كارە شەرعییە گەورەكانی ئیسلام لە پاش ئیمان بریتین لە : نوێژكردن و زەكاتدان و ڕۆژووگرتنی رەمەزان و حەجكردنی ماڵی حورمەتدار .
تێڕامێنێ لە ئەم كارە شەرعییە گەورانە و سوودە گەورەكانیان و ئەوەیش كە دەیخوازن لە هەوڵدان لە پێناو بەدەستهێنانی ڕەزامەندی خوا و بردنەوەی پاداشتی ئێستا و داهاتووی .
وە تێڕامان بكە لەوەی كە لە نوێژدا هەیە لە ئیخڵاص و نیازپاكی بۆ خوا و رووكردنی تەواو لە خوا و ستایشكردن و دوعا و پاڕانەوە و ملكەچی نواندن بۆی ، وە پێگەی نوێژ لە ئاست درەختی ئیمان وەكو پێگەی چاودێری كردن و ئاودانی باخ و بۆیسان وایە ، خۆ ئەگەر نوێژ لە ڕۆژ و شەوێكدا چەند جارێك دووبارە نەبوایەتەوە ئەوا درەختی ئیمان وشكدەبوویەوە ، بەڵام ئیمان بە هۆی پەرستشی نوێژەوە گەشە دەكات و نوێ دەبێتەوە .
وە بڕوانـە بۆ ئەو سەرقاڵابوونە بە زیكری خواوە ـ كە لە هەموو شتێك گەورەترە ـ كە نوێژ لە خۆیی گرتووە و ڕێگری دەكات لە خراپەكاری و تاوان .
* وە بڕوانە بۆ حیكمەت و مەبەستەكانی زەكات و ئەوەی كە تێیدایە لە خووگرتن بە ڕەوشتەكانی كەسانی بەخشندە لە سەخاوەتی و بەخشندەیی و دووربوون لە ڕەوشتەكانی كەسانی بێ‌خێر و سفڵە ، وە لە سوپاسگوزاری و شوكرانەبژێری بۆ خوا لەسەر ئەو نازونیعمەتانەی كە بەخشیویەتی ، وە لە پاراستنی ماڵا و سەروەت و سامان لە تێكدەرە هەستپێكراو و نـاهەستپێكراوەكان ، وە لە ئەوەیش كە تێیدایـە لە چاكـەكردن لەگـەڵ خەڵك و لاكـردنەوە لە كەسانی پێویست و موحتاج و نەدار و پڕكردنەوەی ئەو بەرژەوەندیانەی كە خەڵك پێویستە بۆیان .
چونكە زەكات دەركردنی پێویستی كەسانی ناچار و پێویست و موحتاجی تێدایە ، وە یارمەتیدانی تێدایە لەسەر جیهاد و تێكۆشان و ئەو بەرژەوەندیە گشتیانەی كە موسڵمانان ناتوانن بێ‌پێویست بن بۆیان ، وە لادان و دەركردنی هێرشی هەژاری و هەژارانی تێدایە ، وە متمانەبوونیشی تێدایە بەوەی كە خوا جێ‌ی ئەو ماڵ بەخشینەت بۆ پڕدەكاتەوە لەگەڵ ئومێدبوون بە پاداشتی و بەڕاستخستنەوەی بەڵێنەكانی .
* وە ڕۆژووگرتنیش ڕاهێنانی ناخ و دەروونی تێدایە لەسەر وازهێنان لە ئەو شتانەی كە خۆشیدەوێن و ڕاهاتووە لەگەڵیاندا لەبەر خۆشەویستی خوا و نزیكبوونەوە لـێ‌ی ، وە ڕاهێنانی ناخ و دەروونیشی تێدایە لەسەر بەهێزی بڕیار و خۆڕاگری و ئارامگرتن .
وە بەهێزبوونی خواستی ئیخڵاص و نیازپاكی تێدایە ، وە بەجێهێنان و بەدیهێنانی خۆشەویستی خوای تێدایە بە بەراود لەگەڵ خۆشەویستی ناخ و دەرووندا ، وە لەبەر ئەوەیشە كە ڕۆژووگرتن بۆ خوایە و لە نێوان تێكڕای كردەوەكاندا تایبەتی كردووە بە خۆیەوە .
* وە ئەوەیـش كـە لە حەجـدا هەیە لە بەخشینـی مـاڵ و سامـان و خۆڕاگـرتن لەبەرامبەر مەینەتیەكـان و رووبەروو بوونەوەی مەترسی و ناڕەحەتیەكان بە مەبەستی دەستكەوتنی ڕەزامەندی خوا و ڕۆیشتنی تایبەت بۆ لای و خۆخۆشەویست كردن لای خوا لە ناوەوە و پانتایی ماڵەكەیدا ، وە ئەوەیش كە لە پەرستشە هەمەجۆرەكاندا بۆ خوا هەیە ئەوەی كە لە شوێنەكانی ئەنجامدانی كارەكانی حەجدا ئەنجامدەدەرێن كە بریتین لە چەندین خوان و سفرەی میوانداری كە خوا بۆ عەبدەكانی و میوانەكانی ماڵەكەی دایناون و ڕایخستوون .
وە ئەوەیش كە لە حەجدا هەیە لە گەورەڕاگرتن و ملكەچی تەواو بۆ خوا و یادكردنەوە و وەبیرهاتنەوەی حاڵی هەواڵپێدراو و پێغەمبەران و كەسانی هەڵبژێردراو و نیازپاك و بۆخواصوڵحاو و بەهێزبوونی ئیمان بە هۆیانەوە و زیاتر وابەستەبوون بە خۆشویستنیانەوە .
وە ئەوەیش كە لە حەجدا هەیە لە یەكترناسینی نێوان موسڵمانان و هەوڵدان بۆ یەكخستنی وتەكانیان و ڕێكەوتنیان لەسەر بەرژەوەندیە تایبەت و گشتیەكان كە هەژمار ناكرێن .
هەموو ئەمانە لە گەورەترین جوانی و چاكەكانی ئاینی ئیسلامن و گەورەترین سوودی بەدەست هاتوون بۆ ئیمانداران .
شێخ عبد الرَّحمن بن ناصر بن السعدي رحمه الله
مارە کردنى کچ و کوڕى باوکە ئادەم لەیەکترچەند تاوانمان زۆر بێ خۆ لە کۆتاییدا هەر دەچینە بەهەشتەوە!!!باشە ئاین لە سیستەمى دەسەڵات جیابكرێتەوە باشترە یان نا؟ئێمە دەزانین کەخودا بەزۆر کەس ناکات بەبێباوەڕ بەڵام بۆ لە قورئاندا دەفەرموێ پەردەمان داوە بەسەر دڵى بێباوەڕاندا؟ئایا قورئان بەتەنها بەسە بۆ ئەوەی هەموو شەریعەتی لێ وەربگرین و پێویستمان بە فەرمودە نیە؟
