ئادابە تایبەتیەکانی نێو شاری مەدینە و مزگەوتی پێغەمبەر (صلى الله علیه وسلم) کامانەن؟: ماڵپەڕی وەڵامەکان
ئادابە تایبەتیەکانی نێو شاری مەدینە و مزگەوتی پێغەمبەر (صلى الله علیه وسلم) کامانەن؟

بسم الله الرحمن الرحیم سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.

دەبێت بە ڕێز و حورمەتەوە بە نێو شاری مەدینەدا هەڵسوكەوت و هاتن و ڕۆیشتن بكەیت و نابێت قاڵەقاڵ بكەیت و دەنگ بەرز بكەیتەوە ، خوای گەورە فەرموویەتی :
[يَا أَيُّهَا الَّذِينَ آمَنُوا لا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلا تَجْهَرُوا لَهُ بِالْقَوْلِ كَجَهْرِ بَعْضِكُمْ لِبَعْضٍ أَنْ تَحْبَطَ أَعْمَالُكُمْ وَأَنْتُمْ لا تَشْعُرُونَ] [الـحجرات] .
واتە : ئەی ئەو كەسانەی كە باوەڕتانهێناوە دەنگتان بەرزمەكەنەوە بەسەر دەنگی پێغەمبەرەوە () وە قسەكردنتان دەرمەبڕن هەروەكو چۆن هەندێكتان بۆ هەندێكی ترتان وا دەكەن نەوەك كردەوەكانتان بەتاڵا و پووچەڵ ببێتەوە و ئێوەش بە خۆتان نەزانن .
وە نابێت تاوان و سەرپێچی سوننەتەكانی پێغەمبەر () بكەیت ، وە بیدعە كردن لە نێو مەدینەدا زۆر ترسناكە چونكە ئەو پەڕٍی بێئەدەبیە دەرحەق بە پێغەمبەر () :
عَنْ أَبِي هُرَيْرَةَ (رضي الله عنه) عَنِ النَّبِيِّ () قَالَ : ((الْمَدِينَةُ حَرَمٌ : فَمَنْ أَحْدَثَ فِيهَا حَدَثًا أَوْ آوَى مُحْدِثًا فَعَلَيْهِ لَعْنَةُ اللَّهِ وَالْمَلاَئِكَةِ وَالنَّاسِ أَجْمَعِينَ لاَ يُقْبَلُ مِنْهُ يَوْمَ الْقِيَامَةِ عَدْلٌ وَلاَ صَرْفٌ)) صحيح مسلم .
واتە : مەدینە حەرەمە و حورمەتدارە : جا هەركەسێك بیدعەیەكی تێدا دابهێنێت یان جێی بیدعەچیەك بكاتەوە و ببێتە پەنا بۆی ئەوە لەعنەتی خوا و فریشتەكان و هەموو خەڵكی لێبێت ، وە لە ڕۆژی قیامەتدا فەرز و سوننەتی لـێ قەبوڵ ناكرێت .
وە ناشبێت لە نێو مەدینەدا ئازاری كەس بدەیت و ناشبێت لە دار و درختەكانی ببڕیت و ناشبێت ڕاوی تێدا بكەیت چونكە حەرەمە .

لەلایەن (مامۆستا محمد عبدالرحمن)ە وە وەڵام دراوەتەوە

سەردان: ٢,٣٩٣ بەش: ئادابەکانى شارى مەدینە