ئایا چڵکی ژێر نینۆک کاریگەری دەبێت لەسەر دروستێتی دەست نوێژ؟: ماڵپەڕی وەڵامەکان
ئایا چڵکی ژێر نینۆک کاریگەری دەبێت لەسەر دروستێتی دەست نوێژ؟

الحمد لله والصلاة والسلام علی رسول الله وبعد: 
نینۆکەکان پێوستە پێش تێپەڕبونی چل ڕۆژ ببڕدرێن، چونکە پێغەمبەری خوا صلى الله عليه وسلم کاتێکی داناوە بۆ بڕینی نینۆک، وە بڕینی توکی بەر و هەڵکردنی توکی بن باڵ و کورتکردنەوەی سمێل: بۆ ئەوەی هەریەک لەمانەی باسکران  زیاتر لە چل ڕۆژ نەهێڵدرێنەوە  بەم شێوەیە لە پێغەمبەری خواوە صلى الله عليه وسلم جێگیر بووە وەکو لە صەحیحی ئیمامی مسلمدا هاتوە بە ژمارە(258).

هەر بۆیە واجبە لەسەر پیاوان و ئافرەتان ئەم فەرمانە پشتگوێ نەخەن ، نینۆک و سمێل و توکی بەر و بن باڵ وازلێنەهێنن زیاد لە چل ڕۆژ ، وە دەستنوێژی ئەو کەسەش تەواوە و بەتاڵ نابێتەوە بەهۆی ئەو چڵکانەی کە لە ژێر نینۆکیدایە چونکە ئەوە شتێکی کەمە و خوای گەورە لێی خۆش دەبێت.

سەرچاوە: مجموع فتاوی ومقالات متنوعة لسماحة الشيخ ابن باز (50/10).

سەردان: ٦٩٨ بەش: دەستنوێژ