و بە دایکی خێزانیشیان دەڵێن پوورێ یان میمک ــ وە هەندێکیش بەدایکی خێزانیان دەڵێن ئامۆژن و بە باوکی خێزانیشیان دەڵێن مامە و ئەوەی هەیە لەم بارەوە کە ئەم کارە کارێکی ئاسایی و ئاسانە و هیچی تیانیە چونکە لە بابەتی عورف و دابونەریتە.
وە دەکرێ بە هەرناوێکی تر بانگ بکرێن وەک خزم و خەزوور و خەسوو چونکە ئەوانیش خزمن لە ڕووی ژن و ژنخوازیەوە ــ بەڵام لەڕووی دابونەریتی خەڵکەوە شتێکی ئاساییە کە دایک و باوکی خێزان بەهەر ناوێک لەو ناوانە بانگ بکرێن و هیچ تاوان و ڕێگریەکی تیانیە إن شاء الله
" فتاوى نور على الدرب _ شريط رقم: 416"



سەردان: ١٢١٨ بەش: ژنهێنان و خێزان

چۆن بتوانم چاوی خۆم بپارێزم لەسەیركردنی نامەحرەم،هەرچی هەوڵ ئەدەم سوودی نیە ، تكایە ڕێگەیەكم پێپیشان بدەنمن كچێكم باڵابۆش نیم دڵم ڕه‌قه‌ له‌ ئاست پۆشینى حیجاب چی بکەم تا دڵم نەرم بێ؟