بڵاوكردنه‌وه‌ی سەلام و چۆنێتى وەڵامدانەوەى سەلامى کەسی بێباوەڕ: ماڵپەڕی وەڵامەکان
بڵاوكردنه‌وه‌ی سەلام و چۆنێتى وەڵامدانەوەى سەلامى کەسی بێباوەڕ
پرسیار:

ئایا فەزڵی سەلام کردن چیە و چۆن وەڵامى کەسی بێباوەڕ بدەینەوە؟

پێغه‌مبه‌ری خودا (صى الله علیه‌ وسلم) ده‌فه‌رمووێت:  «لاَ تَدْخُلُوا الْجَنَّةَ حَتَّى تُؤْمِنُوا, وَلاَ تُؤْمِنُوا حَتَّى تَحَابُّوا, أَوَ لاَ أَدُلُّكُمْ عَلَى شَيْءٍ إِذَا فَعَلْتُمُوْهُ تَحَابَبْتُمْ, أَفْشُوا السَّلاَمَ بَيْنَكُمْ»(1) .
واته‌: (ناچنه‌ به‌هه‌شته‌وه‌ تا وه‌كوو باوه‌ڕ نه‌هێنن، هه‌روه‌ها باوه‌ڕیش ناهێنن تا وه‌كوو یه‌كترتان خۆش نه‌وێت، ئایه‌ ئاگادارتان نه‌كه‌مه‌وه‌ له‌ شتێك، ئه‌گه‌ر ئه‌نجامی بده‌ن، خۆشه‌ویستی له‌ نێوانتاندا درووست ده‌بێت، ئه‌وه‌ سڵاو له‌ یه‌كتر بكه‌ن و به‌ناو یه‌كتردا بڵاوی بكه‌نه‌وه‌) .

«سێ شت هه‌ن له‌ هه‌ر كه‌سێكدا كۆ ببنه‌وه‌ ئه‌وه‌ ئیمانو باوه‌ڕی تێدا كۆبۆته‌وه‌:

1- داد په‌روه‌ری و ئینصاف له‌ ده‌رووندا

 2- سڵاو كردن له‌ هه‌موو خه‌ڵكی

 3- به‌خشین له‌ كاتی هه‌ژاری» (2) .

له‌ عبد الله ی كوڕی عومه‌ره‌وه‌ (ڕه‌زای خودایان لێبێت): كه‌ پیاوێك پرسیاری كرد له‌ پێغه‌مبه‌ری خودا (صلى الله علیه‌ وسلم) پێی فه‌رموو: چ ڕه‌وشت و ڕه‌فتارێك له‌ ئیسلامدا باشترین و خێرترینه‌، له‌ وه‌ڵامدا فه‌رمووی:  «تُطْعِمُ الطَّعَامَ, وَتَقْرَأُ السَّلاَمَ عَلَى مَنْ عَرَفْتَ وَمَنْ لَمْ تَعْرِفْ»(3) .
واته‌: (خواردن ببه‌خشه‌ و سڵاو بكه‌ له‌وه‌ی، كه‌ ده‌یناسیت و له‌وه‌ش، كه‌ نایناسیت) .

چۆن وه‌ڵامی بێ باوه‌ڕ ده‌ده‌یته‌وه‌ ئه‌گه‌ر سڵاوی كرد
پێغەمبەرى خوا صلى الله عليه وسلم دەفەرموێ : «كاتێك گاور و جووله‌كه‌ سڵاوی لێتان كرد، له‌ وه‌ڵامدا بڵێن:  «وَعَلَيْكُمْ»(4) .
واته‌: (له‌ ئێوه‌ش بێت) .

(چونکە ئەوان دەڵێن - السام علیکم - نەک - السلام علیکم)


(١) مسلم 1 / 74 وغيره {وصحابي الحديث هو أبو هريرة (رضي الله عنه)}.
(٢) البخاري مع الفتح 1 / 82 عن عمار رضي الله عنه موقوفا معلقا.
(٣)  البخاري مع الفتح 1 / 55 ومسلم 1 / 65 .
(٤) البخاري مع الفتح 11 / 42 , ومسلم 4 / 1705 {وصابي الحديث هو أنس بن مالك (رضي الله عنه)}.

سەردان: ١٩٦ بەش: زیکرەکانى موسڵمان