هەندێ جار پێش ئەوەى نوێژ بکەم تەنگاو دەبم و واپێویست دەکا کە بچمە سەرئاو بەڵام کە نوێژەکەم دەکەم و لەکاتی نوێژ کردنمدا تەنگاو نیم ئایا نوێژەکەم دروستە ؟؟ وە هەندێک جار حاڵەتەکە پێچەوانە دەبێتەوە ، ئایا نوێژەکەم دروستە ؟؟
بسم الله الرحمن الرحیم
سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
دروست نی یە بۆ نوێژ خوێن کەوا دەست بەنوێژ کردن بکات لەکاتێکا کە تەنگاو بێت ، جا ئەم تەنگاویە تەنگاوی میز بێت یاخود پیسایی ، لەبەرفەرمایشتی پێغەمبەری خوا ﷺ کە فەرمویەتی : [ لا صلاة بحضرة الطعام ولا هو يدافعه الأخبثان ] أخرجه مسلم .
واتە: نوێژ ناكرێت لە كاتی ئامادەبوونی خواردن دا ، وە لە كاتێكیشدا كە پیسی و میز زۆری بۆ هێنان- واتە لە كاتی تەنگاو بوون دا.
وە حیکمەتی ئەم شتەش کەوا قەدەغە کراوە نوێژ بکرێت لەم حاڵەتەدا (والله أعلم) ئەوەیە ، کە ئەم دوشتە خشوع لەناو نوێژدا ناهێڵن ، بەڵام ئەگەر لەم حاڵەتەدا بوو نوێژیشی کرد نوێژەکەی دروستە ، بەڵام نوێژێکی تەواو و کامڵ نی یە ، لەبەر ئەم فەرمودەی باسمان کرد ، وەپێویست ناکات نوێژەکەی دوبارە بکاتەوە ، بەڵام ئەگەر دەستت بەنوێژ کردو میزو پیسایت نەهات دوای دەست پێ کردنی نوێژەکەت میزو پیسایت هات ، ئەوا نوێژەکەت دروستە هیچ کەڕاهەت و ڕێگریەک نی یە ئەگەر ئەم تەنگاویە ڕێگر نەبێت لە تەواو کردنی نوێژەکەت .
وبالله التوفيق وصلى الله على نبينا محمد وآله وصحبه وسلم .
سەرچاوە : اللجنة الدائمة للبحوث العلمية والإفتاء 7/28
ئایا ئەو ئەندازەیە چەندە لەنێوان تۆ ونوێژ خوێندا هەیە کە بتوانی پیایدا تێپەڕ ببیت ؟ئایا واجبە ئافرەت لە نوێژدا پێى داپۆشێ؟ ئایا دروستە نوێژ بكەیت لە شوێنێكی بەرزدا وەكو دۆشەك یان هاوشێوەی ؟ئەگەر لە نوێژدا بووم و پژمیم ئایا بڵێم : الحمدلله، یاخوود نا؟هۆکاری چییە پێغەمبەر ئیبراهیم عليه السلام تایبەت کراوە بەناو هێنان لەتەحیاتدا ؟
