ڕیش دانان واجبە یان سوننەت؟: ماڵپەڕی وەڵامەکان
ڕیش دانان واجبە یان سوننەت؟
پرسیار:

هه‌ندێك له‌ مامۆستایانى ئاینى ڕیشیان نییه‌ وه‌ ده‌ڵێن سونه‌ته‌ ، وه‌ گه‌نجانیش چاویان لێ ده‌كه‌ن جا پرسیارەکە ئەوەیە ئایا ڕیش سوننەتە یان واجبە؟

 

ئه‌و مامۆستایانه‌ی كه‌وا ده‌ڵین ڕیش سونه‌ته‌ ئه‌وا چاك ده‌زانن كه‌وا له‌ مه‌زهه‌بی ئیمامی شافعی و مه‌زهه‌به‌كانی تر ڕیش تاشین حه‌ڕامه‌ ، كتێبێك هه‌یه‌ به‌ناوی (تحریم الحلق اللحیة عند المذاهب الأربعة) قه‌ولی هه‌ر چوار مه‌زهه‌بی هێناوه‌ته‌وه‌ له‌ سه‌ر حه‌ڕامی تاشینی وه‌ به‌ڵگه‌شمان حه‌دیسی پێغه‌مبه‌ره‌ صلى الله عليه وسلم كه‌ فه‌رمان ده‌كات (أحفوا اللحی) فه‌رمان ده‌كات كه‌ریش به‌رده‌نه‌وه‌.
جا فه‌رمان و ئەمر بۆ چییه‌؟
پرسیار له‌و مامۆستایانه‌ بكه‌ن ( الأمر للوجوب) ئه‌مر بۆ واجب بونه‌ هیچ به‌ڵگه‌یه‌ك نییه‌ كه‌ له‌ وجوبه‌وه‌ دای به‌زێنێت بۆ سوننەت ، وه‌هه‌ر كاتێك پێغه‌مبه‌ری خوا صلى الله عليه وسلم فرمانێكی كردبێت و خۆی نه‌ی كردبێت ئه‌وا مانای ئه‌وه‌ نییه‌ كه‌ واجب نییه‌ ، به‌ڵام هیچ کات له‌ پێغه‌مبه‌ری خواوه‌ نەهاتووه‌ كه‌ جارێ له‌ جاران ڕیشی تاشیبێت ، با ئه‌و مامۆستایانه‌ خۆیان به‌ڵگه‌یه‌ك بهێننه‌وه‌ به‌ڵكو خۆیان ده‌ڵێن ( كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ ... كَثَّ اللِّحْيَةِ  ، كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ ... كَثِيرَ شَعْرِ اللِّحْيَةِ) پێغه‌مبه‌ری خوا صلى الله عليه وسلم ریشێكی چڕ و پری هه‌بووه‌ .
بۆیه‌ بۆ هیچ پیاوێك لایق نییه‌ كه‌ ڕیشی بتاشێت ، وه‌ به‌ تایبه‌تی بۆ مامۆستایانی ئاینی نه‌ك هه‌ر حه‌ڕامه‌ به‌ڵكو نه‌شیاو و ناشیرینه‌.

وەڵامى دکتۆر عبداللطیف أحمد

سەردان: ٨٩٥ بەش: هەمەجۆر