ڕۆژوو گرتنی ڕۆژی شەممە چەند حاڵەتێکی هەیە :

حاڵەتی یەکەم : ڕۆژووی فەڕز بێت وەک ڕەمەزان ، یاخود قەزا کردنەوەی ڕۆژووی فەڕز بێت ، یاخود ڕۆژووی کەفاڕەت بێت ، وهاوشێوەی ئەمانە ، ئەمانە هیچی تێدا نی یه ودروستە بەمەرجێک تایبەت نەکرێت و وا نەزانرێن وباوەڕی وانەبێت باشتر وایە لەو ڕۆژەدا قەزا بکرێتەوە .

حاڵەتی دووەم : ڕۆژێک پێشی کەدەکاتە ڕۆژی هەینی بەڕۆژوو بێت ئەمەش دروستە ؛ چونکە پێغەمبەر ﷺ بەیەکێک لەدایکی باوەڕدارانی (کاتێ کەلەڕۆژی هەینیدا بەڕۆژوو بوو ) فەرموو : ( أصمت أمس ؟ ) واتە : ئایا دوێنێ بەڕۆژوو بوویت ؟ گوتی : نەخێر ، فەرمووی : ( أتصومين غدا ؟ ) واتە : ئەی سبەی بەڕۆژوو دەبیت ؟ گوتی : نەخێر ، فەرمووی : ( فأفطري ) واتە : دەی کەواتە ڕۆژووەکەت بشکێنە .

جا ئەو فەرمایشتەی : ( أتصومين غدا ؟ ) واتە : ئەی سبەی بەڕۆژوو دەبیت ؟
بەڵگەیە لەسەر دروستی ڕۆژوو گرتن لەڕۆژی شەممەدا بەمەرجێک ڕۆژی هەینی لەگەڵدا گرتبێت .

حاڵەتی سێ یەم : وا ڕێک کەوێت یەکێک لە ڕۆژووە مەشروعەکان بکەوێتە ئەو ڕۆژەوە ، وەک : ڕۆژە سپیەکان (أيام البيض) ویاخود ڕۆژووی ڕۆژی عەڕەفە ، وەهەروەها ڕۆژووی عاشوڕا ، و شەش ڕۆژی مانگی شەوال ، واتە : شەشەڵان بۆ کەسێک کەڕەمەزانی گرتبێت وبیەوێ شەشەڵان بگرێت ، و نۆی مانگی( ذي الحجة ) جا ڕۆژوو گرتنی ڕۆژی شەممە لەم ڕۆژانەدا دروستە ، چونکە لەبەر ئەوە خەڵک بەڕۆژوو نابێت کەڕۆژی شەممەیە ، بەڵکو لەبەر ئەوە بەڕۆژوو دەبێت چونکە کەوتۆتە یەکێکە لەو ڕۆژانەوە کەدروسته تیایدا بەڕۆژوو بیت .

حاڵەتی چوارەم : کاتێ کەسێک عادەتی وایە ڕۆژێک بەڕۆژوو دەبێت وڕۆژێک بەڕۆژوو نابێت جا وا ڕێک کەوێت بکەوێتە ئەو ڕۆژەی کەبەڕۆژوو دەبێت بکەوێتە ڕۆژی شەممەوە ، ئەمەش دروستە وهیچ ئیشکالی تێدا نی یە ، هەروەک کاتێ کە پێغەمبەر ﷺ ڕێگری کرد لەوەی کەسێک ڕۆژێک یاخود دوو ڕۆژ پێش ڕەمەزان بەڕۆژوو بێت بەڵام فەرمووی : ( إلا رجلاً كان يصوم صوماً فليصمه ) ، واتە : مەگەر کەسێک نەبێت کەعادەتی وا بووە ئەو ڕۆژە بەڕۆژوو بێت با بەڕۆژوو بێ .
حەتمەن ڕۆژووی شەممانیش هاوشێوەی ئەمەیە .

حاڵەتی پێنجەم : تایبەت کردنی بەڕۆژوو گرتن لەو ڕۆژەدا وبەتەنها تیایدا بەڕۆژوو بێت ، ئائەمە ئەو ڕێگریە دەیگرێتەوە کەلەفەرموودەکەدا ئاماژەی پێ درواە (گەر فەرموودەکە صەحیح بێت)

" انتهى من "مجموع فتاوى ورسائل الشيخ ابن عثيمين" (20/57).