بەشەکان
ئامار
پرسیارەکان: ١٧٦٥ کۆی سەردان: ٩٢١٦٩٨
پرسیار لەوێنەدا
ئایا جگە لە پێغەمبەر موحەمەد صلى الله عليه وسلم دروستە سەڵاوات بدرێت لەسەر پێغەمبەران و ئیماندارانیش؟
وەڵامی پرسیارەکە بە پوختی

گەر بکرێتە شیعار بۆ کەسێکی دیاری کرا و بەشێوەیەک هەر کاتێک ناوی برا سەڵاواتی لەسەر بدرێت ، ئەوا دروست نی یە بۆ غەیری پێغەمبەران ، بۆ نموونە هەر کاتێ ناوی (ئەبو بكر) برا بڵێین صلى الله عليه یاخود هەرکاتێ ناوی (عمر) برا یاخود هەرکاتێ ناوی (عثمان) برا ، یاخود هەرکاتێ ناوی (علي) برا ، بڵێین صلى الله عليه .

زاناى پایەبەرز محمد بن صالح العثیمین رحمه الله دەفەرموێ  : بەڵێ ، دروستە سەڵاوات بدرێت لەسەر پێغەمبەرانی تر عليهم الصلاة والسلام ، بەڵکو دروستە سەڵاوات بدرێت لەسەر باوەڕدارانیش گەر لەگەڵ پێغەمبەراندا سەڵاواتیان لەسەر بدرێت ، بەنەص و کۆدەنگی زانایان ، هەروەک کاتێ پرسیار لەپێغەمبەر صلى الله عليه وسلم کرا و گوتیان چۆن سەڵاواتت لەسەر بدەین ؟
فەرمووی : بڵێن : ( اللهم صلِّ على محمد وعلى آل محمدٍ كما صليت على إبراهيم وعلى آل إبراهيم إنك حميد مجيد")
وە بێگومان (آل النبي) صلى الله عليه وسلم بەشێکن لەشوێن کەوتوانی شەریعەتەکەی لەکەس کاری و غەیری ئەوانیش وە ئەم بۆچوونەش ڕاجح و تەواوە هەرچەندە یەکەم باوەڕداران لە کەس و کاری پێغەمبەرصلى الله عليه وسلم دەگرێتەوە ، بەڵام سەڵاوات (بەتەنها ، واتە : بۆنموونە بڵێیت : اللهم صلِّ على فلان) لەسەر غەیری پێغەمبەران خیلافی لەسەرە ، ئایا دروستە یاخود نا ؟
جا بۆچوونی ڕاجح و ڕاست ئەوەیە دروستە ، وەخوای پەروەردگار بەپێغەمبەری صلى الله عليه وسلم فەرمووە : {خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِم بِهَا وَصَلِّ عَلَيْهِمْ} ﴿التوبة: ١٠٣﴾ .
واتە : ئەی پێغەمبەر صلى الله عليه وسلم زەکاتی ماڵەکانیان لێ وەر بگرە و بەوە پاکیان بکەرەوە و سەڵاواتیان لەسەر بدە .

وەپێغەمبەرصلى الله عليه وسلم سەڵاواتی دەدا لەسەر ئەو کەسانەی زەکاتی ماڵەکەی دەهێنا ، هەروەک جارێکیان (ئیبن و ئەبو ئەوفا) زەکاتی بۆ هێنا پێغەمبەر صلى الله عليه وسلم فەرمووی : "(اللهم صلى على آل أبي أوفي") .
بەڵام گەر بکرێتە شیعار بۆ کەسێکی دیاری کرا و بەشێوەیەک هەر کاتێک ناوی برا سەڵاواتی لەسەر بدرێت ، ئەوا دروست نی یە بۆ غەیری پێغەمبەران ، بۆ نموونە هەر کاتێ ناوی (ئەبو بكر) برا بڵێین صلى الله عليه یاخود هەرکاتێ ناوی (عمر) برا یاخود هەرکاتێ ناوی (عثمان) برا ، یاخود هەرکاتێ ناوی (علي) برا ، بڵێین صلى الله عليه .
"فتاوى نور على الدرب".



سەردان: ٢٧٣ بەش: پێغەمبەری خودا

ئەگەر لە کاتی نوێژ کردندا پژمیم ، ئایا دروستە (الحمد لله) بکەم یاخود نا ؟ئایا جگە لە (الله أکبر) ى نوێژ دابەستن (الله أکبر) ە کانى ترى ناو نوێژ واجبن یان سوننەت؟