خاڵ كوتان حەرامە و لەتاوانە گەورەكانە ، چونكە پێغەمبەر- ﷺ - لەعنەتی كردووە لەو كەسەی خاڵ دەكوتێت و ئەوەش كە خاڵی بۆ دەكوترێت ، خاڵ كوت (الواشمة) ئەو كەسەیە كەخۆی هەڵدەستێت بە خاڵ كوتان بۆ خۆی ، و خاڵ بۆ كوتراو (المستوشمة) ئەو كەسەیە كەداوا دەكات كەسێكی تر خاڵی بۆ بكوتێت .
ئەم دوو كەسە لەعنەت لێكراون لەسەر زاری پێغەمبەرەوە- ﷺ - كەواتە خاڵ كوتان حەرامە لەئیسلامدا ویەكێكە لەتاوانە گەورەكان و گۆڕینی درووستكراوی خودایە ، ئەو گۆڕینە كە شەیتان پەیمانی داوە كە فەرمانی پێبكات بەو كەسانەی لەنەوەكانی ئادەم كە بەگوێی دەكەن هەروەك لەم ئایەتەدا هاتووە : {وَلآمُرَنَّهُمْ فَلَيُغَيِّرُنَّ خَلْقَ اللَّهِ} [سورة النساء: آية 119].
واتە : بەتەئكید فەرمانیان پێ دەكەم بەگۆڕینی درووست كراوەكانی خودا .
ئەمە كارێكی ناشەرعی یە و درووست نی یە ئەنجامدانی و بێدەنگ بوون لێی وپێویستە ڕێگری لێبكرێت و خەڵكی لێ ئاگادار بكرێتەوە و ڕوونكردنەوەی بەوەی كە لەتاوانە گەورەكانە وهەركەسێك ئەو كارە بكات گەر بەكەیف و ئارەزوی خۆی ئەنجامی بدات ئەوا تاوان بارە و پێویستە لەسەری تەوبە بكات و بگەڕێتەوە بۆلای خودا ، و شوێنەوارەكانی لابەرێت گەر لەتوانایدا هەبوو ، بەڵام گەر ئەم كارەی بۆ كرابێت بەبێ علم و ڕەزامەندی خۆی ، وەك ئەوەی ئەم كارەی بۆ كرابێت كاتێ كە منداڵ بووە و نەیزانیوە ،لە حاڵەتەدا تاوانەكە لەسەر ئەو كەسەیە كە بۆی كوتاوە ، بەڵام گەر گونجا شوێنەوارەكانی لا بەرێت ئەوا پێویستە لەسەری لای بەرێت بەڵام گەر نەیتوانی لای بەرێت لەم حاڵەتەدا عوزری هەیەو تاوان بار نابێت .
الشيخ صالح بن فوزان بن عبدالله الفوزان عضواللجنة الدائمة للإفتاء وعضو هيئة كبار العلماء
سەیرى فلمى ڕووت زۆر ئەكەم وە لەدواى سەیركردن زوو پەشیمانیش دەبمەوە زۆر جار تۆبە دەكەممن کچێکم لەگەڵ کوڕدا قسە دەکەم ئامۆژگاریم بکەن چۆن خۆم ڕزگار بکەم؟حوکمى زینا کردن لەگەڵ کەسانى مەحرەمداگۆڕینی مووی سەر و ڕیش بە ڕەنگی ڕەش دروستە؟ئایا درۆ کردن بۆ گاڵتە و خۆشی لە (1) ى نیسان کە پێى دەوترێ (درۆى نیسان) تاوانە؟
