باوه‌ڕهێنان به كتێبه ئاسمانیه‌كان واتاى چی ده‌گه‌یه‌نێت، وه پێگه و پایه‌ى قورئان چیه به‌راورد به كتێبه پێشووه‌كان؟
واتا باوه‌ڕهێنانێكى ته‌واو به‌وه‌ى كه خواى گه‌وره چه‌ند كتێبێكى بۆ پێغه‌مبه‌رانى دابه‌زاندووه كه به‌ڵێن و هه‌ڕه‌شه‌و فه‌رمان و نه‌هی و ئه‌وه‌ى خوا ده‌یه‌وێت له دروستكراوه‌كانى تێیاندایه، وه نور و هیدایه‌ت وڕێپیشاندانیان تێدایه، خواى گه‌وره ده‌فه‌رموێت: [ آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللَّهِ وَمَلائِكَتِهِ وَكُتُبِهِ وَرُسُلِهِ لا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ (285) ] (البقرة) .
واته: په‌یامبه‌رى خوا - ﷺ - باوه‌ڕى هێناوه ویه‌قینى هه‌یه به‌و سروشه‌ى بۆى هاتوه له‌لایه‌ن په‌روه‌ردگاریه‌وه و به‌ڕاستى ده‌زانێت، و هه‌قى خۆشیه‌تى كه یه‌قینى هه‌بێت، و باوه‌ڕدارانیش به‌هه‌مان شێوه باوه‌ڕیان هێناوه به‌قورئانى پیرۆز و كارى پێده‌كه‌ن، هه‌مویان باوه‌ڕیان هێناوه به ( الله ) كه په‌روه‌ردگار و په‌ره‌ستراویان بێت كه سیفاتى مه‌زنى وته‌واوى تێدایه، وه به‌وه‌ى كه خواى په‌روه‌ردگار كۆمه‌ڵێك فریشته‌ى به‌ڕێزى هه‌یه، وه به‌وه‌ش كه كتێبى دابه‌زاندوه، وه به‌وه‌ش كه په‌یامبه‌رانێكى بۆ خه‌ڵك ناردوه، ـ ئێمه‌ى باوه‌ڕداران ـ ئه‌وه نه‌بێت باوه‌ڕمان به‌هه‌ندێكیان هه‌بێت و به‌هه‌ندێكى تریشیان باوه‌ڕمان نه‌بێت، به‌ڵكو باوه‌ڕمان به‌هه‌مویان هه‌یه . په‌یامبه‌ر و باوه‌ڕدارانیش ووتوویانه : گوێمان له‌وه بوو كه به‌وه‌حى داتبه‌زاندوه، و گوێڕایه‌ڵین له‌هه‌موو ئه‌وانه‌دا، ئومێده‌وارین ـ به‌فه‌زڵى خۆت ـ له‌تاوانه‌كانمان خۆش بیت، ئه‌وه تۆى په‌روه‌رده‌مانت كرد به‌و نیعمه‌تانه‌ى كه پێمانت به‌خشیوه، و ته‌نها بۆ لاى تۆیه سه‌ره‌نجام و گه‌ڕانه‌وه‌مان .
وه ئه‌م كتێبانه‌ش ئه‌مانه‌ن: قورئان و ته‌ورات و ئینجیل و زه‌بوور و په‌رتووكى إبراهیم و موسا، وه تێیشیاندایه كه له شه‌رعى ئێمه‌دا ناوى نه‌هێنراوه.
وه پله‌وپایه‌ى قورئانیش ئه‌وه‌یه كه: باشترین كتێبی دابه‌زێنراوه و دواهه‌مین كتێبه، لێى هه‌ڵناوه‌شێته‌وه و جێگۆڕكێ و گۆڕانكارى تێدا ناكرێت و ڕوونادات، و خواى گه‌وره ئه‌ركى پاراستنى خستۆته ئه‌ستۆى خۆى – سبحانه و تعالى- له‌وه‌ى كه گۆڕانكارى و شێواندن و تێكدان ڕووى تێ بكات له زیاد و كه‌م كردن هه‌تا ئه‌و رۆژه‌ى كه خواى گه‌وره به‌رزى ده‌كاته‌وه بۆ لاى خۆى.
وه خواى گه‌وره سه‌باره‌ت به قورئان ده‌فه‌رموێـت: [ وَأَنْزَلْنَا إِلَيْكَ الْكِتَابَ بِالْحَقِّ مُصَدِّقًا لِمَا بَيْنَ يَدَيْهِ مِنَ الْكِتَابِ وَمُهَيْمِنًا عَلَيْهِ ... (48) ] (المائدة) واته: ئه‌ى په‌یامبه‌رى خوا - ﷺ - ئێمه قورئانمان بۆ دابه‌زاندووى، و هه‌موو ئه‌وه‌ى كه تێیدایه هه‌قه و شاهیده له‌سه‌ر ڕاستێتى كتێبه‌كانى پێش خۆى، و ئه‌وه‌ى كه له‌لایه‌ن خواى په‌روه‌ردگاره‌وه‌یه و به‌ڕاست دانه‌رى هه‌موو ئه‌و ڕاستیانه‌یه كه تێیدایه، و ڕوونكه‌ره‌وه‌شه بۆ ئه‌و گۆڕدراوانه‌ى كه تێیدایه، و هه‌ڵوه‌شێنه‌ره‌وه‌شه بۆ هه‌ندێك له حوكمه‌كانى.
وه واجبه له‌سه‌ر هه‌موو ئوممه‌ت كه شوێنى بكه‌ون و حوكمى پێ بكه‌ن، وه حاڵ و بارى هیچ ئوممه‌تێك تێك ناچێت و خراپ نابێت ئیلا به هۆى ئه‌وه‌وه نه‌بێت كه پشت له كتێبه‌كه‌ى خوا ده‌كه‌ن و شوێنى جگه له‌و ده‌كه‌ون.
وەرگیراوە لە کتێبی : (إعانة الخطباء والأئمة بفقه إمامة الأمة)
لە نوسینى شێخ : محمد بن زيد بن محمد المدخلي
ئایە دروسته ئنجیل بخوێنمەوه تەنها بۆ ئە وەی بزانم چی تیادا نوسراوه ؟چۆنێتى باوەڕبونمان بە کتێبە ئاسمانییەکانئایە دروسته ئنجیل بخوێنمەوه تەنها بۆ ئە وەی بزانم چی تیادا نوسراوه؟
