زینا دەکات و نوێژ و ڕۆژووش دەگرێ: ماڵپەڕی وەڵامەکان
زینا دەکات و نوێژ و ڕۆژووش دەگرێ
پرسیار:

ئایا خواى گەورە نوێژ وڕۆژوو لە کەسێک قەبوڵ دەکات کەخەریکی زینا کردنە؟وە گەر تەوبەی کرد تەوبەی لێ وەردەگرێت ؟ وە سزاى زیناکەر چیە لە دنیا و قیامەت؟ وە ئامۆژگاریتان چیە بۆ ئەو کەسانەى کە گرفتارى ئەم تاوانە گەورە بوونە؟

سەرەتا ئەوە بزانە كەوا زیناكردن و داوێن پیسی یەكێكە لە تاوانە گەورەكان و كارێكی زۆر نابەجێ و ترسناكە، خوای گەورە لە قورئاندا فەموویەتی: [وَلاَ تَقْرَبُواْ الزِّنَى إِنَّهُ كَانَ فَاحِشَةً وَسَاء سَبِيلاً] [سورة الإسراء: (32) ] .
واتە: نزیكی زینا مەبنەوە چونكە زیناكردن كارێكی زۆر ناشیرینە و ڕێگایەكی خراپە.
بەڵام ئەگەر كەسێك شەیتان هەڵیخەڵەتاند و نەفسی بەدكاری خیانەتی لێكرد و ئەم كارە زۆر ناشیرینەی كرد ئەوا پێویستە لە سەری ئەم كارانەی خوارەوە ئەنجامدات بۆ ئەوەی خوا لێی خۆشببێت:
1 ـ تەوبە كردن و پەشیمان بوونەوە و گەڕانەوەیەكی ڕاستەقینە بۆ خوا:
[وَالَّذِينَ لَا يَدْعُونَ مَعَ اللَّهِ إِلَهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَن يَفْعَلْ ذَلِكَ يَلْقَ أَثَامًا (68) يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا (69) إِلَّا مَن تَابَ وَآمَنَ وَعَمِلَ عَمَلًا صَالِحًا فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَّحِيمًا (70)] [سورة الفرقان] .
واتە: وە ئەوانەی كەوا لە گەڵ خوادا پەرستراوێكی تر ناپەرستن و هاواری تێناكەن و كەسێك ناكوژن كەوا خوا كوشتنی حەرام كردبێت ئیللا بە حەق نەبێت و زینا و داوێن پیسی ناكەن.. وە هەر كەسێك ئەمانە بكات ئەوا تاوانبار دەبێت و سزای تاوانەكەی دەبینێتەوە و لە ڕۆژی قیامەتدا سزاكەیان بۆ چەند قات دەكرێتەوە و بە سەرشۆڕی هەتاهەتایی تێدا دەمێنێتەوە.. ئیللا كەسێك نەبێت كەوا تەوبە دەكات و ئیمان و باوەڕ دەهێنێت و كردەوەی چاكە دەكات، ئا ئەوانە خوا خراپەكانیان بۆ دەگۆڕێتەوە بە چاكە، وە خوا لێبوردە و بە بەزەیى یە.
وە مەرجەكانی تەوبەكردنیش بریتین لە:
أ / پەشیمان بوونەوە لە تاوان.
ب / وازهێنان لە تاوان.
ج / بڕیار دان بۆ ئەنجامنەدانی لە داهاتوودا.
2 ـ خۆ ستر كردن و ئاشكرا نەكردنی ئەو تاوانە:
عَنْ أَبِي هُرَيْرَةَ (رضي الله عنه) قَالَ : سَمِعْتُ رَسُولَ اللَّهِ (صلى الله عليه وسلم) يَقُولُ : ((كُلُّ أُمَّتِي مُعَافًى إِلاَّ الْمُجَاهِرِينَ ، وَإِنَّ مِنْ الْمُجَاهَرَةِ أَنْ يَعْمَلَ الرَّجُلُ بِاللَّيْلِ عَمَلاً ، ثُمَّ يُصْبِحَ وَقَدْ سَتَرَهُ اللَّهُ ، فَيَقُولَ يَا فُلاَنُ عَمِلْتُ الْبَارِحَةَ كَذَا وَكَذَا ، وَقَدْ بَاتَ يَسْتُرُهُ رَبُّهُ وَيُصْبِحُ يَكْشِفُ سِتْرَ اللَّهِ عَنْهُ [متفق عليه] .
واتە: هەموو ئوممەتەكەم عەفو دەكرێت و چاوپۆشی لێدەكرێت ئیللا ئەوانە نەبێت كەوا تاوانەكانیان ئاشكرا دەكەن، وە بەڕاستی بەشێك لە تاوان ئاشكرا كردن ئەوەیە كەوا پیاو بە شەو كارێك بكات و ئەنجا بەیانی ـ لە كاتێكدا كە خوا دایپۆشیوە ـ بڵێت: ئەی فڵان من شەوی ڕابردوو ئەو كارە و ئەو كارەم كردووە، لە كاتێكدا كە لە شەودا خوای پەروەردگار دایپۆشیوە، كەچی خۆی بەیانی خۆی ئاشكرا دەكات و ستر و پەردەی خوا لە سەر خۆی هەڵدەماڵێت.
3 ـ دەستكردن بە چاكەكاری و نزیك بوونەوە و تێكەڵاوی كردنی چاكەكاران و دوور كەوتنەوە لە خراپەكاری و خراپەكاران:

سەبارەت بەوەى ئایا خواى گەورە نوێژ وڕۆژوو لە کەسێک قەبوڵ دەکات کەخەریکی زینا کردنە ؟

بەڵێ  خودا کردەوەی چاکەی وەک نوێژ وڕۆژوو وهەموو کردەوەیەکی تری چاکە قەبوڵ دەکات ، وەهەروەها تەوبەش قەبوڵ دەکات ، هەروەک فەرموویەتی ( وهو الذي يقبل التوبة عن عباده ويعفوا عن السيئات ويعلم ما تفعلون ) الشورى/25 ، 
واته : وه‌ خوای گه‌وره‌ ئه‌و خوایه‌یه‌ كه‌ ته‌وبه‌ له‌ به‌نده‌كانی وه‌رئه‌گرێت ، وه‌ له‌ خراپه‌و تاوانه‌كانیان ئه‌بوورێت ، وه‌ ئه‌زانێ ئێوه‌ چ كرده‌وه‌یه‌ك ئه‌كه‌ن .

بەڵام بەمەرجێک تەوبەکەی ڕاستگۆیانە بێت ئایا ئەو کەسە بەڕاستی پەشیمان بۆتەوە لەتاوانەکانی ڕابڕدووی 

سزاى زیناکەر لە دنیادا : 

وەپیاوی زیناکار وئافرەتی زیناکار گەر ژنیان هێنابێ یاخود شوویان کردبێت سزا دەدرێن بەخراپترین سزا کەئەویش ڕەجم کردن وبەرد باران کردنە بۆ ئەوەی سزای کارەکەیان بجێژن ، خۆ ئەگەر پیاو ژنی نەهێنابێ وئافرەت شووی نەکردبێت ئەوا سەد جەڵدیان لێ دەدرێت وساڵێک لەجێگای تاوانەکە دوور دەخرێنەوە .

سزاى زيناکەر لە نێو گۆڕدا : 

سزای زیناکەر لەبەرزەخ و نێو گۆڕدا ئەوەیە دەخرێنە نێو تەنورێکەوە کەسەرەوەی تەسکە وخوارەوەی فراوانە و لەبنەوە ئاگری لێیە وبەڕووتی تێی فڕێ دەدرێن وکاتێ ئاگرەکە پێ دەکرێت هاوار دەکەن ودەنگیان لێ بەرز دەبێتەوە بەم شێوەیە تا قیامەت هەڵدەستێت ، وکاتێ قیامەتیش هات ئەوا سزاکەیان ئاگری دۆزەخە .

ئامۆژگارى بۆ ئەو کەسانەى گرفتار بوون بە زینا و داوێن پیسیەوە : 

ئامۆژگاری ئەو كەسانە دەكەین كە بەم تاوانە و جگە لەمەش گرفتار بوون كەوا ئەم كارانەی خوارەوە ئەنجام بدەن بۆ ئەوەی ڕزگاریان ببێت لە تاوانەكانیان:
یەکەم : وازهێنان و دوور كەوتنەوە و بە جێهێشتنی هاوەڵ و برادەری خراپ و تاوانبار و دوور لە خوا، وە بە پێچەوانەشەوە نزیك بوونەوە و تێكەڵاوی كردنی هاوەڵ و برادەری خوا ناس و چاكەكار، چونكە هاوەڵ و برادەر كاریگەریان هەیە بۆ دوور كەوتنەوە لە تاوان .

دووەم : دوور كەوتنەوە و بە جێهێشتنی ئەو شوێن و جێگایەی كەوا تاوانی تێدا دەست دەكەوێت . 

سێیەم : ئەم خاڵە تایبەتە بەو كەسانەی كەوا تووشی تاوانی زینا دەبنەوە.. بۆ ڕزگار بوونیان لەم تاوانە دەبێت:
أ / خۆپارێزی بكەن لە نەزەر كردن و تێكەڵاوی ئافرەتان و بە تەنها مانەوە لە گەڵ ئافرەتی بیگانە و نامەحرەمدا..
ب / ژن هێنان، چونكە پێغەمبەر (صلى الله عليه وسلم) فەرموویەتی: ((يا معشر الشباب من استطاع منكم الباءة فليتزوج فإنه أغض للبصر وأحصن للفرج ومن لـم يستطع فعليه بالصوم فإنه له وجاء)) [متفق عليه] .
واتە: ئەى كۆمەڵى لاوان هەر یەكێك لە ئێوە تواناى ژن هێنانى هەبوو با ژن بهێنێت، چونكە زیاتر چاو دەپارێزێت لە بینینى ناڕەوا، و پارێزەریشە لە كەوتنە داوێن پیسیەوە، ئەوەش تواناى ژن هێنانى نەبوو، با پەنا بەرێتە بەر ڕۆژوو گرتن، چونكە ڕۆژوو پارێزەرە بۆی.

نسأل الله أن لا يمقتنا وأن يتوب علينا وأن يوفقنا لفعل الخيرات وترك المنكرات إنه سميع قريب .