بەشەکان
ئامار
پرسیارەکان: ١٦٣٦ کۆی سەردان: ٨٢٠٧١٦
پرسیار لەوێنەدا
چۆن موسڵمان پەیوەست بێت بەدینەكەیەوە لە وڵاتی كوفردا؟

بسم الله الرحمن الرحیم

سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
بەوە پەیوەست دەبێت پێیەوە كە پارێزگاری لێ بكات و سووربێت لەسەری لەسەربنەمای بەڵگەو بەرچاوڕوونی، و دانیشتن لەكۆڕو مەجلیسی پیاوچاكاندا. چونكە لەفەرموودەدا هاتووە: [مَثَلُ الْجَلِيسِ الصَّالِحِ وَالسَّوْءِ كَحَامِلِ الْمِسْكِ وَنَافِخِ الْكِيرِ؛ فَحَامِلُ الْمِسْكِ إِمَّا أَنْ يُحْذِيَكَ، وَإِمَّا أَنْ تَبْتَاعَ مِنْهُ، وَإِمَّا أَنْ تَجِدَ مِنْهُ رِيحًا طَيِّبَةً، وَنَافِخُ الْكِيرِ إِمَّا أَنْ يُحْرِقَ ثِيَابَكَ، وَإِمَّا أَنْ تَجِدَ رِيحًا خَبِيثَةً]
واتە: نموونەی هاومەجلیسی چاك و هاومەجلیسی خراپ: وەكـو هەڵگری بـۆنـی میسك (واتە بۆن فرۆش) و فووكار بە كوورەدا وایە، جا هەڵگری بۆنی میسك یان لەو بۆنەت پێدەبەخشێت یان لـێی دەكڕیت یان بۆنی خۆشی لـێهەڵدەمژیت، بەڵام فووكار بە كوورەدا یان جلەكانت دەسوتێنێت یان بۆنی پیسی لـێهەڵدەمژیت.
واتە: هاوڕێ و هاومەجلیسی چاك خێردار و بێ زیانە، بەڵام هاوڕێ و هاومەجلیسی خراپ بێخێر و زیان بەخشە.
وە خوای پەروەردگار سەبارەت بە بەهەشتیان دەفەرموێت: [فَأَقْبَلَ بَعْضُهُمْ عَلَى بَعْضٍ يَتَسَاءَلُونَ (50) قَالَ قَائِلٌ مِنْهُمْ إِنِّي كَانَ لِي قَرِينٌ (51) يَقُولُ أَئِنَّكَ لَمِنْ الْمُصَدِّقِينَ (52) أَئِذَا مِتْنَا وَكُنَّا تُرَاباً وَعِظَاماً أَئِنَّا لَمَدِينُونَ (53) قَالَ هَلْ أَنْتُمْ مُطَّلِعُونَ (54) فَاطَّلَعَ فَرَآهُ فِي سَوَاءِ الْجَحِيمِ (55) قَالَ تَاللَّهِ إِنْ كِدْتَ لَتُرْدِينِ (56) وَلَوْلا نِعْمَةُ رَبِّي لَكُنتُ مِنْ الْمُحْضَرِينَ (57)] {الصافات}.
واتە: ئەوجا بۆ وتووێژ روو لە یەكتر دەكەن و لەیەكتر دەپرسن و دەكەونە یادی دنیاو خەڵكانێك بەیاد دەكەن * یەكێكیان دەڵێ: بەراستی من لەدنیادا هامدەم وهاونشینێكم هەبوو، نكوڵی زیندووبوونەوەی دەكرد * و دەیگوت: ئایا تۆش لەوانەیت باوەڕیان بەزیندوو بوونەوە هەیە ؟! * ئاخۆ وەك ئێوە دەڵێن - كاتێ مردین و بووینە گڵ و چەند ئێسكێك زیندوو ئەكرێینەوەو پاداش ئەدرێینەوە ؟! * موسڵمانە بەهەشتیەكە لە هاوڕێ بەهەشتیەكانی خۆی دەپرسێ: ئایا ئێوە لەسەرەوە دەڕوانن، هیچ ئاگایەكتان لێی هەیە ؟ *ئەوجا خۆی سەیر دەكا ددەبینێ لەناوەڕاستی دۆزەخدایە * بە شایەكامیەكەوە وتی: سوێند بە خوا، نزیك بوو منیش بخەیتە ناو دۆزەخەوەو وەك خۆت فریوم بدەیت * و ئەگەر نیعمەتی چاكەی پەروەردگارم نەبوایە بە هیدایەت و پاراستن، منیش ئێستا لە ئامادەكراوانی ناو دۆزەخ ئەبووم
وە وتراوە: پرسیار مەكە سەبارەت بە كەس بەڵكو لە هاوڕێكەی بكۆڵەوە چونكە برادەر بە برادەر دەناسرێتەوە.
ئەوانەی كە دەڵێن ئەمە دروستە، فڵان كەس توندڕەوە، پێویستە لێیان دووربكەونەوەو داوای بەڵگەیان لێ بكەن، [وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلاً (27) يَا وَيْلَتِي لَيْتَنِي لَمْ أَتَّخِذْ فُلاناً خَلِيلاً (28) لَقَدْ أَضَلَّنِي عَنْ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلإِنسَانِ خَذُولاً (29)] {الفرقان} واتە:
لەو ڕۆژەدا ناهەقكارو ستەمكار -لە حەسرەت و پەشیمانی ئەوە كە لەدونیادا گوێرایەڵی پەیامبەر نەبوو -بە هەردوودەستی خۆیدا دەنووسێ و ئەڵێ: ئەی خۆزگە! منیش لەگەڵ پەیامبەردا ڕێگەی ئیمانم دەگرتە بەر * ئەی تیاچوونی خۆم، خۆزگە! فڵانەكەسی گومڕاكەرم نەكردبا بە دۆستی خۆم * چونكە بەڕاستی لە ئاستی ئەم قورئانە منی گومڕاو وێڵكردو سەری لێ تێكدام، پاش ئەوەی ڕێبازی ڕاستیم بۆ هات بێگومان شەیتان هەمیشە و بەردەوام بۆ مرۆڤ شەرمەزاركەرو ناپشتگیر بووە، لەڕێگەی ڕاست لایداوەو، بەرەو هەڵدێر بردوویەتی.
وە هەروەها بەدووركەوتنەوە لەو نەریت وعورفانەی كە جاهلین ودژی ئیسلامن، چونكە ناخ ودەروون تامەزرۆیە بۆ دەستگرتن بەوەی كەسێكی تر پێشتر دایهێناوە، بۆیە پێویستە لێی دووركەونەوە، و هاوڕێیەتی موسڵمانانە چاكەكان بكەن، پێغەمبەری خوا دەفەرموێت: " الْمَرْءُ عَلَى دِينِ خَلِيلِهِ فَلْيَنْظُرْ أَحَدُكُمْ مَنْ يُخَالِلْ " واتە برادەر لەسەر دینی برادەرەكەیەتی باهەریەكێك لە ئێوە بزانێت هاوڕێیەتی كێ دەكات.
[الشيخ مقبل بن هادي الوداعي - أسئلة السلفيين البريطانيين]



سەردان: ٢٨٥ بەش: هەمەجۆر

زۆرێك تووشی دڵ تەنگی و نارەحەتی دەبن و هەندێك جار دەگاتە ئەو ڕادەیەی كە بیر لە خۆ كوشتن بكەنەوەحوكمی یاری بۆكسێن (الملاكمة) و ‏زۆرانبازی لەگەڵ گا ، و زۆرانبازی ئازاد (المصارعة ‏الـحرة) چیە؟