بەشەکان
ئامار
پرسیارەکان: ١٧١٥ کۆی سەردان: ٨٨٣٧٥٠
پرسیار لەوێنەدا
ئایا دروستە لە ئاودەست وەڵامى بانگ یان سەلام بدەیتەوە لە دڵى خۆتدا؟

به‌ناوى خواى به‌خشنده‌ و میهره‌بان
سه‌لامكردن و گه‌یشتن به‌یه‌ك چه‌ندین ئادابى جوانى هه‌یه‌ موسڵمانان پێویسته‌ بۆ ئه‌و مه‌به‌سته‌ ڕه‌چاوى ئادابه‌كانى سلام كردن بكه‌ن یه‌كێك له‌وانه‌ له‌كاتى ئاوده‌ستبوندا سه‌لام نه‌كه‌ن چونكه‌ به‌ (اتفاق)ى زانایان ئه‌و كه‌سه‌ى سه‌لام ده‌كات مافى وه‌ڵام دانه‌وه‌ى نى یه‌ به‌ڵكو وتویانه‌ : (مه‌كروهـه‌) سه‌لام بكات له‌ كه‌سێك له‌سەر ئاوده‌ست بێت به‌به‌ڵگه‌ى فه‌رمووده‌ى (جابر) ى كوڕى (عبدالله) ئه‌ڵێ : كابرایه‌ك به‌ لاى پێغه‌مبه‌ردا صلى الله عليه وسلم تێپه‌رى پێغه‌مبه‌رى خوا صلى الله عليه وسلم میزى ده‌كرد ئه‌و كابرایه‌ سه‌لامى له‌ پێغه‌مبه‌رى خوا صلى الله عليه وسلم كرد پێغه‌مبه‌رى خوا صلى الله عليه وسلم پێى ووت : ئه‌گه‌ر منت بینى به‌م شێوه‌یه‌ سه‌لامم لێ مه‌كه‌ ئه‌گه‌ر سه‌لام بكه‌یت وه‌ڵامت ناده‌مه‌وه‌. رواه ابن ماجة برقم 353 وقال الألباني صحيح بڕوانە الصحيحة 197 .
وه‌ حه‌دیسى (ابن عمر) ئه‌ڵێ : كابرایه‌ك سه‌لامى له‌ پێغه‌مبه‌رى خوا صلى الله عليه وسلم له‌ كاتێكدا پێغه‌مبه‌رى خوا صلى الله عليه وسلم میزى ده‌كرد وه‌ڵامى سه‌لامه‌كه‌ى نه‌دایه‌وه‌ : (أن رجلاً سلّم على النبي وهو يبول فلم يرد عليه) رواه مسلم وأبوداود والترمذي وابن ماجه والنسائي .
وه‌ ئه‌ده‌ب وایه‌ له‌كاتى له‌سه‌ر ئاوده‌ستبوندا زمانى خۆى بگرێت له‌ هه‌موو قسه‌كردنێك زیكر بێت یان هه‌ر قسه‌یه‌كى ئاسایى وه‌ڵامى سه‌لامى كه‌س نه‌داته‌وه‌ وه‌ڵامى بانگ نه‌داته‌وه‌ له‌به‌ر فه‌رمووده‌ى (مهاجر) ى كوڕى (قنفز) كه‌ سه‌لامى كردووه‌ له‌ پێغه‌مبه‌رى خوا صلى الله عليه وسلم له‌كاتێكدا ده‌ستنوێژى گرتووه‌ وه‌ڵامى نه‌داوه‌ته‌وه‌ تاوه‌كو له‌ ده‌ستنوێژه‌كه‌ى بووه‌ته‌وه‌ و فه‌رموویه‌تى : (إنه لم يمنعني أن أردّ عليك إلاّ أنّي كرهت أن أذكر الله إلا على طهارة)رواه أبوداود والنسائي وابن ماجه و صححه الألباني في صحيحه برقم 834 .
واته‌ : هیچ شتێك قه‌ده‌غه‌ى نه‌كردم له‌ وه‌ڵامدانه‌وه‌ت ته‌نها ئه‌وه‌ بوو پێم ناخۆش بوو زیكرى خوا بكه‌م به‌ بێ ده‌ستنوێژى .
ده‌بینى ئه‌مه‌ له‌كاتى ده‌ستنوێژدا بووه‌ واى به‌ چاك زانیوه‌ به‌ ده‌ستنوێژه‌وه‌ بێت بێ گومان له‌سه‌ر ئاوده‌ست بوون له‌ پێشتره‌ .
جا پێویست ناكات هیچیان له‌ دڵه‌وه‌ وه‌ڵامبداته‌وه‌ چونكه‌ هیچ به‌ڵگه‌یه‌كى له‌سه‌ر نییه‌ ئه‌گه‌ر دروست بوایه‌ له‌ پێغه‌مبه‌ره‌وه‌ صلى الله عليه وسلم بۆمان نه‌قڵ ده‌كرا .
له‌ لایه‌ن مامۆستا (خلیل أحمد) ه‌ وه‌ وه‌ڵام دراوه‌ته‌وه‌



سەردان: ٨٦٢ بەش: ئادابەکان

ئایا دروسته‌ به‌ باوك بڵێى كاكه‌ یان مامه‌ یان خاڵه‌؟تكایه‌ باسى ژیانى جنۆكه‌ بكه‌ن ئایا نێرو مێیان هەیە؟