قورئانى پیرۆز ووتە(كەلام)ى خوایەو درووستكراو (مەخلوق) نیە: ماڵپەڕی وەڵامەکان
قورئانى پیرۆز ووتە(كەلام)ى خوایەو درووستكراو (مەخلوق) نیە
پرسیار:

قورئانى پیرۆز ووتە(كەلام)ى خوایەو درووستكراو (مەخلوق) نیە

بیروباوەڕى تێكڕاى زانایانى ئەهلى سوننە و جەماعە بەرامبەر قورئانى پیرۆز ئەوەیە كە: قورئانى پیرۆز كەلامى خوایە و مەخلوق (درووستكراو) نیە، خواى گەورەو میهرەبان بە (جیبریل)دا علیه السلام ناردویەتى بۆ پێغەمبەرمان  ، پێغەمبەریش بۆ هاوەڵە بەڕێزەكانى خوێندوەتەوە و ئەوانیش بیستویانە و نوسیویانەتەوە(١)، لە پاش وەفاتى پێغەمبەرمان قورئانى پیرۆز كۆكراوەتەوە لەو شێوەیەدا كە ئێستا لەبەر دەستماندایە و دەیخوێنینەوە..
 ئیمامى (ابْنُ قُدَامَة)ى (المَقْدِسِي) رحمه الله  دەفەرموێت: (القُرآنُ كَلام اللهِ، وَمِنْ كَلامِ اللهِ تَعَالى القُرآن العَظيم وَهوَ كِتاب اللهِ المُبين وَحَبْلِهِ المَتين، وَتَنزيل رب العالمين، نَزَلَ بِهِ الرُّوحُ الْأَمِينُ، عَلَى قَلْبِ سَيدِ المُرْسَلين، بِلِسَانٍ عَرَبِيّ مُبِينٍ، مُنَزَّلٌ غَيْرُ مَخْلُوقٍ مِنْهُ بَدَأَ وَإِلَيْهِ يَعُودُ)(٢).
 واتە: (قورئانى پیرۆز كەلام و وتەى خوایە و لە وتەى خواى گەورەیە قورئانى پیرۆز، وە كیتابى ڕوونكەرە و پەتى بەهێزى خواى گەورەیە و دابەزێنراوى پەروەردگارى جیهانیانە، (جیبریل)ى ئەمین و دەست پاك علیه السلام دایبەزاندوە، بۆ سەر دڵى گەورەى نێردراوانى خوا، بە زمانێكى عەرەبى ڕوونكەرەوە دابەزێنراوە و دروستكراو نیە، لە لاى خواى گەورەوە هاتووە و بۆلاى ئەویش دەگەڕێتەوە).
لەو پێناسەیەى ئەو ئیمامە بەڕێزەدا، ئەوەى مەبەستمانە ئەوەیە، كە دەفەرموێت: (قورئانى پیرۆز ووتەى خوایە و مەخلوق (درووستكراو) نیە).
بێگومان ئەمەش بیروباوەڕى تێكڕای زانایانى سەلەفى صالحى لەسەر دامەزراوە..
بەڵگەكان لەسەر ئەوەى كە قورئانى پیرۆز
ووتە(كەلام)(٣) ى خوایە و دروستكراو(مخلوق) نییە
ئەهلى سوننە و جەماعە هەر لەسەردەمى هاوەڵە بەڕێزەكانەوە هەتا ئێستا چەندین ئایەت و فەرمودە دەكەنە بەڵگە لەسەر ڕاستێتى ئەو بیروباوەڕە پاكە، لەوانە:
بەڵگەى یەكەم:
پەروەردگارمان دەفەرموێت:[ وَإِنْ أَحَدٌ مِنَ الْمُشْرِكِينَ اسْتَجَارَكَ فَأَجِرْهُ حَتَّى يَسْمَعَ كَلَامَ اللَّهِ] (٤). واتە: [ ئەگەر یەكێك لەو هاوبەش پەیداكەرانە داواى پەناى لێ كردیت پەناى بدە، تا بەباشى لە قسە و كەلامى خوا دەبیستێت و لێى تێ دەگات].
[كَلَامَ اللَّهِ] (٥): مەبەست پێى قورئاى پیرۆزە، خواى گەورەو میهرەبان بە (كەلام) ناوى بردووە، لەبەر ئەوە ئەم ئایەتە گەورەترین و ڕونترین بەڵگەیە لەسەر ئەوەى، كە قورئانى پیرۆز كەلامى خوایە.
پێشەوا و ئیمامى موفەسیرین (ابنُ جَرِيْر)ى (الطَبَرِي) رحمه الله  دەفەرموێت: (وَهُوَ الْقُرْآنُ الَّذِي أَنْزَلَهُ اللَّهُ عَلَيْهِ)(٦). واتە: [كَلَامَ اللَّهِ] ئەو قورئانە پیرۆزەیە كە خواى گەورە بۆ پێغەمبەرى ناردووەتە خوارەوە).
پێشەوا (ابنُ كَثِيْر) ) رحمه الله  دەفەرموێت: (أَيْ الْقُرْآنَ تَقْرَؤُهُ عَلَيْهِ وَتَذْكُرُ لَهُ شَيْئًا مِنْ أَمْرِ الدين تقيم به عليه حُجَّةَ اللَّهِ)(٧). واتە: ([كَلَامَ اللَّهِ] بە واتاى قورئانى پیرۆز دێت، كە بۆى دەخوێنیتەوە و باسێكى لە باسەكانى دین بۆ دەكەیت و بەهۆیەوە حوججە و پەیامى خواى پێدەگەیەنیت).
شێخ (عبدالرحمن السَّعدي) رحمه الله  دەفەرموێت: (في هذا حجة صريحة لمذهب أهل السنة والجماعة، القائلين بأن القرآن كلام الله غير مخلوق، لأنه تعالى هو المتكلم به، وأضافه إلى نفسه إضافة الصفة إلى موصوفها، وبطلان مذهب المعتزلة ومن أخذ بقولهم: أن القرآن مخلوق)(٨). واتە: (لەو ئایەتە پیرۆزەدا بەڵگەیەكى ڕوون و ئاشكرا هەیە بۆ مەزهەبى ئەهلى سوننە و جەماعە، ئەوانەى كە دەڵێن قورئان كەلامى خوایە و دروستكراو نیە، لەبەر ئەوەى خواى گەورە خۆى قسەى پێ كردوە و داویەتیە پاڵ خۆى وەك چۆن سیفەتێك دەدرێتە پاڵ وەسف كراوەكەى، وە بەتاڵكەرەوەى مەزهەبى موعتەزیلە و ئەو كەسانەشە، كە شوێن قسەكانیان دەكەون كە دەڵێن قورئان دروستكراوە).
بەڵگەى دووەم:
خواى گەورە دەفەرموێت: [قُلْ لَوْ كَانَ الْبَحْرُ مِدَادًا لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا] (٩). واتە: [ئەى محمد پێیان بڵێ ئەگەر بۆ نوسینى وشەكانى پەروەردگارم دەریا گشت مەرەكەب بێت، تا حیكمەت و نهێنیەكانى ئەویان پێ بنوسرێت، پێش كۆتایى هاتن بە وشەكانى پەروەردگارم دەریا هەمووى تەواو دەبێ و هەڵدەچۆڕێ، ئەگەرچى ئەوەندەى تریشیان فریابخەن بۆ كۆمەكیان هێشتا هەر كۆتاییان نایات].
پێشەواى موفەسیری قورئان (قتادة) رحمه الله  دەفەرموێت: (لَنَفِدَ مَاء البَحر قَبْل أَنْ يَنْفِدَ كَلامَ رَبى وَحكمه)(١٠). واتە: (ئاوى دەریا هەمووى ووشك دەبێت و تەواو دەبێت پێش تەواوبوونى كەلامى پەروەردگارم و حوكمى ئەو).
پێشەواى فەرمودە ئیمامى (بوخارى) رحمه الله  لە صەحیەحەكەیدا ئەو ئایەتەى سەرەوەى هێناوە و كردوویەتى بە سەرباسێك و فەرمویەتى: (بَابُ قَوْلِ اللَّهِ تَعَالَى:[ قُلْ لَوْ كَانَ الْبَحْرُ مِدَادًا لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا] (١١)
ئیمامى (ابنُ بطال) رحمه الله  لەشەرحەكەیدا دەفەرموێت: (وَمَعْنى هَذا البَاب إِثْباتَ الكَلام للهِ صِفة لِذاتِهِ)(١٢). واتە: (مانا و مەبەستى ئەم سەرباسەى كە ئیمامى بوخارى دایناوە، بریتیە لە: جێگیركردنى سیفەتى (كەلام) بۆ خواى گەورە وەك سیفەتێك بۆ زاتى خواى پەروەردگار).
شێخ (ربيع بن هادى المدخلي) خوا بیپارێزێت دەفەرموێت: (وَمِنْ هَذا الكَلام: كَلام الله القُرآن وَكُتُبه المُنَزلة)(١٣). واتە: (لە كەلام و ووتەى خوای گەورەیە: قورئانى پیرۆز و كتێبە دابەزێنراوەكانى تر).

بەڵگەى سێیەم:
پەروەردگار دەفەرموێت:[ أَلَا لَهُ الْخَلْقُ وَالْأَمْرُ تَبَارَكَ اللَّهُ رَبُّ الْعَالَمِينَ] (١٤) . واتە: [ئاگادار بن و بزانن، كە هەرچى دروست كردن و بڕیاردانە هەر بۆئەوە، زۆر بە بەرەكەت و گەورەیە خوایەك، كە پەروەردگارى جیهانیانە].
لەم ئایەتە پیرۆزەدا خواى گەورە و میهرەبان فەرمانكردنى (الأمر) جیاكردوەتەوە لە درووستكردن، كەواتە بەڵگەیە لەسەر ئەوەى قورئانى پیرۆز كە ئەمرى خواى گەورەى تێدایە درووستكراو نیە، هەروەك خواى گەورە لە ئایەتەكەدا جیاى كردەوە لە درووستكراو.
هەر بۆیە شیخى ئیسلام (سفيان)ى كوڕى (عيينة)(١٥) رحمه الله  كە ساڵى(198)ى كۆچى وەفاتى كردووە، لە تەفسیری: [ أَلَا لَهُ الْخَلْقُ وَالْأَمْرُ]  دا دەفەرموێت: (الأمر الْقُرْآن، فَفَصَلَ بَين الْمَخْلُوق والأمر وَلَو كَانَ الأمر مخلوقا لم يكن لتفصيله معنى)(١٦).
 واتە: ((الأمر) مەبەست پێى  قورئانى پیرۆزە، وە خواى گەورە (الْمَخْلُوق)ى جیاكردوەتەوە لە (الأمر)، خۆ ئەگەر (الأمر) دروستكراو بوایە، ئەوا ئەو جیاكردنەوەیە هیچ واتایەكى نەدەبوو)
(سعيد)ى كوڕى (نصير) رحمه الله  فەرمویەتى: گوێم لە (ابن عيينة) بوو رحمه الله  ، دەیفەرمو: (فالخلق خلق الله والأمر القرآن)(١٧). واتە: ((الخلق) دروستكراوى خواى گەورەیە، (الأمر)یش قورئانى پیرۆزە).
(القرطبى) رحمه الله  دەفەرموێت: (فَـ[الْخَلْقُ]: الْمَخْلُوقُ، [وَالْأَمْرُ]: كَلامُهُ الَّذِي هُوَ غَيْرُ مَخْلُوقٍ وَهُوَ قَوْلُهُ: كُنْ.[ إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ] (١٨) وَفِي تَفْرِقَتِهِ بَيْنَ الْخَلْقِ وَالأمْرِ دَلِيلٌ بَيِّنٌ عَلَى فَسَادِ قَوْلِ مَنْ قَالَ بِخَلْقِ الْقُرْآنِ، إِذْ لَوْ كَانَ كَلامُهُ الَّذِي هُوَ أَمْرٌ مَخْلُوقًا لَكَانَ قَدْ قَالَ: أَلا لَهُ الْخَلْقُ وَالْخَلْقُ. وَذَلِكَ عِيٌّ مِنَ الْكَلامِ وَمُسْتَهْجَنٌ وَمُسْتَغَثٌّ)(١٩) .  واتە: ([دروست كردن]: لە ئایەتەكەدا دروستكراوەكانى خوایە و[فەرمان]: كەلام و ووتەى خوایە، كە دروستكراو نیە، وە فەرمانەكەش ئەو وتەیەى خوایە، كە دەفەرموێت [ببە] لە ئایەتى [بەڕاستى هەركاتێ ویستى شتێك بەدی بهێنێت، هەر ئەوەیە كە پێی بفەرموێت (ببە) ئەویش دەست بەجێ و بێ دواكەوتن دەبێت و دێتە جێ]،
وە كاتێك كە خواى گەورە جیاكارى دەكات لە نێوان دروست كردن و فەرمانكردن ئەمە بەڵگەیەكى ڕونە لەسەر پوچەڵى قسەى ئەوانەى، كە دەڵێن قورئانى پیرۆز دروست كراوە، چونكە ئەگەر ووتەى خواى گەورە، كە فەرمانى خواى گەورەیە دروستكراو بوایە ئەو كات خواى گەورە دەیفەرمو: ئاگاداربن دروست كردن و دروست كردن هەر بۆ خواى گەورەیە، كە ئەوەش بێ دەسەڵاتى و نەنگیە لە قسەكردندا).
بەڵگەى چوارەم:
خواى گەورە و میهرەبان دەفەرموێت: [قُرْآنًا عَرَبِيًّا غَيْرَ ذِي عِوَجٍ لَعَلَّهُمْ يَتَّقُونَ](٢٠). واتە: [ قورئانێكە و بەزمانى عەرەبیە و دوور لە هەر نا ڕێكى و ناتەواویەكە، بەڵكو تەقواى خوا بكەن].
ئیمامى (عبدالله)ى كوڕى (عبّاس) رضی الله عنه لە تەفسیرى [غَيْرَ ذِي عِوَجٍ]دا دەفەرموێت: (أي: غَيْرُ مَخْلُوقٍ لأن العوج صفة نقص، والنقص يليق بالمخلوق ولا يليق بالخالق)(٢١). واتە: (واتاى ئەوە دەگەیەنێت ئەو قورئانە پیرۆزە مەخلوق نیە، چونكە (عِوَج) سیفەتێكى نەقصە، وە نەقصیش شایستەى دروستكراوەكانە و سیفەتى خواى گەورە نییە).
ئیمامى (الْسُّدِّي) رحمه الله  بەهەمان شێوە لە تەفسیرى [غَيْرَ ذِي عِوَجٍ]دا دەفەرموێت: (غَيْرُ مَخْلُوقٍ)(٢٢). واتە: (واتاى ئەوە دەگەیەنێت ئەو قورئانە پیرۆزە درووستكراو نیە).
بەڵگەى پێنجەم:
هاوەڵى بەڕێز (جابر)ى كوڕى (عبدالله) رضی الله عنه فەرمویەتى: (كَانَ رَسُولُ اللَّهِ يَعْرِضُ نَفْسَهُ عَلَى النَّاسِ بِالْمَوْقِف وَيَقُولُ: أَلا رَجُلٌ يَحْمِلُنِي إِلَى قَوْمِهِ، فَإِنَّ قُرَيْشًا مَنَعُونِي أَنْ أُبَلِّغَ كَلامَ رَبِّي))(٢٣). واتە: (پێغەمبەرى خوا نەفسی خۆى لە شوێنێكدا بۆ خەڵى دەردەخست و دەیفەرمو: ئایا پیاوێك نییە بمباتەوە بۆماڵەوەى، چونكە قوڕەیشیەكان ڕێگەیان لێگرتووم كە ووتەى پەروەردگارم بگەیەنم)(٢٤)
العلامة (نورالدين السندى) رحمه الله  لە شەرحى ئەو فەرمودەیەدا دەفەرموێت: (فَفِي إِضَافَةِ الْكَلَامِ إِلَى اللَّهِ تَعَالَى دَلِيلٌ عَلَى أَنَّهُ مُتَكَلِّمٌ وَأَنَّ الْقُرْآنَ كَلَامُهُ تَعَالَى)(٢٥). واتە: (لە دانەپاڵى قسەكردن بۆ خواى گەورە بەڵگەیە لەسەر ئەوەى، كە خواى گەورە قسەكەرە، وە قورئانیش وتەى خواى گەورەیە).
شێخ (ربيع بن هادى عمير المدخلي) خوا بیپارێزێ دەفەرموێت: (قال: كَلامَ رَبِّى، ولم يقل: مخلوق ربى، فهذا من أدلة أهل السنة على أن القران كَلام الله وَلَيسَ بِمَخْلوق)(٢٦). واتە: (پێغەمبەر   فەرموى كەلامى پەروەردگارم، نەیفەرمو مەخلوقى پەروەردگارم، ئەمەش لە بەڵگەكانى ئەهلى سوننە و جەماعەیە لەسەر ئەوەى، كە قورئانى پیرۆز كەلامى خوای گەورەیە و مەخلوق نیە).
بەڵگەى شەشەم:
(خەولە)ى كچى (حەكیم) ڕەزاى خواى لێ بێت فەرمویەتى: گوێم لە پێغەمبەرى خوا بوو دەیفەرمو: (مَنْ نَزَلَ مَنْزِلاً ثُمَّ قَالَ (أَعُوذُ بِكَلِمَاتِ اللَّهِ التَّامَّاتِ مِنْ شَرِّ مَا خَلَقَ)(٢٧) لَمْ يَضُرَّهُ شَيْءٌ حَتَّى يَرْتَحِلَ مِنْ مَنْزِلِهِ ذَلِكَ)(٢٨).
واتە: (هەر كەسێك بڕوا بۆ شوێنێك و پاشان بڵێت: (پەنا دەگرم بە وشە (كەلام)و ناوە تەواو و جوانەكانى خودا لە خراپە و زیانى دروستكراوەكانى)، ئەوە هیچ شتێك زیانى پێ ناگەیەنێت، تاوەكو لەشوێنەكەى نامێنێت و دەڕوات).
ئەم فەرمودەیەش زیاتر ئەوەمان پیشان دەدات، كە كەلامى خواى گەورە دروستكراو نییە، چونكە ئەگەر دروستكراو بوایە ئەوا شەرعی نەدەبوو موسوڵمان پەناى پێ بگرێت.
هەر وەك ئیمامى (نُعَيْم)ى كوڕى (حماد) رحمه الله  فەرمویەتى: (لا يُسْتعَاذُ بِالْمَخْلُوقِ، وَلا بِكَلامِ الْعِبَادِ وَالْجِنِّ وَالإنْسِ، وَالْمَلائِكَةِ)(٢٩) . واتە: (دروست نیە پەنا بگیرێت بە دروستكراو و وشەى (كەلام)ى بەندەكان و جنۆكە و مرۆڤ  و فریشتەكان) .
ئیمامى (بوخارى) رحمه الله  پاش ئەوەى وتەكەى ئیمامى (نُعَيْم) رحمه الله  دەهێنێت، دەفەرموێت: (هَذَا دَلِيلٌ أَنَّ كَلامَ اللَّهِ غَيْرُ مَخْلُوقٍ)(٣٠) . واتە: (ئەمە بەڵگەیە لەسەر ئەوەى، كە كەلامى خواى گەورە دروستكراو نیە).
جگە لەو ئایەت و فەرمودانەى باس كران چەندین بەڵگەى ترى ڕۆشن هەیە لەسەر بیروباەوڕى ئەوەى، كە قورئانى پیرۆز مەخلوق نیە، بەڵكو كەلامى خوایە، كەلامى خواش سیفەتى خوایە، بەڵام لەبەر ئەوەى زیاتر درێژەى پێ نەدەین ئەوەندە كافیە ان شاءالله.
ئەم بیروباوەڕەش هەمان بیروباوەڕى (صەحابەكانى پێغەمبەرى خوایە  )(٣١)، وە  هەموو هاوەڵە بەڕێزەكان ئیجماعیان لەسەر ئەوەیە كە قورئانى پیرۆز كەلامى خوایە، و مەخلوق نیە(٣٢)، هەروەها ئیجماعى (تابیعین)(٣٣) ی لەسەرە، و  (تابیعی تابیعین)(٣٤) یش بیروباوەڕیان هەر لەسەر ئەوە دامەزراوە.
هەر وەك شێخى ئیسلام (ابن تيمية) رحمه الله  باسى بیروباوەڕى هاوەڵە بەڕێزەكان و تابیعن و هەر چوار ئیمامەكەمان بۆ دەكات و دەفەرموێت: (الآثَارُ مُتَوَاتِرَةٌ عَنْهُمْ بِأَنَّهُمْ كَانُوا يَقُولُونَ الْقُرْآنُ كَلامُ اللَّهِ)(٣٥). واتە: (بەڵكو بە (تەواتور)(٣٦) لێیانەوە هاتوە كە دەیانفەرمو: قورئانى پیرۆز كەلامى خوایە).
بەهەمان شێوە كۆدەنگ (ئیجماع)ى زانایانى ئەهلى سوننە و جەماعەى لەسەرە، هەر لە كۆنەوە هەتا ئێستا، وەك شێخى ئیسلام (ابن تيمية) رحمه الله  بۆمان نقڵ دەكات و دەفەرموێت: (إِنَّ الْأَئِمَّةَ وَالسَّلَفَ اتَّفَقُوا عَلَى أَنَّ الْقُرْآنَ كَلامُ اللَّهِ غَيْرُ مَخْلُوقٍ)(٣٧). واتە: (پێشەواكان و زانایانى سەلەف هەموویان كۆدەنگن لەسەر ئەوەى، كە قورئانى پیرۆز كەلامى خوایە و مەخلوق نیە).

بیروباوەڕى هەر چوار ئیمامەكە لەم بارەیەوە
     هەر چوار ئیمامە بەڕێزەكە: (ئیمامى ئەبو حەنیفە، ئیمامى مالیك، ئیمامى شافعى، ئیمامى ئەحمەد) ڕەحمەتى خوا لەهەموویان بێت هەمان ئەو بیروباوەڕەیان هەیە، كە لە قورئان و سوننەتەوە وەرگیراوە، لەوەدا كە دەفەرمون قورئانى پیرۆز كەلامى خوایە و مەخلوق نیە، ئەمانەش هەندێك لە وتە و هەڵوێستیانە لەو بارەیەوە:
1_ ئیمامى (ئەبو حەنیفە) رحمه الله :
ئیمامى (ئەبو حەنیفە) رحمه الله  دەفەرموێت: (ونقر بأن القرآن كلام الله تعالى غير مخلوق)(٣٨). واتە: (ئێمە ئیقرار دەكەین بەوەى، كە قورئانى پیرۆز كەلامى خوایە و مەخلوق نیە).
لە وتەیەكى تریدا دەفەرموێت: (وَالْقُرْآن غير مَخْلُوق)(٣٩). واتە: (قورئانى پیرۆز مەخلوق نیە).
2_ ئیمامى (مالیك)ى كوڕى (ئەنەس) رحمه الله  :
     (عبدالله) ى كوڕى (نافيع) رحمه الله  كە هاوڕێى ئیمامى مالیك بوو رحمه الله  فەرمویەتى: گوێم لە ئیمام (مالیك)ى كوڕى (ئەنەس) بوو رحمه الله ، دەیفەرمو: (من قال: القرآنُ مخلوقٌ، يوجَع ضَرْباً، ويُحْبَس حتى يموتَ)(٤٠). واتە: (هەركەسێ بڵێت: قورئانى پیرۆز مەخلوقە، ئەوە لێى دەدرێت و سجن دەكرێت تا ئەمرێت).
هەروەها دەفەرموێت: (مَن قالَ: القرآنُ مخلوقٌ يُسْتَتابُ، فإنْ تابَ وإلاَّ ضُرِبَتْ عُنُقُه)(٤١). واتە: (هەركەسێك بڵێت قورئانى پیرۆز مەخلوقە، داواى تەوبە و پەشیمانیی لێ دەكرێت، ئەگەر تەوبەی كرد باشە، ئەگەر تەوبەى نەكرد ئەوا لە ملى دەدرێت).
3_ ئیمامى (شافیعى) رحمه الله :
پرسیاریان لە ئیمامى (شافیعى) رحمه الله  كرد دەربارەى قورئانى پیرۆز، ئەویش لە وەڵامدا فەرموى: (أُف أُف القُرْآنُ كَلاَمُ اللهِ مَنْ قَالَ: مَخْلُوْقٌ فَقَدْ كَفَرَ)(٤٢). واتە: (ئۆف ئۆف، قورئان كەلامى خوایە، هەر كەسێك بڵێت قورئانى پیرۆز مەخلوقە ئەوە بەڕاستى بێباوەڕ بووە).
4_ئیمامى (ئەحمەدى كوڕى حنبل) رحمه الله :
بەسەرهات و میحنەتى ئیمامى ئەهلى سوننە (ئیمامى ئەحمەد) رحمه الله  لاى موسوڵمانان ڕوون و ئاشكرایە، كە لەسەر ئەو بیروباوەڕە ڕاستە چەندین ئازار و ئەشكەنجە دراوە و سجنیان كرد لەسەردەمى خەلیفە (مەئمون)دا.
 لەو كاتەدا، كە سجن كرابوو داوایان لێ دەكرد و پێیان دەوت: ئەى ئیمام تەنها ئەوەندە بڵێ: (قورئانى پیرۆز مەخلوق)ە ئیتر لە سجن دەرت ئەهێنین و ڕزگارت ئەكەین، بەڵام ئیمام ئەحمەد سور بوو لەسەر ئەو بیروباوەڕەى كە لە قورئان و سونەتەوە وەرى گرتبوو، بۆیە داواكاریەكانیانى ڕەد دەكردەوە و هەر لەسەر ئەو بیروباوەڕە ژیا و لەسەر ئەوەش وەفاتى كرد.
بۆیە لە یەكێك لە ووتەكانیدا دەفەرموێت: (القرآن كلام الله ليس بمخلوق)(٤٣). واتە: (قورئانى پیرۆز كەلامى خوایە و مەخلوق نیە).
هەروەها فەرمویەتى: (فمن زعم أن القرآن مخلوق فهو كافر)(٤٤). واتە: (هەر كەسێك پێی وابێت قورئانى پیرۆز مەخلوقە، ئەوە بێباوەڕە).
هەروەها پیاوێك پرسیارى كرد لە (ئیمامى ئەحمەد) رحمه الله : (ئایا لەدواى كەسێكەوە نوێژ بكەم كە عارەق بخواتەوە؟ فەرموى: نەخێر.
پاشان لێى پرسی: (لەدواى كەسێكەوە نوێژ بكەم كە بڵێت: قورئان مەخلوقە)؟
ئیمامى ئەحمەد رحمه الله  لەوەڵامدا فەرموى: (أنهاك عن مسلم، تسألني عن كافر)(٤٥) ؟ واتە: (من ڕێگریم لێ كردى لەدواى موسوڵمانێكەوە نوێژ بكەیت، كە عارەق بخواتەوە ئێستا تۆ پرسیارى كافرم لێ دەكەیت)؟ (مەبەستى ئیمام ئەحمەد ئەوەیە، كە كەسێك بڵێت قورئانى پیرۆز مەخلوقە، ئەوە بێباوەڕە).
بۆ ئەم وەڵامە سود وەرگیراوە لە کتێبی : (نیعمەتی ڕەحمان لـە ڕونكردنەوەی بابەتە فیقهی ‌و عەقیدەییەكانی پەیوەست بە قورئـان) لە نوسین و ئامادەکردنى : د. هردی صدیق


(١) مجموع الفتاوى: (5/52-558) ،(17/86)، ، شرح العقيدة الطحاوية  لإبن أبى عز الحنفى: (1/172) جامع الشروح والتعليقات العلمية على العقيدة الطحاوية: (1/385) دار بداية.
(٢) لمعة الإعتقاد الهادى إلى سبيل الرشاد: ص: (18)، الناشر: وزارة الشؤون الإسلامية والأوقاف والدعوة والإرشاد- المملكة العربية السعودية
(٣) قال الشيخ الإسلام: (وهكذا لفظ الكلمة والكلام يراد بهما الكلام الذي تكلم به وذلك صفة من صفاته قائمة بذاته ليس بمخلوق منفصل عن ذاته ولا بائن عنه فإن صفة الموصوف لا يجوز أن تفارق ذاته وتنتقل عنه وإن كان مخلوقًا فكيف في الخالق سبحانه وتعالى والكلام يتكلم به المتكلم فيقال: خرج منه الكلام، وبدأ منه الكلام، وهو لم يفارق ذاته وينتقل منه إلى غيره. قال تعالى:[كَبُرَتْ كَلِمَةً تَخْرُجُ مِنْ أَفْوَاهِهِمْ إِن يَقُولُونَ إِلاَّ كَذِباً]. تحقيق القول في مسألة: عيسى كلمة الله والقرآن كلام الله لشيخ الإسلام  إبن تيمية: (1/31)
(٤) سورة: (التوبة) الآية: (6)
(٥) (ﯮ): (صفة من صفاته، أضافه إلى نفسه إضافة الصفة إلى موصوفها، وصفاته غير مخلوقه فكلامه غير مخلوق)
(٦) تفسير الطبري = جامع البيان عن تأويل آي القرآن: (11/346) دار هجر.
(٧) تفسير القرآن العظيم (تفسير ابن كثير): (4/100) دار الكتب العلمية.
(٨) تيسير الكريم الرحمن في تفسير كلام المنان: (1/329) الناشر: مؤسسة الرسالة
(٩) سورة: (الكهف) الآية: (109)
(١٠) شرح صحيح البخارى لإبن بطال: )10/489)  مكتبة الرشد - السعودية، الرياض
(١١) سورة: (الكهف) الآية: (109)
(١٢) شرح صحيح البخارى لابن بطال: (10/489) مكتبة الرشد.
(١٣) شرح عقيدة السلف وأصحاب الحديث للعلامة الشيخ ربيع بن هادى عمير المدخلي ص: (51)
(١٤) سورة: (الأعراف) الآية: (54).
(١٥) هو: (ابن أبي عمران ميمون مولى محمد بن مزاحم)، أخي (الضحاك ابن مزاحم)، الامام الكبير حافظ العصر، شيخ الاسلام، أبو محمد الهلالي الكوفي، ثم المكي، مولده: بالكوفة، في سنة سبع ومئة. وطلب الحديث، وهو حدث، بل غلام، ولقي الكبار، وحمل عنهم علما جما، وأتقن، وجود وجمع وصنف، وعمر دهرا، وازدحم الخلق عليه، وانتهى إليه علو الاسناد، ورحل إليه من البلاد، وألحق الاحفاد بالاجداد) سير أعلام النبلاء: (8/454-455) .
(١٦) توضيح المقاصد وتصحيح القواعد في شرح قصيدة الإمام ابن القيم: (1/316) الناشر: المكتب الإسلامي- بيروت.
(١٧) أصول الاعتقاد: (2/244/358) والشريعة: (1/222/184) والفتح: (13/532 - 533).
(١٨) سورة: (يس) الآية: (82)
(١٩) الجامع لأحكام القرآن = تفسير القرطبي: (7/222) دار الكتب المصرية - القاهرة
(٢٠) سورة: (الزمر) الآية: (28)
(٢١) شرح أصول اعتقاد أهل السنة للالكائي: (161/2)
(٢٢) معالم التنزيل في تفسير القرآن = تفسير البغوي: (4/87) دار إحياء التراث العربي - بيروت
(٢٣) أخرجه البخاري في (أفعال العباد) ص: (77 - هند) وأبوداود: (4734) والترمذي: (2/152) والدارمي: (ص 428 - هند). وابن ماجة: (201) وابن منده في (التوحيد): (113/2) وابن عبد الهادي في (هداية الإنسان): (2/239/1) عن إسرائيل حدثنا عثمان بن المغيرة عن سالم بن أبي الجعد عن جابر قال: فذكره مرفوعا، سلسلة الأحاديث الصحيحة وشيء من فقهها وفوائدها رقم: (1947)
(٢٤) قال البخارى: قال أبو عبد الله: (فَبَيَّنَ النَّبِيُّ أَنَّ الْإِبلَاغَ مِنْهُ، وَأَنَّ كَلَامَ اللَّهِ مِنْ رَبِّهِ، وَلَمْ يُذْكَرْ عَنْ أَحَدٍ مِنَ الْمُهَاجِرِينَ وَالْأَنْصَارِ، وَالتَّابِعِينَ لَهُمْ بإِحْسَانٍ خِلَافُ مَا وَصَفْنَا، وَهُمُ الَّذِينَ أَدَّوُا الْكِتَابَ وَالسُّنَّةَ بَعْدَ النَّبِيِّ قَرْنًا بَعْدَ قَرْنٍ) خلق أفعال العباد: (1/60) دار المعارف السعودية - الرياض.
(٢٥) حاشية السندي على سنن ابن ماجه -كفاية الحاجة في شرح سنن ابن ماجه: (1/89) دار الجيل - بيروت
(٢٦) شرح عقيدة السلف وأصحاب الحديث للعلامة الشيخ ربيع بن هادى عمير المدخلي ص: (53)، دار الإمام أحمد.
(٢٧) خوێندنى ئەم زیكرە تایبەت نییە تەنها بە چوون بۆ دەشت و دەر، بەڵكو چوونە ناو سەیارە و تەیارە و كەشتى و چوونە ناو ماڵى خەڵكانى تریش دەگرێتەوە، وەك ئەوەى كەسێك بەمیوانى بچێ بۆ ماڵى برایەكى موسوڵمانى یان دۆستان و خزمانى، خواش زاناترە.
(٢٨) رواه مسلم: (2708).
(٢٩) (خلق أفعال العباد) ص: (96).
(٣٠) (خلق أفعال العباد) ص: (96).
(٣١) عن عمرو بن دينار قال: (أدركت تسعة من أصحاب رسول الله يقولون: من قال: القرآن مخلوق فهو كافر) شرح أصول اعتقاد أهل السنة للالكائي: (1/167) رُوِيَ عَن عمر بن الْخطاب أَنه قَالَ: (إِن هَذَا الْقُرْآن كَلَام الله فضعوه على موَاضعه) رسالة في أن القرآن غير مخلوق ويليه رسالة الإمام أحمد إلى الخليفة المتوكل في مسألة القرآن: (1/54).
(٣٢) شرح أصول اعتقاد أهل السنة للالكائي: (1/167)
(٣٣) شرح أصول اعتقاد أهل السنة للالكائي: (1/171)
(٣٤) شرح أصول اعتقاد أهل السنة للالكائي: (1/179)
(٣٥) مجموع الفتاوى: (12/301) الناشر: مجمع الملك فهد لطباعة المصحف الشريف، المدينة النبوية، المملكة العربية السعودية
(٣٦) قال (ابن حجر) في تعريف المتواتر: (فإِذا جَمَع هذهِ الشروطَ الأربعةَ، وهي: 1_ عددٌ كثير أحالت العادة تواطؤَهم، أو توافُقَهم، على الكذب. 2_ رووا ذلك عن مِثْلِهِم من الابتداءِ إلى الانتهاءِ. 3_ وكان مُسْتَنَدُ انْتِهائِهم الحِسَّ. 4_ وانْضافَ إلى ذلك أَنْ يَصْحبَ خبرَهم إفادةُ العلمِ لِسامِعِهِ. فهذا هو المتواتِرُ). نزهة النظر في توضيح نخبة الفكر في مصطلح أهل الأثر ص: (39) الناشر: مطبعة سفير بالرياض .
وقال شيخنا أبي عبدالحق عبداللطيف الكردي في تعريف (المتواتر): (وهو ما رواه عدد كثير بلا حصر، تحيل العادة تواطؤهم على الكذب) التَّرتيباتُ البتوينيّة للمنظومةِ البيقونيَّة  وشرحها (التَّعليقات الأثريّة) ص: (21) .
(٣٧) منهاج السنة النبوية في نقض كلام الشيعة القدرية: (5/416) الناشر: جامعة الإمام محمد بن سعود الإسلامية
(٣٨) الجواهر المنفية في شرح وصية الإمام ص: (10)
(٣٩) الفقه الأكبر (مطبوع مع الشرح الميسر على الفقهين الأبسط والأكبر المنسوبين لأبي حنيفة تأليف محمد بن عبد الرحمن الخميس): (1/20) مكتبة الفرقان - الإمارات العربية
(٤٠) رواه عبدالله فى (السنة) رقم: (11)، والأجورى فى (الشريعة) ص: (79) بسند جيد
(٤١) رواه ابن أبي حاتم_كما في (السنَّة) لابن الطبري رقم (495)، انضر كتاب: (العقيدة السلفية فى كلام رب البرية وكشف أباطيل المبتدعة الردية): (1/325) دار الإمام مالك،  دار الصميعي للنشر والتوزيع.
(٤٢) سير أعلام النبلاء للذهبي: (8/241). وقال الذهبى: (إِسْنَادٌ صَحِيْحٌ) دار الحديث- القاهرة
(٤٣) أصول السنة لامام أحمد: (1/22)
(٤٤) رواه ابنه صالح في (المحنة) ص:(52، 66– 67)
(٤٥) طبقات الحنابلة: (2/378)

سەردان: ٢,١٦٥ بەش: قورئانی پیرۆز