تەلقین كاتى سەرەمەرگ و لەكاتى گیان كێشاندایە و تەلقین دەكرێت بە وشەى (لا إلە إلا الله) وەكو چۆن پێغەمبەرى خوا ﷺ تەلقینى ئەبوتالیبـی مامى كرد لەسەرەمەرگدا و پێى ووت: (( يا عم، قل لا إله إلا الله كلمة أحاج لك بها عند الله))، واتە: ئەى مام بڵێ لا إلە إلا الله وشەیەكە دەیكەم بەبەڵگە لاى خوا بۆت (تاسزات نەدا). بەڵام پەنا بەخوا ئەبوتالیبـی مامى ئەو وشەیەى نەووت ولەسەر شیرك مرد^(١) .

بەڵام تەلقین كردن دواى ناشتن و دفن كردن ئەوا بیدعەیە لەبەر ئەوەى سابت نەبووە لە پێغەمبەرى خواوە ﷺ ، بەڵام ئەو شتەى كە دەبێت بكرێت ئەوەیە كە أبوداود گێڕاویەتیەوە كە پێغەمبەرى خوا ﷺ هەركە لە دفن كردنى مردو بوایەوە لەسەرى دەوەستا و دەیفەرموو:(( استغفروا لأخيكم واسألوا له التثبيت فإنه الآن يُسأل )) ^(٢) ، واتە: داواى لێخۆشبوون و زمان چەسپاوى بۆ براكەتان بكەن چونكە ئەو ئێستا پرسیارى لێ دەكرێت. هەروەها قورئان خوێندن لەلاى گۆڕ و تەلقین كردنى لە گۆڕدا ئەوا بیدعەیە وهیچ بنچینەیەكى نییە.

  سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله –