هۆکاری زۆر بوونی تەڵاق زۆر جار دەگەڕێتەوە بۆ تووڕە بوون ، و پێغەمبەر ﷺ ئاگاداری کردوینەتەوە لە توڕە بوون ، ئەبو هوریرە ـ خوا لێی ڕازی بێت ـ  گێڕاویەتیەوە و دەڵێ : « أن رجلا قال للنبي ﷺ : أوصني . قال : لا تغضب ، فردد مرارًا قال لا تغضب » رواه البخاري . 
واتە : 
پیاوێک هات بۆ لای پێغەمبەر ﷺ و گوتی : ئامۆژگاریم بکە ، فەرموی : توڕە مەبە ، چەند جارێک دووبارەی کردەوە ، هەر پێی دەفەرموو :  توڕە مەبە .

ئەو کەسەی خۆ ڕاگر نی یە لەکاتی توڕە بوندا ، جوێن دەدات و تەڵاق دەخوات ، بێگومان ئەوە کارێکە کە شەیتان پێی خۆشە و شوێن کەوتوانی هەڵدەنێ بۆ ئەنجام دانی ، لەبەر ئەوەی دەبێتە هۆی تێک چوونی ماڵ و دوو بەرەکی وڕق و کینە  . 
 جابر ـ رضي الله عنه ـ دەڵێ : پێغەمبەری خوا ﷺ فەرمووی : «إن إبليس يضع عرشه على الماء ، ثم يبعث سراياه فأدناهم منه منزلة أعظمهم فتنة ، يجيء أحدهم ، فيقول : فعلت كذا وكذا ، فيقول : ما صنعت شيئًا ، قال : ثم يجيء أحدهم ، فيقول : ما تركته حتى فرقت بينه وبين امرأته ، قال : فيدنيه منه ويقول : نعم أنت» رواه مسلم  .
واتە : شەیتان عەڕشەکەی لەسەر ئاو دادەنێت و پاشان سەربازەکانى دەنێرێت ، نزیکتریان لەشەیتانەوە ئەو کەسەیانە کە زیانی زۆر ترە ، یەکێکیان دێت ، و دەڵێت : ئەوە و ئەوەم کرد ، پێی دەڵێت : هیچت نەکردووە ، پاشان دانەیەکی تریان دێت و دەڵێت : لێی نەگەڕام تاوەکو خێزانەکەیم پێ تەڵاق دا ، شەیتان لەخۆی نزیک دەخاتەوە و دەڵێت : تۆ باشترین کەسی .

وە پێغەمبەری خوا ﷺ ئەو کەسانەی وەسف کردووە کە خۆ ڕاگرن لەکاتی توڕە بووندا و فەرموویەتی : « ليس الشديد بالصرعة ، إنما الشديد الذي يملك نفسه عند الغضب» رواه مسلم .
واتە : کەسی بەهێز ئەو کەسە نی یە کە لەزۆران بازیدا بەهێزە ، بەڵکو کەسی بەهێز و بەتوانا ئەو کەسەیە کە خۆ ڕاگرە لەکاتی توڕەبووندا . والله أعلم .

وەڵامى : شێخ محمد بن عبد الله السبيل رحمه الله تعالى
إمام وخطيب المسجد الحرام ، وعضو هيئة كبار العلماء

تێبینى : ئەم خاڵانەى خوارەوەش لە گرنگترین هۆکارەکانى زۆربوونى ڕێژەى تەڵاقن

هۆكاری یەكەم: دووری ژن و مێرد لە ڕێنماییەكانی ئیسلام
هۆكاری دووەم: (خیانەتی زەوجی)
هۆكاری سێ‌ یەم: كەم تەمەنی و دانەمەزاری كچ و كوڕ لە ڕوی عەقڵ و تێگەیشتنەوە
هۆكاری چوارەم: نەبوونی (مەوەدە و رەحمە) لە نێوان ژن و مێرددا
هۆكاری پێنجەم: خۆهەڵقورتانە ناو ژیانی ژن و مێرد لە لایەن كەسانی دەوروبەرەوە
هۆكاری شەشەم: لاوازی جنسی لە لایەن پیاو یان لای ئافرەت .
هۆكاری حەوتەم: ڕێگە گرتن لە فرەژنی تەڵاق و جیابونەوەی بەدواوە دێت
هۆكاری هەشتەم: بەجێ‌ نەهێنانی حەق و مافی ژن و مێردایەتی
هۆكاری نۆیەم : هاوسەرگیری كردن و ڕێكەوتن لە دەرەوەی خێزان
هۆكاری دەیەم : سحر و جادوو كردن 
هۆكاری یانزەیەم: هەڵە كردن لە دەستنیشان كردن و هەڵبژاردنی كچ دا یان كوڕدا
هۆكاری دوانزەیەم: تێكەڵاوی كردن كە دەردێكی كوشندەیە لە ناو كۆمەڵگای ئێمەدا
هۆكاری سیانزەیەم: فلیم و دراماكان