یەکێک لە تاوانەکان و حەرام کراوەکان درۆ كردنە له‌بینینى خه‌ودا
هەندێ كەس بە ئەنقەست هەوڵدەدات بۆ دروست كردنی خەونێك كە نەیبینیوە، بۆ بەدەست خستنی چاكەیەك یان بۆ باسكردنی و ناو دەركردنی لەناو خەڵكیدا یان بۆ ڕاكێشانی قازانجێكی دونیای یان بۆ ترساندنی كەسێك كە دوژمنایەتی هەیە لەگەڵیدا، یان بۆ شتی تر.
وە زۆرێك لە خەڵكانی ئاسایی باوەڕو قەناعەتێكی بێ ئەندازەیان بە خەون هەیە‌و دڵیان زۆر پێوەی پەیوەستەو زۆر هۆگرن بۆی، بۆیە بەو درۆ و دەلەسانەش تێدەكەون و هەڵدەخەڵەتێن.
هەڕەشەی سەخت وگران كراوە لەكەسێ كە خەون بە درۆ باسكات.
هەروەك پێغەمبەرەوە ﷺ دەفەرموێ:
« إنَّ مِن أعْظَمِ الفِرى أنْ يَدَّعِيَ الرَّجُلُ إلى غيرِ أبِيهِ، أوْ يُرِيَ عَيْنَهُ ما لَمْ تَرَ، أوْ يقولُ على رَسولِ اللَّهِ ﷺ ما لَمْ يَقُلْ ». رواه البخاري انظر الفتح 6/540
واتە: « گەورە ترین درۆ هەڵبەستن ئەوەیە: پیاوێك بە ناوی باوكێكی ترەوە بانگ بكرێ جگە لەباوكی خۆی، یان خەونێك بگێڕێتەوە كە بە چاو نەیبینی بێ، یان بڵێ پێغەمبەر ﷺ وای وتووەو نەی فەرموو بێ »
وەهەروەها پێغەمبەر ﷺ دەفەرموێ:
« مَنْ تَحَلَّمَ بِحُلْمٍ لَمْ يَرَهُ كُلِّفَ أَنْ يَعْقِدَ بَيْنَ شَعِيرَتَيْنِ وَلَنْ يَفْعَلَ ». رواه البخاري انظر الفتح 12/427
واتە: « هەركەسێ خەونێ بگێڕێتەوە كە نەبینی بێ، ئەوا لە قیامەت دا داوای لێ ئەكرێ دوو دەنكە جۆ پێكەوە گرێ بدات، وە ناشتوانێ »
بەیەكەوە بەستنی دوو دەنكە جۆ كارێكی مەحاڵە‌و ئەستەمە، بۆیە سزاكەی بەگوێرەی كردارەكەیەتی.
سەرچاوە کتێبی : حەرام کراوەکان
حوکمى یاری كردن بەزارو تاوڵەو شەترەنجلە تاوانە نهێنیەکان : بیرکردنەوە و خەیاڵ کردن بۆ کارى سێکسمن کچێکم لەگەڵ کوڕدا قسە دەکەم ئامۆژگاریم بکەن چۆن خۆم ڕزگار بکەم؟ حوكمی لەپەنجەكردنی ئەنگوستیلە بۆ پیاوان چیە بەتایبەت ئەگەر لەئاڵتون ـ زێڕ ـ بێت ؟چۆنێتى زاڵبوون بەسەر وەسوەسە جنسیەكانی شەیتاندا ؟
