قورئان خوێندنە بە بێ دەست نوێژ دروستە ؟: ماڵپەڕی وەڵامەکان
قورئان خوێندنە بە بێ دەست نوێژ دروستە ؟

بسم الله الرحمن الرحيم
خوێندەنەوەی قورئان بە بێ دەست نوێژ دروستە چ بە لە بەر كراوی بێت یان لە ناو قورئانەكەدا خۆی بێت یان لە ناو مۆبایلدا بێت چونكە هیچ بەڵگەیەكی صەحیح و صەریح نەهاتووە خوێندەنەوەی قورئان بە بێ دەست نوێژ حەرام و قەدەغە بكات:
دایكە عائیشە ڕەزای خوای لێبێت فەموویەتی: (كان رسول الله صلى الله عليه وسلم يذكر الله على كل أحيانه) [سلسلة الأحاديث الصحيحة رقم: (406)] واتە: پێغەمبەری خوا صلى الله عليه وسلم لە هەموو حاڵەتێكدا زیكری خوای دەكرد.
بەڵام باشتر وایە و سوننەتە بە دەست نوێژەوە زیكر و قورئان بخوێنێت، بە بەڵگەی ئەم فەرموودەیە كە پێغەمبەری خوا صلى الله عليه وسلم فەموویەتی:
(إنـي كرهتُ أنْ أذكرَ الله إلاَّ على طهارة) [صحيح أبي داود رقم: (17)] واتە: من پێم باش نى یە زیكری خوا بكەم ئیللا بە پاكی (واتە: بە دەستنوێژەوە) نەبێت.
ئیمامی (النووي) ڕەحمەتی خوای لێ بێت فەرموویەتی:
(أجمع الـمسلمون على جواز قراءة القرآن للـمحدث، والأفضل أنْ يتطهر لـها) [الـمجموع: (2 / 76)] . واتە:وە ئەو ئایەتەی كەوا هەندێك لە زانایان كردوویانەتە بەڵگە بۆ ئەوەی كە نابێت بە بێ دەست نوێژ دەست بدەیت بە قورئانەوە: [لَّا يَمَسُّهُ إِلَّا الْمُطَهَّرُونَ] [سورة الواقعة: (79)] . واتە: (اللوح الـمحفوظ) كەس دەستی پێوە نادت ئیللا فریشتەكان نەبێت.
ابن عباس فەرموویتی: ( [لَّا يَمَسُّهُ إِلَّا الْمُطَهَّرُونَ] الـملائكة).
كەواتە ئەم ئایەتە باسی فریشتەكان دەكات نەك مرۆڤەكان، بۆیە ئەم ئایەتە هیچ پەیوەندىیەكی بەم باسەوە نى یە.
وە بۆ زانیاری زیاتر ئەوەش بزانە كەوا (موسڵمانی لەشگران) و (ئەو ئافرەتەی كە لە حاڵەتی بێ نوێژی و زەیسان)یدا دەتوانێت قورئان بخوێنێت، چونكە هیچ بەڵگەیەكی ڕاست و صەحیح نەهاتووە ڕێگری ئەمەی لێبكات، هەروەها فەرموودەكەی دایكە عائیشە بەڵگەیەكی زۆر بە هێزە بۆ دروستێتی قورئان خوێندنی (موسڵمانی لەشگران) و (ئەو ئافرەتەی كە لە حاڵەتی بێ نوێژی و زەیسان)دایە.
بڕوانە كتێبی: [أسئلة طال حولـها الـجدل ص: (13 ـ 22)] .

لە لایەن مامۆستا (محمد عبدالرحمن)ە وە وەڵام دراوەتەوە

سەردان: ٧٧٦ بەش: فەزڵ و ئادابەکانى قورئان