من نوێژ دەكەم و ڕۆژوو دەگرم و بەس لەچكم حەز لێ نى یە جلەكانم ئیسلام حەزى لێ نى یە حوكمم چیە؟: ماڵپەڕی وەڵامەکان
من نوێژ دەكەم و ڕۆژوو دەگرم و بەس لەچكم حەز لێ نى یە جلەكانم ئیسلام حەزى لێ نى یە حوكمم چیە؟

بەناوى خواى بەخشندەى میهرەبان

موسڵمان بە ووتنى شایتومان موسڵمان دەبێ و دەچێتە ناو بازنەى ئیسلام و ئیمانەوە شایەتومانیش بریتى یە لە شایەتى دان كە هیچ خوایەك شایستەى پەرستن نییە تەنها الله نەبێت وە شایەتى ئەدەیت پیغەمبەرى خوا (محمد) صلى الله عليه وسلم بەندەو پێغەمبەرى خوایە، جا ئەم شایەتومانە چەندین مەرجى هەیە یەكێك لەو مەرجانەى شایەتومان بریتى یە لە خۆشەویستى و ئەو ووشەیە و ئەوەشى داواى دەكات شایەتومان داواى نوێژ و ڕۆژوو و چەندین كارى تر كە لە موسڵمان داوا دەكرێت یەكێك لەو شتانەش لەچكە و جلوبەرگى ئابڕو و پاراستنى تۆیە لە دەستى چەپەڵ و چاوى تاوانبارەكان ئەمەش بە سوود دەگەڕێتەوە بۆ تۆ چونكە ئەگەر گوڵێك یان میوەیەك چەند دەستێك ئەم دیو ئەو دیوى بكەن لەناوى دەبەن و بێ كەڵكى دەكەن تۆش واى پێویستە بە پاكى و بەتوندى بمێنیتەوە ئەوەش بزانە كەس قەدرت نازانێت تەنها كات بەسەر بردنە چاوپیسان و دەستدرێژى كاران دەیكەن.
جا شایەتومان و موسڵمان بوونوا دەخوازێ لەكەسى موسڵمان كە ئەوەى خوا و پێغەمبەرى خوا خۆشیان دەوێت ئەمیش خۆشى بوێت ئەوەش بزانە یەكێك لەو شتانەى موسڵمانێتى و شایەتومان هەڵدەوەشێنێتەوە بریتى یە لە ڕق بوون لە شتێك لەوەى پێغەمبەرى خوا صلى الله عليه وسلم بۆى هێناوین جا پێویستە دەستبەجێ بڵێیت (سمعنا و اطعنا) وە لەچك بكەیت خواى گەورە یارمەتى هەموو لایەكمان بدات.
لە لایەن مامۆستا (خلیل أحمد) ەوە وەڵام دراوەتەوە

سەردان: ١,٢٦٨ بەش: ئافرەتان