بەناوی خوای بەخشندە و میهرەبان ، خوای هەموو جیهانیان ـ بە جنۆكە و مرۆڤ و هەموو دروستكراوەكانی ـ ، صەڵات و سەلامیش لەسەر پێغەمبەری میهرەبانی و نیردراو بە ڕەحمەت بۆ هەموو جیهان ... پاشان دەڵێم : سەرەتا و پێش ئەوەی بڕۆمەسەر پوچەڵكردنەوەی ئەم گومانە بەتاڵە ، دەڵێم :
بەڕاستی جێی داخە كەسانێكی نەخوێندەوار و نەزان لە تۆڕە كۆمەڵایەتیەكان و ناوەندەكانی ڕاگەیاندن لەم گەلە ئایین دۆستە بكرێن بە ڕۆشنبیر ـ كە لە ڕاستیدا تاریك بیرن ـ و ڕاستیەكانیان لەلا ئاوەژوو بكەن و هەوڵی چەواشەكردنیان بدەن !!! و ڕۆڵی ئەوەشیان بدرێتێ قسە لە پرس و باسە ئایینیەكان بكەن !!! و ڕەخنە و توانج ئاراستەی بنەوا ئایینیەكان بكەن !!! و خەڵكیش گوێیان لێبگرێت !!! ووتەكانیان لێببێتە ڕاستیەك كە جێی تاوتوێ بەبێت ، و لایكیان بۆ بكەن ، و كۆمێنتیان لەسەر بنوسن !!! كەچی لەڕاستیشدا ئەو جۆرە بەناو ڕۆشنبیرانە هەڵخەڵەتاوی توێكڵە شارستانیەتەكەی ئەروپا و ڕۆژئاوا نەبێت هیچی تر نین ـ ئەگەرچی هیچی تێدا نیە ئێمەی گەلانی موسڵمان سودمەند ببین لە زانست و پێشكەوتنی هەر گەلێك لەگەلانی سەر ئەم زەویە و سوود لە توێژینەوە و داهێنانەكانیان وەرگرین ، هەروەكو چۆن ئەوان لە سەردەمانێك لە زانست و زانیاری موسڵمانان سوودمەند بوون ـ !!!
زۆر جێی داخە ببینیت ئەم جۆرە كەسانە نوێنەری كۆمەڵگای كوردی بن !!! چونكە لە لاف و گەزافیان هیچیان نەهێشتووتەوە ، كەچی لە كردەوەیاندا هیچیان لەبارخانەدا نیە !!! سەرسامن بە جگە لە خۆیـان !!! و دێن بەشان و بـاڵیاندا هەڵددەن بێ ئەوەی ئەو هەموو كەم و كوڕی و دواكەوتنەی بەرامبەریان بخەنەڕوو ، لە بواری ئایین و بیروباوەڕیان بێت ، یان لە بواری كۆمەڵایەتی و ڕەوشتەوە ، یان لەبواری زانست و زانیاری بێت ، یان لە هەر بوارێكی ترەوە !!!!
باشە بۆ ئەم بەناوڕۆشنبیرانە باس لەو هەموو دەرد و نەخۆشیە كۆمەڵایەتیانە ناكەن كە تووشی گەلانی ئەروپا و ڕۆژئاوا و گەلانی تر بووە ، وەك زینا و داوێن پیسی و نێبازی و نێر لەنێر مارەكردن و لەشفرۆشی ، كە هۆكاری كەوتنەوەی چەندەها نەخۆشین وەكو سەیلان و ئایدز و .... هتد .
یان باس لەو هەموو جادوگەر و فاڵچی و بەختخوێن و ئەستێرەی بەخت ناسە بكەی كە بوونەتە شەوەی سەر دڵی ئەو گەلانە و خوویان پێوەگرتووە !!!
ئەوەتا ( الأستاذ زهير حموي ) لە پەرتوكی (الإنسان بين السحر والعين والجان : ص22 ) ـدا دەڵێت : (( شاراوە نیە كە دیاریدەكانی جادوگەری و تەڵەكەبازی و ئەستیرە ناسی ناسراو بووە لە هەموو ئوممەت و گەلانێك لە كۆن و تازەشدا ، ئەوەی كە وامان لێدەكات بە یەكێك لە پێكهاتەكانی كۆمەڵگای بزانین ، لەكاتێكدا هەموو گەلان دیاریدەی نوشتە و تەڵاسم و جادوو دەزانن .
ئەوەتا یەكێك لە سەرژمێریەكان ئەوە دەردەخات كە ڕێژەی ئەو ئەمریكیانەی كە نوشتە و پارێزەر لەگەڵا خۆیاندا هەڵدەگرن لە زیادبووندان ، ئەم زیادبوونەش تەنها خوێندەوار و پیاوانی سەرمایەدار و بازرگانەكانانی دانشتووی شارەكان ناگرێتەوە ، بەڵكو لە ( 99 % ) كەشتیوانە ئاسمانیەكانیش دەگرێتەوە .
هەروەكو لێكۆڵینەوەیەك كە وەزارەتی پیشەسازی و لێكۆڵینەوەی فەرنسی لە ساڵی ( 1982 م ) بەمەبەستی دیاریكردنی ئاستی ژیری هاوڵاتیە فەرنسیەكان ئەوەی دەرخستووە كە : (18%) ـی ئەو خەڵكە باوەڕیان بە جادوو هەیە .
هەروەها ئەو لێكۆڵینەوانەی كە هەندێك لە ڕۆژنامەكان كردوویانە دەریانخستووە كە ( 60 % ) ـی فەرەنسیەكان بەبەردەوامی ئەستێرەكانی بەختیان دەخوێننەوە !!!
تەنانەت ئێستا نزیكەی (40 ) هەزار فاڵچی پیاو و ئافەرت هەیە ، بەڵام زۆرینەی ئەوانەی كە لە ژێر كاریگەر و ترسی جادوگەریدان ئافەرتن !!!
وە لە ئەڵمانیادا یەكێك لە سەرژمێریەكان ئەوەی دەرخستووە كە یەك كەس لە هەر چوار كەسێكی ئەڵمانی باوەڕیان بە جادو هەیە ، وئێستاش لە ئەڵمانیا نزیكەی (80 ) هەزار جادوگەر هەیە )) !!!!!
ئەم ڕاستیانەش ئەوە دەسەلمێنن كە ئەم بەناو ڕۆشنبیرانە ـ كە تاریك بیرن لە ڕاستیدا ـ ئاشق و سەرسامبوی توێكڵە شارستانیەتی ئەروپا و ڕۆژهەڵاتن و لە زۆنگاوی غەفڵەت و نەزانینا دەژین ، و بێئاگان تەنانەت لەوەش كە سەبارەتی دەدوێن !!!
پاشان دێمە سەر پوچەڵكردنەوە و شیكاركردنی گومانەكە و دەڵێم :
یەكەم : كاكی بەناو ڕۆشنبیر !!! لەكەیەوە وای لێهاتووە : دەبێت موسڵمانان بیروباوەڕیان لەوەوە وەرگرن كە ئەو شتە بۆ بێباوەڕان ڕوو دەدات یان نە ؟!!!
لەكاتێكدا كە ئەوان ـ زۆرینەیان ـ باوەڕیان بەوە جۆرە نەخۆشیانە ـ بەڵكو بەهۆكارەكانیشی ـ نیە ، بەڵكو ئەگەر ڕووشبدات واژە و لێكدانەوەی تری بۆ دەكەن ، جارێك بە نەخۆشی ئەندامی دایدەنێن ، و جارێكی تریش بە نەخۆشی دەروونی ، بۆیە دەبینیت ئەم نەخۆشیە بە نەخۆشی دەرونی لێك دەدەنەوە و ناوی لێدەنێن ( الإنفصام الشخصي ) !!! جاری واش هەیە بە نەخۆشی (الأعصاب) ـی لێكدەدەنەوە ... هتد لەو ناو و لێكدانەوانەی كە بۆی دەكەن .
دووەم : كاكی بەناو ڕۆشنبیر !!! دیارە نەتبیستووە كە زانایان فەرموویانە : (( عدم العلم بالشيء ليس علما بعدمه )) ، واتە : نەبوونی زانیاری بە شتێك ، زانین نیە بە نەبوونی ... چ جای ئەگەر پێچەوانەی ئەوە جێگیر بێت كە جەنابتان ئیدیعای دەكەن ، ئەو ڕاستیەش لەداهاتوودا دەخرێتەڕوو .
بۆیە بێئاگای و نەزانینی جەنابتان !!! نابێتە بەڵگەی نەبوون و ڕوونەدانی ئەو نەخۆشیە ـ واتە : ئەو چوونەلەش و تووشبوون و شێتبوونەی كە باسی لێوە دەكرێت ـ لە كاتێكدا كە جەنابت و پێشینەكانیشت ئەوانەی كە نكوڵی لەم كارە دەكەن نەیانتوانیوە و ناشتوانن توێژینەوەیەك یان لێكۆڵینەوەیەك یان ژمێریاریەكی متمانە پێكراو بخەنەڕوو بۆ سەلماندنی ووتەكەتان !!!!
باشە نازانم كێ پێی ووتی : (( جن تەنها دەچێتە لەشی مرۆڤی باوەڕدارەوە )) ، و بێباوەڕان تووشی ئەم نەخـۆشیە نابن ؟!! خوای پەروەردگار فەرموویەتی : [ قُلْ هَاتُوا بُرْهَانَكُمْ إِنْ كُنْتُمْ صَادِقِينَ ] .... یان ئەمەی تۆ باسی لێوە دەكەیت وەحی و سروشی شەیتانە بۆ شوێنكەوتوانی ؟!! خوای پەروەردگار دەفەرموێت : [ هَلْ أُنَبِّئُكُمْ عَلَى مَنْ تَنَزَّلُ الشَّيَاطِينُ تَنَزَّلُ عَلَى كُلِّ أَفَّاكٍ أَثِيمٍ يُلْقُونَ السَّمْعَ وَأَكْثَرُهُمْ كَاذِبُونَ ] .
بەڵام سەرەڕای ئەوە ئەگەر بتانڕوانیایە وڵاتی بێباوەڕان ئەوا دەتانبینی چەندەها نەخۆشخانەی ئەعصاب و دەروونی هەن ، و ڕۆژانە سەدان و هەزاران موراجعیان هەیە ، جا نازانم بۆ دەبێت زۆرێك لەوانە تووشبووی جنۆكە نەبن ؟!! بەڵام خۆ ئەگەر واش بێت ، ئەوە لەبەر ئەوەیە كە ئەو گەلانە باوەڕیان نە بەجنۆكە و نەش بەتووشكردنی هەیە ، دەبینیت ـ وەكو پێشتر باسكرا ـ ناوی تری لێدەنێن ، و واژە و واتای تری دەكەن !!!
بەهەرحاڵ سەرەڕای هەموو ئەوانەش بەڵگەكان پێچەوانەی ووتەكەی ئێوە دەسەلمێنن ، ئەوەتا ( عبدالرزاق نوفل ) لە پەرتوكی (عالم الجن والملائكة ) لە چەندەها پزیشی ڕۆژئاواوە ـ وەكو پێشینە یۆنانیەكانیان لەسەرووی هەموشیانەوە : ( أبقراط) ـ ئەوە دەگێڕێتەوە كە باوەڕیان بە ڕۆشتنی جنۆكە هەیە بۆ ناو لەشی مرۆڤ ، بەڵام ناوزەدیان كردووە بە : ( المس الروحي ) یان ( المس الروحاني ) ، و هەزارەها خەلكیش تووشبووی ئەو نەخۆشیەن لەو گەلانە ، لە ڕۆژگاری ئەمڕۆدا .
خاوەن پەرتوكی (الرَّد المبين على بِدَع المعالجين وأسئلة الحائرين : ص 241 ) دەڵێت : (( إن هناك بالفعل الكثير من غير المسلمين مصابون بهذا الأمر ، وأن هناك أكثر من كنيسة يذهب إليها هؤلاء ليطلبوا الشفاء عند القساوسة ، وإن الكنائس مليئة من هؤلاء المصابين بأذى الشياطين ، ولقد رأيت بنفسي من هؤلاء المصابين بمس من النصارى )) ، واتە : بێگومان ژمارەیەكی زۆر لە جگە لە موسڵمانان هەن تووشی ئەم نەخوۆشیەبوون ، وە زیاد لەكەنیسەیەك هەیە كە ئەو خەڵكانەی بۆ دەچن بەمەبەستی چاكبوونەوە لەلای كەسایەتیە ئایینیەكانیان ، وە ئەو كەنیسانە پڕبوون بەو كەسانەی كە نەخۆشی تووشبوونی جنۆكەیان هەیە ، تەنانەت بەچاوی خۆم هەندێك لە خاچ پەرستان بینیوە كە تووشی ئەو نەخۆشیە بووبوون .
وە ( محمد فرید وجدي ) لە پەرتوكی ( الإسلام في عصر العلم : ص 365 ) ـدا دەڵێت : (( رَوَتْ ( المجلةُ الروحيةُ ) عن جريدة ( نيويورك ميل آند إكسبرس ) أنَّ الأُستاذين الشهيرين ريتشارد هودس و جيمس هيزلوب ـ اللَّذين دَرَسا الاسبرتزم بواسطةِ مدام بيير (12) سنة ـ قد نَشَرا نتيجةَ أبحاثِهما في كتابٍ جاءَ فيه هذه العبارة ُ : إِنَّ عدداً عديداً من المجانين الذين يُحْسَبونَ في البيمارستانات ليسوا بمصابين بأَمراض عَقْلِيَّةٍ ، بل مملوكون لأَرْوَاحٍ قد استولت عليهم واستخدمتهم ! )) ، واتە : گۆڤاری ( الروحانية ) لە ڕۆژنامەی (نيويورك ميل آند إكسبرس ) لە هەردوو پرۆفیسۆری ناودار ( ریتشارد هودس و جیمس هیزلوب ) كە خوێندنی ( الاسبرتزم ) یان بەسەرپەرشتی ( بیر ) بۆ ماوەی (12) ساڵا خوێندووە دەگێڕێتەوە كە ئاكام و ئەنجامی لێكۆڵینەوەكەیان لە پەرتوكێكدا بڵاوكردووەتەوە و تێدا ئەم بڕگەیە هاتووە : ژمارەیەكی زۆر لەو شێتانەی كە لە نەخۆشخانەكاندا بەندكراوون ، تووشبووی نەخۆشی عەقڵی نین ، بەڵكو دەست بەسەرن لە لایەن چەندەها جنۆكەوە ، كە دەستیان بەسەردا گرتوون و بەكاریان دەهێنن .
جا نازانم پاش گەواهیدانی خودی ئەم دوو پرۆفیسۆرە ناودارە ـ و پێش ئەمانیش خاوەن پەرتوكی : (( الرد المبين على بدع المعالجين وأسئلة الحائرين ) ، كە پسپۆری ئەو بوارەن و لێكۆڵینەوە و توێژینەوەیان لەسەر كردووە ، دیسان پێویست بەوە دەكات بەڵگە لەسەر ئەوە بهێنرێتەوە كە : جن تەنها دەچێتە لەشی مرۆڤی باوەڕدارەوە ، و بێباوەڕان تووشی نابن ؟!!!
سێیەم : ئەم نەخۆشیە لە حاڵێكەوە بۆ حاڵێكی تر جیاوازە ئەوەش بە پێی هۆكارەكانیەوە ، بۆیە ـ هەموو جاری ـ ڕوودانی ئەم نەخۆشیە پەیوەست نیە بەوەی كە توشبووەكە موسڵمانە یان كافر و بێ باوەڕە ، بەڵكو پەیوەستە بەهۆكارەكەیەوە ، لەو هۆكارانەش كە پێشەوا ( ابن تيمية) ـ بە ڕەحمەت بێت ـ ئاماژەی پێداون : یەكەم : بەهۆی ئاشقبوون و خۆشویستنی جنۆكەكەیە بۆ نەخۆشەكە ، ئەو كاتە تووشكردنەكەی بۆ چێژلێوەرگرتنێتی ، دووەم : وە جاری وا هەیە تووشكردنەكە بەهۆی ئەزیەتدانی نەخۆشەكەیە بۆ جنۆكەكان ـ بە ڕێگەیەك لە ڕێگەكانی ئەزیەتدان ـ بۆیە ئەوانیش لەتۆڵەدا تووشی ئەو نەخۆشیەی دەكەن ، سێیەم : وە جاری واش هەیە تووشكردنەكەیان تەنها بۆ گاڵتەجاری و گاڵتەپێكردنی نەخۆشەكەیە ... و هەندێك جاریش ئەو توشكردنە ڕوو دەدات بەبێ هیچ هۆكارێكی دیاریكراو ، كە لە زۆربەیدا جیاوازی ناكرێت لە نێوان ئەوەی تووشبووەكە موسڵمانە یان بێ باوەڕ و كافر !!!
چوارەم : كۆتا خاڵیشم ئەوەیە : بۆ بەناو ڕۆشنبیرەكان خۆیان كردووەتە پارێزەری ئەو گەلانە و باس لەوە دەكەن كە ئەو نەخۆشیە لەو گەلانەدا ڕوودەدات یان نە ؟!! لە كاتێكدا بوونی ئەو نەخۆشیە و ڕوودانی لە مێژووی ئەو گەلانەدا و بیروباوەڕی خاچپەرستانی ئەروپا و ڕۆژئاواییەكانە و لە ئنجیلەكانیاندا هاتووە و باوەڕیان پێیە ؟!!
ئەمانەی خوارەوەش هەندێك نمونەی ئەو بیروباوەڕەی خاچ پەرستە ئەروپیەكانە ـ ئەوەش بە پێی ئەو ئنجیلە دەستكاری كراوانەوە كە تیایاندا بەربڵاوەوە و هەیە ـ كە وایان لێدەكات باوەڕیان بە توشكردنی جنۆكە بۆ مرۆڤ هەبێت .
لە ئنجیلی ( متی ) ـدا هاتووە كە : (( وفيما هما خارجان إذ إنسان أخرس مجنون قدّموه إليه ، فلما أخرج الشيطان تكلم الأخرس ، فتعجب الجموع قائلين : لم يظهر قط مثل هذا في إسرائيل )) ( إنجيل متى : الإصحاح الثامن ، الفقرة : 32 ) ، واتە : وە لە كاتێكدا ئەوان لە درچوندابوون بینیان مرۆڤێكی لاڵی شێتیان هێنا بۆ لای ، جا كاتێك كە شەیتانەكەی دەركرد ، لاڵەكە هاتە قسەكردن ، و ئامادەبوان سەریان سوڕما و ووتیان : هەرگیز لەنەوەكانی ئیسرائیل ئەم شتە ڕووی نەداوە !!!
هەروەها لە ئنجیلی ( لوقا ) ـدا هاتووە : (( وكان في المجمع رجل به روح شيطان نجس ، فصرخ بصوت عظيم آه ما لنا لك يا يسوع الناصري ، أتيت لتهلكنا .... فانتهره يسوع قائلاً اخرس وأخرج منه ، فصرعه الشيطان في الوسط ، وخرج منه ولم يضره شيئاً )) ( إنجيل لوقا : الإصحاح الرابع ، الفقرات : 32 ـ 37 ، وانظر نفس القصة إنجيل مرقص : الإصحاح الأول ، الفقرات : 21 ـ 28 )، واتە : لەو كۆمەڵەدا پیاوێك هەبوو شەیتانێكی لە لەشدا بوو ، و بەدەنگی بەرز هاواریكرد : چی بكەم ئێمە دەسەڵاتی تۆمان نیە ، تۆ هاتووی ئێمە لەناوبەری ... ، ئەویش ڕاتەكاند و پێی ووت : بێدەنگ بە و لێی وەرە دەرەوە ، ... پاشان لێی هاتەدەروەر و هیچ زیانێكی پێ نەگەیاند .
وە هەروەها لە ئنجیلی ( مرقس ) ـدا هاتووە كە : (( ولمَّا صار المساء ، إذ غربت الشمس ، قدمَّـوا إليه جميع السُّـقماء والمجانين ، وكانت المدينة كلها مجتمعة على الباب ، فشفي كثيرين كانوا مرضى بأمراض مختلفة ، وأخرج شياطين كثيرة ، ولم يـدع الشياطين يتكلمون لأنهم عرفوه )) ( إنجيل مرقص : الإصحاح الأول ، الفقرات : 32 ـ 38 ، وانظر قصصاً أخرى في نفس الإنجيل ، الإصحاح السابع ، الفقرات : 24 ـ 30 ، والإصحاح التاسع ، الفقرات : 14 ـ 29 ) ، واتە : وە كاتێك كە ئێوارە بەسەرداهات ، و خۆرئاوابوو ، هەموو نەخۆش و شێتەكانیان هێنا بۆلای ، و خەڵكی شارەكەش هەموو لە پێش دەرگاكەی كۆبووبوونەوە ، زۆریان چاكبوونەوە و شەیتانێكی زۆریشی دەرهێنا ، و مەجالی ئەوەشی نەدەدا كە شەیتانەكان بدوێن ، چونكە شەیتانەكان ئەویان دەناسیەوە .
پێنجەم : بەڕاستی كەودەنی ئەم جۆرە بێباوەڕ و مولحیدەكانە لەوەدایە كە دێن لە پەیج و ئەكاونتەكانیان ئەم جۆرە ڕەخنانە ئاراستە دەكەن !!! كەودەنیەكەش لەوەدایە كە ئەو لاف و گەزافی ئەوە لێدەدەن كە : هەر بڕوایان بە پەنهانی و غەیبیات نیە ـ لەوانەش جنۆكە ـ كەچی دێن ئەم جۆرە گومانە دەخەنەڕوو !!! بۆیە دەمەدەم و موناقەشەكردن لەسەر شوێنەواری شتێك یان دروستكراوێك لە كاتێكدایە كە بڕوامان بەخودی شتەكە هەبێت ، پاشان بێین باس لە شوێنەوار و كارەگەریەكەی بكەین !!!!
یان حەقیقەت و ڕاستیەكان ئەوەیە : كە ئەم كاكانە ژێربەژێر بڕوایان بە دروستكراوەكە هەیە ، بۆیە دێن دەمەدەم و موناقەشەی لەسەر دەكەن !!!
جا نازانم باوەڕ بە سوێندەكەتان بكەین ، یان بە كلكی كەڵەشێرەكە ؟!!!
دواووتەشمان شوكر و ستایشی خوای پەروەردگارە و صەڵات و سەلامیش لەسەر پێغەمبەری میهرەبانی و نیردراو بە ڕەحمەت بۆ هەموو جیهان ، و هەر پەروەردگاریشە هیدایەتدەر بۆ هەق و ڕاستی و ڕەوایی .
عدنان بارام كەلاری
30 / 7 / 2017 مـ