زاناى پایەبەرز محمد بن صالح العثیمین رحمه الله دەفەرموێ  : بەڵێ ، دروستە سەڵاوات بدرێت لەسەر پێغەمبەرانی تر عليهم الصلاة والسلام ، بەڵکو دروستە سەڵاوات بدرێت لەسەر باوەڕدارانیش گەر لەگەڵ پێغەمبەراندا سەڵاواتیان لەسەر بدرێت ، بەنەص و کۆدەنگی زانایان ، هەروەک کاتێ پرسیار لەپێغەمبەر ﷺ کرا و گوتیان چۆن سەڵاواتت لەسەر بدەین ؟
فەرمووی : بڵێن : ( اللهم صلِّ على محمد وعلى آل محمدٍ كما صليت على إبراهيم وعلى آل إبراهيم إنك حميد مجيد")
وە بێگومان (آل النبي) ﷺ بەشێکن لەشوێن کەوتوانی شەریعەتەکەی لەکەس کاری و غەیری ئەوانیش وە ئەم بۆچوونەش ڕاجح و تەواوە هەرچەندە یەکەم باوەڕداران لە کەس و کاری پێغەمبەرﷺ دەگرێتەوە ، بەڵام سەڵاوات (بەتەنها ، واتە : بۆنموونە بڵێیت : اللهم صلِّ على فلان) لەسەر غەیری پێغەمبەران خیلافی لەسەرە ، ئایا دروستە یاخود نا ؟
جا بۆچوونی ڕاجح و ڕاست ئەوەیە دروستە ، وەخوای پەروەردگار بەپێغەمبەری ﷺ فەرمووە : {خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِم بِهَا وَصَلِّ عَلَيْهِمْ} ﴿التوبة: ١٠٣﴾ .
واتە : ئەی پێغەمبەر ﷺ زەکاتی ماڵەکانیان لێ وەر بگرە و بەوە پاکیان بکەرەوە و سەڵاواتیان لەسەر بدە .

وەپێغەمبەرﷺ سەڵاواتی دەدا لەسەر ئەو کەسانەی زەکاتی ماڵەکەی دەهێنا ، هەروەک جارێکیان (ئیبن و ئەبو ئەوفا) زەکاتی بۆ هێنا پێغەمبەر ﷺ فەرمووی : "(اللهم صلى على آل أبي أوفي") .
بەڵام گەر بکرێتە شیعار بۆ کەسێکی دیاری کرا و بەشێوەیەک هەر کاتێک ناوی برا سەڵاواتی لەسەر بدرێت ، ئەوا دروست نی یە بۆ غەیری پێغەمبەران ، بۆ نموونە هەر کاتێ ناوی (ئەبو بكر) برا بڵێین صلى الله عليه یاخود هەرکاتێ ناوی (عمر) برا یاخود هەرکاتێ ناوی (عثمان) برا ، یاخود هەرکاتێ ناوی (علي) برا ، بڵێین صلى الله عليه .
"فتاوى نور على الدرب".