كاتێك پێغەمبەرى خوا  ـ ﷺ ـ  هات بۆ مەدینە بینی جولەكەكان رۆژى دەیەمى مانگى موحەڕەم رۆژودەگرن، پێغەمبەرى خوایش  ـ ﷺ ـ  فەرمووى: (( أنا أحق بموسى منكم فصامه وأمر بصيامه))⁽¹⁾. واتە: من لە پێشترم لە موسا تاوەكو ئێــوە بۆیە خۆى رۆژوى گرت و فەرمانیشی كرد بە رۆژوگرتنى ئەو رۆژە.
وە لە فەرموودەكەى ابن عباسیشەوە ـ رضي الله عنه ـ هاتووە كەصەحیحە، بەوەى كە پێغەمبەرى خوا  ـ ﷺ ـ  خۆى رۆژى عاشورا بە رۆژو بووە وفەرمانیشی بەخەڵكى كردووە ئەو رۆژە بگرن وە پرسیاریشی لێ كراوە سەبارەت بە فەزڵى ئەو رۆژە وئەویش فەرموویەتى: (( احتسب على الله أن يكفر السنة التي قبله))⁽²⁾ ، واتە: ئومێد دەكەم كە خواى گەورە بەهۆى رۆژوگرتنى ئەو رۆژەوە تاوانى ساڵێكى پێش ئەو رۆژە بسڕێتەوە. وە هەروەها پێغەمبەرى خوا  ـ ﷺ ـ  دواتر فەرمانی كرد بەوەى پێچەوانەى جولەكە بكرێت بەوەى رۆژێك لە پێشیەوە بگرن كە رۆژى نۆهەمە یان رۆژى دواتر كە رۆژى یازدەیەمە.
بۆیە باشتر وایە كە مرۆڤ رۆژى نۆهەم بگرێت و رۆژێكیش لە پێشیەوە یان پاشیەوە. بەڵام گرتنى رۆژێك لە پێشیەوە باشترە لە رۆژى دواترى كە یازدەیە.
جا ئەى براى موسڵمانم پێویستە ئەو هەلەت لەدەست نەچێت و رۆژى عاشورا بەرۆژو بیت و بەهەمان شێــوە رۆژى نۆهەمیش. 

 سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله -