ئایە كەس هەیە باشتر بێت لە هاوەڵان و دوایی ئەوان بێت ؟: ماڵپەڕی وەڵامەکان
ئایە كەس هەیە باشتر بێت لە هاوەڵان و دوایی ئەوان بێت ؟

بسم الله الرحمن الرحیم

سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
نەخێر، لە دوای هاوەڵان ـ خودایان لێ ڕازیبێت ـ كەس نایەت لەوان باشتربێت بەهیچ شێوەیەك ئەگەر بیست هێندەی ئوحد زێڕ لەبەر خودا ببەخشێت، چونكە لە خاسیەتی هاوەڵبوون كەسیان پێناگات، لەوانەیە هەندێك كات لە هەندێك ڕوانگەوە باشتربێت بەڵام ئەو فەرموودە ئەوە ناگەیەنێت: [يَأْتِي عَلَى النَّاسِ زَمَانٌ العاضُّ فِيهِ عَلَى دِينِهِ كالقَابِضِ عَلَى الْجَمْرِ أَجْرُ الوَاحِدَ مِنْهُم كَأَجْرِ الخَمْسِين قَالُوا: مِنَا أَو مِنْهُم ؟ قَالَ رَسُولُ اللَّهِ (صلى الله عليه وسلم): مِنْكُم] (*)
واتە: سەردەمێك دێت بەسەر خەڵكدا، ئەو كەسەی دەستی بە ئاینەكەیەوە گرتبێت وەك ئەوەیە كە پشكۆی ئاگری گرتبێت، پاداشتی یەكێك لەوان وەك پاداشتی پەنجا وایە، وتیان: لە ئێمە یان لەوان ؟ پێغەمبەر (صلى الله عليه وسلم) فەرمووی: لە ئێوە، ئەم فەرمودەیە هەندێك بە صەحیحی داناوە و هەندێك بە لاواز، وە من لە یەكێك لە لێكۆڵینەوەكانم بۆم دەركەوتووە لاوازە، و دووبارە لێی دەكۆڵمەوە بەڵام ئەگەر وتمان ئەوە وایە و جێگیرە، ئەوەی كە خێری پەنجای هەیە ئەوە ناگەیەنێت باشتربێت لە هاوەڵان، چونكە ئەو خاسیەتەی كە هاوەڵان پێی تایبەتن كەس لەوە پێیان ناگات ـ خودا بە بەرەكەتتان بكات ـ.
پەروەردگار پاك و بێگەردی بۆ تۆ و ستایشت دەكەم و گەواهی دەدەم كە هیچ پەرستراوێكی حەق نییە جگە لە تۆ داوای لێخۆشبونت لێدەكەم و تۆبەت لادەكەم.
[شێخی پایەبەرز ربيع بن هادي عمير المدخلي]
وەرگێڕانى م. عثمان أحمد
============================
(*) ئەم بەشەی ئەو فەرموودەیە: ((يأتي على الناس زمان الصابر فيهم على دينه كالقابض على الجمر)) ئیمامی الترمذي ریوایەتی كردووە و شێخ ئەلبانی ـ بەڕەحمەت بێت ـ لە (السلسلة الصحيحة) هێناویەتی (2 ـ 645) و دەڵێت:(صحيح بشواهده الكثيرة).
بەڵام بەم شێوازە: ((فإن من ورائكم أياما، الصبر فيهن مثل القبض على الجمر، للعامل فيهن مثل أجر خمسين رجلا يعملون مثل عملكم))، قال عبد الله بن المبارك: وزادني غير عتبة قيل: يا رسول الله أجر خمسين رجلا منا أو منهم ؟ قال: ((لا، بل أجر خمسين رجلا منكم)) دیسان ئیمامی الترمذی ریوایەتی كردووە و شێخ ئەلبانی ـ بەڕەحمەت بێت ـ لە (ضعيف سنن الترمذي) (1 ـ 371) ژمارە (3058) هێناویەتی دەڵێت: ضعيفة.
بەڵام فەرموودەی: ((إن من ورائكم أيام الصبر، للمتمسك فيهن يومئذ بما أنتم عليه أجر خمسين منكم قالوا: يا نبي الله أو منهم ؟ قال: بل منكم))شێخ ئەلبانی ـ بەڕەحمەت بێت ـ لە (السلسلة الصحيحة) بە ژمارە (494) هێناویەتی و دەڵێت: صەحیحە. (وەرگێڕ عثمان أحمد).

سەردان: ٤٢٤ بەش: هەمەجۆر