ئەگەر مرۆڤ وابوو کە ئەو جۆرە شتانە لەبیر بکات با مەرجی لەبیر نەکردن بە مەرج بگرێت ـ کاتێ پێیان ووت : سڵاومان بگەیەنە بە فڵان کەس ـ با ئەمیش بڵێ: باشە گەر لەبیرم نەکرد۰
لەسەر هیچ کەسێک تاوان نیە لە لەبیرچوونی شتێکدا ـ بەڵام ئەگەر ئەرکی سڵاو هەواڵپرسینیان خستە ئەستۆی ئەوا لەسەری واجبە کە بیگەیەنێ ۰
قال الإمام البخاري : بَاب إِذَا قَالَ فُلانٌ يُقْرِئُكَ السَّلامَ .
ثم روى بإسناده إلى عَائِشَةَ ، أَنَّ النَّبِى ﷺ قَالَ لَهَا : إِنَّ جِبْرِيلَ يُقْرِئُكِ السَّلامَ ، قَالَتْ : وَعَلَيْهِ السَّلامُ وَرَحْمَةُ اللَّهِ .
واتە"عائیشە دەفەرموێ پەیامبەری خوا پێی فەرمووە ئەی عائیشە جوبرەیل سڵاوت لێ ئەکات و عائیشەش فەرموی سەلام و ڕەحم و بەزەیی خوای لەسەر بێ۰"
ئیبن بتال دەفەرموێ:
ئەم فەرمودەیە بەڵگەیە لەسەر ئەوەی هەرکەسێ ئەرکی گەیاندنی سڵاو و هەواڵپرسینی کەسێکی ئامادەنەبوو و غائیبی پێ سپێردرا ئەوا لەسەریەتی ئەو سەلام و هەواڵپرسینە بگەیەنێ و وەڵامی بداتەوە وەک چۆن وەڵامی کەسێکی ئامادەبوو دەداتەوە ۰"
وە أبی قلابة دەفەرموێ : پیاوێک هاتە لای سلمانی فارسی و پێی فەرموو کە ئەبی دەرداء سەلامى لێ کردووى، سەلمانیش فەرمووی کەی ؟
پیاوەکەش وتى ماوەی سێ ڕۆژە پێى وتوم
سەلمانیش فەرمووی ئەگەر ئەم کارەت ئەنجام نەدایە و سەلامەکەت نەگەیاندایە ئەوا ئەمانەتێک بو لەلات .
کەواتە گەر کەسێک پێى وتوى سەلامم بگەیەنە بە فڵانە کەس واجبە لەسەرت بیگەیەنى ، بەڵام گەر وتت إن شاء الله گەر بیرم نەچوو ، ئەوکاتە گەر بیریشت چوو تاوانبار نابیت 
وە شێخ محمد بن صالح العثیمین رحمه الله دەفەرموێ :
ئەگەر کەسێک سڵاوی کەسێکی دیکەی بۆ هێنای ، ئەو کات تۆش دەڵێی (علیك وعلیه السلام) ، واتە : سەلامی خودا لەتۆو لەئەویش ، ئەگەریش ویستت لێبوو دەتوانی بڵێی (علیه السلام) ، بەڵام ئەگەر نوسراویان بۆت هێناو لێی نوسرابوو (السلام علیکم ورحمة الله وبركاته) ، تۆش لەکاتی وەڵامدانەوەی دەنوسیت (وعلیکم السلام ورحمة الله وبركاته).