ڕاستى ئەو دەنگەى کە لە (15)ى رەمەزان دەبیسترێ: ماڵپەڕی وەڵامەکان
ڕاستى ئەو دەنگەى کە لە (15)ى رەمەزان دەبیسترێ
پرسیار:

ئایا تا چەند ڕاستە ئەگەر پانزەی رمضان بکەوێتە ڕۆژی جمعەوه ئەوا دەنگێکی بەرز دەبیسترێت؟

الحمد لله وحده والصلاة والسلام علی من لا نبي بعده ، ٲما بعد : 
لە تۆڕە کۆمەڵایەتیەکاندا فەرموودەیەک بڵاو دەکرێتەوە کە گوایە پێغەمبەری خوا صلى الله عليه وسلم فەرموویەتی : (ئەگەر پانزەی رمضان بکەوێتە ڕۆژی جمعەوه ئەوا دەنگێکی بەرز دەبیسترێت ) . 
ئەم فەرموودەیە وتەی پێغەمبەری خوا نیە صلی الله علیه و سلم بەڵکو هەڵبەستراوە بەدەمی پێغەمبەری خواوە و دوورە لە ڕاستیەوە . 
 
زانایانی گەورەی فەرموودە وەکو عقیلی (۱) و ابن جوزی(۲) و ابن القیم(۳) بەڕەحمەت بن فەرموویانە : [فەرموودەیەکی هەڵبەستراوە و ڕاست  نیە لە ڕووی مەتن و سەندەوە پوچە ] . وە شێخی ئەلبانی بەڕەحمەت بێت بە ورد و درشتی قسەی لەسەر کردووە و وتەی  زانایانی هێناوە لەو بارەیەوە (٤)

پاشان وەکو پێشەوا ابن باز بەڕەحمەت بێت دەفەرمووێت  : " چەندین جار لە مێژوودا پانزەی رمضان کەوتووەتە ڕۆژی جمعەوە و هیچ شتێکی لەو شێوەیەش ڕووی نەداوە " (٥). 

وە بەئیزنی خوا ئەم پانزەی  مانگی ڕەمەزانەش دەی بینین کە تێپەڕ دەبێت و هیچ شتێک ڕوو نادات و دەردەکەوێت بە واقعی کە ئەم فەرموودەیە پوچەڵە . 

بۆیە پێویستە لەسەر موسڵمانان وریا بن لەخۆیەوە وتەیەک نەدەنە پاڵ پێغەمبەری  خوا صلى الله عليه وسلم کە نەی فەرموو بێت چونکە هەڕەشەی توندی لەسەرە و درۆکردن بەدەمی پێغەمبەری خواوە صلى الله عليه وسلم وەکو درۆکرن نیە بەدەمی خەڵکی دیکەوە چونکە هەر کەسێک درۆیەک بەدەمی پێغەمبەری خواوە بکات بە قەستی ئەوا با جێگایەک لەئاگردا بۆخۆی دیاری بکات . 

وصلی الله وسلم وبارک علی نبینا محمد 
 


(۱) [الضعفاء الكبير " (3/52) ]
(۲) [ الموضوعات " (3/191)]
(۳) [المنار المنيف (ص/98)]
(٤) [السلسلة الضعيفة " (رقم/6178، 6179) ].
(٥) مجموع فتاوى ابن باز " (26/339-341)]

سەردان: ١,٠١٨ بەش: هەمەجۆر