بەشەکان
ئامار
پرسیارەکان: ١٣٦٦ کۆی سەردان: ٥٤٩٢١٣
پرسیار لەوێنەدا
ڕاڤەی ئەهلی سوننەت و جەماعەت بۆ ئیمان چییە ، و ئایە كردەوە داخلی ئیمانە؟

بسم الله الرحمن الرحیم
سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.

سەرم سوڕدەمێنێت ـ بەخودا ـ لەم پرسیارە !! سوێند بەخودا زۆر سەرم سوڕدەمێنێت !! ئایە گوماندەبەن ئێمە باوەڕمان وابێت كە كردەوە لە ئیمان نەبێت ؟!!
ڕیسوا بن ئەوانەی درۆزنن و درۆ هەڵدەبەستن ، سوێند بە خودا درۆمان بۆ دەكەن و درۆ هەڵدەبەستن ، سوێند بە خودا پەیوەندییان بە سوننەتەوە نییە درۆبەدەممانەوە دەكەن ، و ئەوانە گومڕا و ئارەزوو پەرستن و بەخودا دژایەتی مەنهەجی سەلەفی دەكەن .
ئێمە بەوە لە خودا نزیك دەبینەوە بە عیبادەتی دەزانین كە دەڵێین ئیمان : (وتە و كردەوەیە و زیاد دەكات بە گوێڕایەڵی خودا و كەم دەكات بە سەرپێچی و تاوان) كتێبی خودا و سوننەتی پێغەمبەر (صلى الله عليه وسلم) بەڵگەیە لەسەر ئەوە .
ئەم پێوەر و ڕاڤەی ئەهلی سوننەتە دڕكێكە لە گەرووی مورجیئە و خەوارج و موعتەزیلە كە پشت ئەستوورە بە كۆمەڵێك بەڵگە لە قورئان و سوننەت كە لە ژماردن نایەن ، هاوەڵان و تابعییەكان و پێشەوایانی ئیسلامیشی لەسەر بوون تا ئەم ڕۆژگارەی ئەمڕۆمان ، و ئێمەش لەسەر ئەوە پەروەردە بووین و دەیپارێزین و دەجەنگین لەگەڵ ئەوەی پێچەوانەی ئەوە بێت ئەگەر هەربانگەشەیەكیش بكات .
ئیمان وتە و كردەوە و بیروباوەڕە بەكردەوەی باش زیاد دەكات و بەتاوان كەم دەكات ، وە بەسە ئەو هەموو نوسراوەی كە سەلەف لە دژی خەوارج و موعتەزیلە و مورجیئە بەهەموو جۆرەكانیەوە نوسیویانەتەوە .
وە لەو نوسراوانە ئەوەی ئیمامی بوخاری ـ بەڕەحمەت بێت ـ نوسیویەتیەوە لەسەرەتای كتێبە صەحیحەكەیدا (كتاب الإیـمان) و بەڵگەی زۆری هێناوە لە قورئان و سوننەت لەسەر ئەوەی كە كردەوە لە ئیمانە ، و هەمووی وەڵامدانەوەی مورجئەیە و ئێمە لەسەر ئەوە پەروەردە بووین و دژایەتی ئیرجاو دەكەین وەك چۆن دژایەتی هەموو گومڕاییەكی تردەكەین ، دوای ئەوە كەسانێكی نەفام و گومڕا و دوژمنی سوننەت دێن دەڵێن ئێوە مورجیئەن !!!ـ خودا لەناویان ببات ـ ئەوانە لای من لەدرۆكردندا لە خەوارج و ڕەوافض خراپترن پێیان خۆشبێت یان نا ، درۆزنترن لە ڕەوافض بەرامبەر ئەهلی سوننەت ، كینە لەدڵتر و درۆهەڵبەسترن بۆ ئەهلی سوننەت لەگەڵ ئەوەشدا بەرگی سوننەت دەپۆشن بەدرۆوە و لە ئەهلی سوننەت نین ، ئەگەر شتێك لە سوننەتیان تێدابووایە دژایەتی سوننەتیان نەدەكرد بە فێڵ و درۆ و بوهتان ، سوێند بەخودا درۆكانیانمان ڕونكردۆتەوە ، ئەوان بەدرۆ دەست پێدەكەن و لە بازنەی درۆدا دەخولێنەوە و لێی دەرناچن ، ـ بەخودا ـ دروێنەمانكردوون بە بەڵگە و ڕوونكردنەوە بەدرۆمان خستوونەتەوە ، و سەرە حەدادییە درۆزنەكەیان كە سەد و بیست درۆی كردووە لە بەشێك لە نوسراوێكی ، وە حەدادییە گومڕاكان پێوەی پابەندن ، وە درۆكانی (باشمیل) و درۆهەڵبەستراوەكانیم لە (في إزهاق أباطيل باشميل) ڕوونكردۆتەوە ، ئەو كتێبە بخوێننەوە ، چونكە ئەو درۆزنە دوژمنێكی سەرسەختی سوننەتە ، دواتر (فالح الـحربي) هاتو یەكیان گرت ، ئیدی درۆ و بوهتانی زۆریان دایە پاڵ ئەهلی سوننەت و دەڵین : ئێوە مورجیئەن ... ئەوان لە مورجئە سوك و ڕیسواترن ـ بەخودا ـ مورجیئە لەوان باشتر و چاكترن ـ لەگەڵ گومڕاییان ـ لەو درۆزنانە .
درۆ لە بیدعە پیسترە ئەی برایان ، درۆزن لای ئەهلی سوننەت لە بیدعەچی پیسترە ، بیدعەچی ڕیوایەتی لێوە دەكرێت ، ڕیوایەت لە قەدەریە و مورجیئە و بیدعەچیەكانی ترەوە كراوە ئەگەر بیدعەكەیان كوفری نەبێت و درۆزن نەبن ، ئەگەر درۆزنێك خۆی بداتە پاڵ ئەهلی سوننەت لای ئەوان حەقترە لە ئەهلی بیدعە .
لەبەر ئەوەیە كە ابن عدی ـ بەڕەحمەت بێت ـ لە كتێبی (الكامل) نزیكەی بیست و نۆ بەشی بۆ درۆزنەكان داناوە(1) و تەنها یەك بەشی بۆ ئەهلی بیدەع داناوە .
ئەهلی سوننەت ڕیوایەتی ئەهلی بیدعەی ڕاستگۆیان وەرگرتووە ئەوانەیان بانگەوازیان بۆ بیدعەكەیان نەكردووە .
ئەو حەدادییانە(2) بە بانگەوازكار بۆ بیدعە دەژمێرێن ، كۆمەڵە بنەمایەكیان هێناوە ئیسلام ڕەتیدەكاتەوە و دژایەتی سوننەت و بەرنامەی سەلەف دەكات و تانە دەدەن لە ئیمامەكانی ئیسلام ، ئەو حەدادیە بە ابن تیمیە دەستی پێكردوو و دووەم جار أبوالعز و ابن القیم هەروەها بەردەوامە و كەسی لە ئەهلی سوننەت نەهێشتوەتەوە ئیلا تانەی لێداوە ، و تانە لە زانایانی سوننەتی ئەم سەردەمەش دەدەن ، تانەیان لە شێخ احمد النجمی و شێخ زید دا لە باشور ، ئیدی كێ بە سوننەت هەستێت ؟!!
وە تانەیان لە زانایانی ئەهلی مەككە و مەدینەیش داوە ئیدی كێ بە سوننەت هەستێت ؟!!!!
شەڕن لەسەر ئەهلی سوننەت و تانە لەهەموو سەلەفیەك دەدەن كە هاوڕای ئەو حەدادیانە نەبێت ، تانەیان لە هەموویان داو تێكیاندان و بنچینەكانیان تێكدا و كۆمەڵە بنچینەیەكی گەندەڵیان هێنا كە ناتەبا و دژە لەگەڵ بەرنامەی سەلەف ، ئەوانە درێژ كراوەی ئیخوان موسلمینن ، بەڵكو لە ئیخوان موسلمین خراپترن ، خزمەتی هەموو ئەهلی بیدەع دەكەن و دژایەتی و جەنگ لەگەڵ ئەهلی سوننەت ئامانجیانە ، چۆن ـ ئەی برام ـ سەلەفیەك وازلێناهێنن ؟!!!! پێنج شەش لە مەككە و دە لە مەدینە و لە هەموو دونیا سەلەفییان نەهێشت نەلە مەككە و نە لە مەدینە نەلە گائف و نە لە جدە هەركەس خێر پێشكەش بكات و پارێزگاری لە سوننەت بكات تانەیان لێدا ، ئایە ئەوانە ئەهلی سوننەتن ؟!!!!
دەڵێن : ( درۆیە ، درۆیە .. ) حوكم دەدەن بەسەریاندا بەدرۆ و بوهتانیان بۆ دەكەن ، ئەوانە ئێمە بە مورجیئە تاوانبار دەكەن .
سوێند بە خودا ئەوان دژایەتی ئیرجاو ناكەن و لە هیچدا ڕاست ناكەن ، بەڵكو ئیرجاو وەكو چەكێك لە دژی ئەهلی سوننەت بەكاردەهێنن ، چونكە ئەهلی سوننەت گومڕاییان و گومڕایی سەركردەكانیان و پێشینەكانیان ئاشكرا دەكەن ، لەبەر ئەوە شمشێری ئیرجاو و شمشێری درۆ و شمشێری تاوانكارییان لە ئەهلی سوننەت هەڵكێشاوە !!!
وریایان بە ، و ئەوەی بەوان خەڵەتاوە بالە خودا بترسێت لەنەفسی خۆی ، سوێند بەخودا ئیش وكاریان ئاشكرابووە ئیدی هیچ بیانوو و گومانێكتان نییە .
ئەوانە درۆزنن ، درۆزنن ، درۆزنن ، هەموو ڕۆژێك خودا ڕیسوایان دەكات لەبەر درۆ ، ـ بەخودا ـ هەندێك لە كافرەكان شەرم دەكەن درۆبكەن بەڵام ئەوان شەرم ناكەن !! وە هەركات درۆ و خیانەتی سەرگەورەكانیان ئاشكرا بكەیت زیاتر پابەند دەبن بە بنچینەكانیان و كارەناڕەواكانیان ؟!! ئیدی عەقڵ لە كوێیە ؟!! ئاین لە كوێیە ؟!! ڕەوشت لە كوێیە ؟!!
لەوانە تێبگەن و وریایانبن و خەڵكیان لێئاگادار بكەنەوە لە گومڕایی و شەڕیان ـ خودا سەرتان بخات ـ .
ئێمە بەوە ئاینداری بۆ خودا دەكەین كە لە كتێبەكەی خودا و سوننەتی پێغەمبەرەكەی (صلى الله عليه وسلم) هاتووە لە هەموو بیروباوەڕ و حوكم و حەڵاڵ و حەرام و گەورە و بچوك و پایەكانی ئیسلام و ئیمان : هەموو ئەوانە بانگەوازی بۆ دەكەین و لە پێناویدا دەمرین .
چۆن ئێمە مورجیئەین ؟! و ئێمە دژایەتی ئیرجاو و گومڕاییەكانی تر دەكەین و ئەو كەسەی لە كردەوەدا كەمتەرخەمی دەكات بۆی ڕووندەكەینەوە و بانگی دەكەین بۆ حەق ئیدی چۆن ئێمە مورجیئەین ؟! ـ خودا لەناویان ببات ـ .

لە لایەن شێخی پایەبەرز ربيع بن هادي عمير المدخلي وەڵامدراوەتەوە

------------------------------------
(1) ابن عدی ــ بەڕەحمت بێت ــ لە بەشی بیست و سێ دا دەڵێت : (درۆزن درۆ دەكات لەبەر سوكی نەفسی لای خۆی و كەسی ئەمین درۆ ناكات) سەیری پێشەكی : (الكامل ) (ل35)
(2) حەدادیەكان كۆمەڵێكی توندڕەون شوێنكەوتووی محمود الحدادی مصرین ، شێخ ربیع دەڵێت : بەرنامەی حەدادییەكان بریتیە لە :
1 ـ ڕقیان لە زانا سەلەفیەكانی سەردەمە بە تایبەت زانایانی مەدینە .
2 ـ دەڵێن ئەوەی بكەوێتە بیدعەوە موبتەدیعە ، ابن حجر لای ئەوان ترسناكترە لە سیدقطب .
3 ـ هەركەسێك ئەوانەی دەكەونە بیدعەوە بە موبتەدع نەزانێت تبدیعی دەكەن .
4 ـ حەرامە داوای ڕەحمەت بكەیت بۆ ئەهلی بیدەع بەگشتی ، و جیاوازی نییە لە نێوان ڕافیزیەك و قەدەرییەك و جەهمییەك و زانایەك كە كەوتبێتە بیدعەیەكەوە .
5 ـ هەركەس داوای ڕەحمەت بكات بۆ هاوشێوەی ابوحنیفە و شەوكانی و ابن الجوزی و ابن حجر و النووی موبتەدیعە .
6 ـ دژایەتییەكی زۆری سەلەفیەكان دەكەن ئەگەر زۆر خۆشیان ماندوو بكەن لە بانگەواز و پارێزگاری لە سەلەفیەت ، وە جەخت لەسەر زانایانی مەدینە و شیخ ئەلبانی دەكەنەوە ـ بەڕەحمەت بێت ـ لەبەر ئەوەی یەكێكە لە گەورە زاناكانی ڕێبازی سەلەفی .
7 ـ ڕۆچوون لە كەسی (الحداد)دا و پڕوپاگەندی باڵادەستی و هەڵكەوتووی لە زانستدا بۆ دەكەن .
8 ـ ناماقوڵی دەكەن بەرامبەر زانایانی مەدینە و ئەوانی تریش ، و بەدرۆ تاوانباریان دەكەن .
9 ـ ناسراون بە نەفرین كردن و زمان پیسی و تۆقاندن تا ڕادەیەك هەڕەشە لە سەلەفیەكان دەكەن بە لێدان ، بەڵكو بەلێدان دەستدرێژیان كردۆتە سەر هەندێك لە سەلەفیەكان .
10 ـ نەفرینی تایبەت دەكەن (لعن المعین) هەتا هەندێكیان نەفرین لە ابوحنیفە دەكەن و هەندێكیان كافری دەكەن .
11 ـ لووت بەرز و سەرسەختن كە وایلێكردوون كە حەق وەرنەگرن وەك زۆربەی بیدعەچیە ڕۆچووەكان .
12 ـ زۆر خۆیان بە ئیمامی ئەحمەدەوە دەلكاند ، كاتێك بۆ یان ڕوونبوویەوە كە الحداد پێچەوانەی ئیمامی ئەحمەدە لە هەڵوێستەكانی لەگەڵ ئەهلی بیدەع نكولیان كردوو هەركەسیان بە درۆ دەخستەوە كە ئەوە بداتە پاڵ ئیمامی ئەحمەد ، الحداد گوتی : ئەگەر ئەوە لە ئیمامی ئەحمەدەوە ڕاستبێت ئێمە لاسایی ناكەینەوە ، ئەوان حەقیان خۆشناوێت و بە دوایدا ناگەڕێن بەڵكو دەیانەوێت فیتنە بنێنەوە و سەلەفیەكان پەرت بكەن. (مميزات الحدادية) بەكورتكراوەی .



سەردان: ١٨٦ بەش: بیروباوه‌ڕ

ئایە بیدعەی زیادە و بیدعەی ڕەسەن لەو بیدعانەن كە مرۆڤی پێ كافر دەبێت ؟ئایا فەرموودەی صحیح بەسە و پێویستمان بە خوار صحیح نیە و دروست نیە بیکەینە بەڵگە؟