وەڵاممان بۆ ئەو كەسە ئەوەیە كە پێویست ناكات خۆى بگرێتەوە لەخواردن وخواردنەوە، چونكە كاتى رۆژوشكاندن هات و ئەوان لەخاكى فرۆكەخانەدابوون ولەسەر زەوى خۆرئاوابووە واتە لەشوێنێكدا بوون كە خۆرى لێ ئاوابوو، وە پێغەمبەرى خوایش  ـ ﷺ ـ  فەرموویەتى: (( إذا أقبل الليل من هاهنا وأدبر النهار من هاهنا وغربت الشمس فقد أفطر الصائم))⁽¹⁾ واتە: ئەگەر شەو لێرەوە داهات و رۆژیش لێرەوە پشتى هەڵكرد و خۆرئاوابوو ئەوا رۆژوەوان رۆژوەكەى دەشكێنێت. جا بۆیە ئەو كەسە رۆژوەكەى شكاند كە خۆرى لێ ئاوابوو لە خاكى فرۆكەخانەدا ئەوا رۆژەكەى ئەو كەسە تەواوبووە وە ئەگەر رۆژەكەشی تەواوبێت ئەوا پێویست بەخۆگرتنەوە ناكات.
ئەوەش لەبەر ئەوەى رۆژوشكاندنەكەى پشتبەستووە بەبەڵگەیەكى شەرعى سەلمێنراو بۆیە ناتوانرێت پابەند بكرێت بە خۆگرتنەوە مەگەر بەبەڵگەیەكى شەرعى سەلمێنراو نەبێت (كە نییە).