بەشەکان
ئامار
پرسیارەکان: ١٥٣٥ کۆی سەردان: ٦٨٣١٨٠
پرسیار لەوێنەدا
ئایا دروستە بۆ ئافرەت لە كاتى سوڕى مانگانەدا قورئان بخوێنێ؟

دروستە لەكاتى سوڕى مانگانەدا خوێندنى قورئانى پیرۆز بێ دەست دان لە موصحەفى قورئانەكە واتە ئەوەى لەبەرتە لە قورئانى پیرۆز هەم بۆ مەبەستى پیرۆزى هەم ئەوەى كە لەیادت نەچێتەوە، ئەگەر ئەوە دروست نیە ئەى بەتەنها خوێندنى ئەو سورەت وئایەتانەى وەك ئەذكار بەكاری دەهێنیت بیخوێنى تاوانبار دەبیت؟ بەهیواى وەڵام و سوپاس بۆگۆشەكەتان

بەناوى خواى بەخشندە و میهرەبان

خوێندنى قورئان بۆ ئەو ئافرەتانەى لە سوڕى مانگانەدان دروستە هەرچەند جیاوازى تیایە لە نێوان زانایاندا بەڵام ئەوەى پەسەندە ئەوەیە كە دروستە بەبەڵگەى فەرموودەى عائیشە كاتێك پێغەمبەرى خوا صلى الله عليه وسلم پێى فەرموو (إفعلي ما يفعله الحاج غير أن لا تطوفي بالبيت...)واتە: حاجى لە بۆ كردنى حەج چى دەكات تۆش بیكە بەڵام تەواف مەكە بەدەورى ماڵى خوادا.هەموومان ئەوە دەزانین كەسى حاجى قورئان دەخوێنێ زیكر دەكات دەپاڕێتەوە.ئەوەش بزانە ئەو حەدیسانەى ئەوە دەگەیەنن كە ئافرەت لە حەیزدا ناتوانێ قورئان بخوێنێ هەموویان لاوازن بۆ ئەو مەبەستە بڕوانە (تمام المنة في فقه السنة).

لە لایەن مامۆستا (خلیل أحمد) ە وە وەڵام دراوەتەوە



سەردان: ٣٤٧ بەش: قورئانی پیرۆز

لە سوجدەی تیلاوە چ زیكرێك بخوێنم؟قورئان خوێندن بە بێ ڕەوفتە و بە لەشگرانیەوە دروستە؟