ویصال ئەوەیە كەسێك رۆژو نەشكێنێت و دوو رۆژى لەسەر یەك بگەیەنێت بەیەك و پێغەمبەرى خوایش  ـ ﷺ ـ  نەهى كردووە لەوە وفەرموویەتى:    (( من أراد أن يواصل فليواصل إلى السحر))⁽¹⁾ واتە: هەركەس ویستى ویصال بكات ئەوا با تا پارشێو ویصال بكات. بۆیە بەردەوام بوون لەسەر رۆژو هەتا پارشێو دروستە بەڵام نەشەرعێنراوە، تەنانەت پێغەمبەرى خوا  ـ ﷺ ـ  هانى موسڵمانانى داوە لەسەر پەلەكردن لە بەربانگ كردنەوەدا وفەرموویەتى: ((لا يزال الناس بخير ما عجلوا الفطر))⁽²⁾ واتە: بەردەوام خەڵكى لەخێردان هەتا پەلەبكەن لە بەربانگ كردنەوەدا. بەڵام لەگەڵ ئەوەشدا تەنها ئەوەى بۆ حەڵاڵ كردوون كە رۆژو بگەیەنن بە پارشێو ئەوەش كاتێك بوو كە پێیان ووت ئەى پێغەمبەرى خوا  ـ ﷺ ـ  دەبینین تۆ ویصال دەكەیت و ئەویش فەرمووى: ((إني لست كهيئتكم))⁽³⁾. واتە: من وەكو ئێــوە نیـم.