زەكات لە پارەی دەخیلەی منداڵ: ماڵپەڕی وەڵامەکان
زەكات لە پارەی دەخیلەی منداڵ
پرسیار:

من خوشكە زایەكم هەیە ساڵێكە تەمەنى بەڵام لەو كاتەوەى كە لە دایك بووە دایكى مانگى 100000ى بۆ لادەدات ئایا ئێستا ئەو پارەیە زەكاتى لەسەرە یان نا.

بسم الله الرحمن الرحيم
هەموو پارەیەك بۆ ئەوەى زەكاتى بدرێت پێویستى بەوە هەیە كە چوار مەرجى تێدا بێت، كە ئەمانەى خوارەوەن:
یەكەم: موسڵمان بوون.
دووەم: موڵكایەتى، واتە: پارەكە موڵكى خۆى بێت.
سێ یەم: ساڵى بە سەردا چوو بێت.
چوارەم: گەشتبێتە ڕێژەى دیارى كراو لە شەرعدا (نصاب).
جا سەبارەت بە خوشكە زاكەت ڕاستە موسڵمانە و یان ڕۆڵى موسڵمانە، و موڵكى خۆیەتى، و ساڵى بە سەردا چووە، بەڵام نەگەشتوەتە ڕێژەى دیارى كراو بە پێی شەرع، كە لە پرسیارێكى پێشتردا باسمان لێوە كرد كە زانایان بە 2400000 دوو ملیۆن و چوار سەر هەزار خەمڵاندوویانە، كە ئەمە دەقى وەڵامەكەیە: ((بە پێی نرخى ئەم ڕۆژى ئاڵتوون (نيصاب)ى زەكاتى ئەم ساڵ بە دوو ملیۆن و چوار سەد هەزار دینارى تەبعى عیراقى خەمڵێندراوە، كە لە هەر ملێۆنێكدا (25000) دەر دەكرێت و دەدرێت بە زەكات)).

بهڵام موسڵمان ئهبێت ههموو ساڵێك له كاتى زهكاتدا پرسیارى نرخى ئاڵتون بكات چونكه نرخى ئاڵتون بهردهوام گۆڕانكارى بهسهردا دێ ئهمساڵ كه 2010 یه به بە دوو ملیۆن و چوار سەد هەزار دینارى تەبعى عیراقى خەمڵێندراوە، كە لە هەر ملێۆنێكدا (25000) دەر دەكرێت و دەدرێت بە زەكات .
بۆیە خوشكە زاكەى تۆ زەكاتى لە سەر نیە... خواى پەروەردگاریش زاناترە.

وَآخِرُ دَعْوَانَا أَنِ الْحَمْدُ لِلّهِ رَبِّ الْعَالَمِينَ
لە لایەن مامۆستا (عدنان بارام) ە وه وەڵام دراوەتەوە

2010

سەردان: ٤٤٧ بەش: زەکاتى پارە