ئافرەتان کاتێک بۆیە بەنینۆکی پەنجەیانەوە هەبێ پێویستە لایبەرن پێش دەستنوێژ ، ئەی ئەگەر قژیان ڕەنگ کردبێ چی لێبکەن ؟ دەکرێ ڕەنگەکەی لێبکرێتەوە پێش مەسح کردنی سەر لەکاتی دەستنوێژ ؟
بسم الله الرحمن الرحیم
سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
ئەوەی ڕوون و ئاشکرایە ڕەنگکردنی قژ بە خەنەو هاوشێوەکانی هیچ کارناکاتە سەر دەستنوێژ ، بەڵکو تەنها مەسحی لەسەر دەکرێ ، والله اعلم .
زانای پایەبەرز (ابن عثيمين) بەڕەحمەت بێت دەفەرموێت :
ئەگەر ئافرەت قژی گرتە خەنەو هاوشێوەکانی تەنها مەسحی لەسەر دەکات لەکاتی دەستنوێژ گرتندا ، وە هیچ پێویست بەوە ناکات خەنەکەی سەری لێبکاتەوە ، چونکە سەلمێنراوەو جێگیربووە لەپێغەمبەری خوداوە (ﷺ) کە لەکاتی ئیحرامدا خەنەی لەسەری بووە ، وە هەر جێگایەک لەقژەکەی خەنەکەی پێوەبێ ئەوە بەشێکە لەسەر ، ئەمەش ئەوە دەردەخات کە پاککردنەوەی سەر لەکاتی دەستنوێژ گرتندا ئاسانکارییەکی تێدایە ...
سەرچاوە : شرح الممتع (۱/۱۹٦)
ستافى وەڵامەکان
ئایا ئەو ئەندامانەی دەستنوێژگرتن، كە شوشتنیان پێویستە، دەتوانین زیاتر لە سێ جار بشۆین؟ئایا شیردان بەمنداڵ بۆ ئافرەتان دەستنوێژیان دەشكێ؟ ئەرکەکانی دەستنوێژگرتنمەرجەكاتی دروستێتی دەستنوێژ چین؟عەدەسەى چاو و دەست نوێژ
