وەک دەزانن ئێستا خراپە و زینا و داوێنپیسی زۆر بووە ئایا گەنج چۆن خۆى بپارێزێ لەکاتێکدا تواناى ژنهێنانی نەبێ؟
الحمدلله وحده، والصلاة والسلام على من لا نبي بعده: أما بعد:
لە ڕاستى دا زۆربوونی خراپەو بڵاوبوونەوەی لەشفرۆشی زۆرێك لە گەنجانی بەرەو هەڵدێر بردووەو هەندێكیشیانی تووشی زینا و داوێن پیسی كردووە، كاتێكیش لەم گەنجانە بپرسین بۆ ئەو كارە دەكەن؟
دەڵێن: ناتوانین لەسەر قورسی پرۆسەی هاوسەرگیری و زۆربوونی خراپەو ڕووتی زۆرێك لە ئافرەتان و ئارەزووە زۆرەكانمان ئارام بگرین .
ئێمەش بۆ وەڵامدانەوەی ئەم گەنجانە – خوای گەورە هیدایەتیان بدات بۆ ڕەوشت جوانی – وە بۆ پەند وەرگرتنی هەموومان كورتەیەك لەو هۆكارانە باس دەكەین كە لەلایەن ژنەكەی پاشای میسرەوە بەكارهێنرا بۆ لە خشتەبردنی یوسف - علیه السلام – و ڕاكێشانی بۆ داوێن پیسی، كە بەڕاستی مەكر و فێڵی ئەو ئافرەتە تاقیكردنەوەیەكی زۆر گەورە بوو بۆ یوسف، و ئەگەر فەزڵ و بەخششی خوای گەورە نەبوایە ڕزگاری نەدەبوو، گەورەیی ئەم تاقیكردنەوەیەش لەوەدا دەردەكەوێت كە هەموو شتێك ئاسان و فەراهەم بوو بۆ ئەوەی یوسف ئەو تاوانە ئەنجام بدات لەوانەش:
یەکەم : ئافرەتەكە خۆی بانگی یوسفی كرد ئەمەش ڕێخۆشكارێكی گەورە بوو، چونكە بانگ كردنی پیاو لەلایەن ئافرەتەوە وەكو بانگ كردنی ئافرەت نیە لە لایەن پیاوەوە، كە ئافرەت بانگی پیاوی كرد ئەو كات ئەو لەمپەرە دەرونیانەی كە لەلای پیاو هەیە نامێنێت، وەكو ترسان لە خۆبەدەستەوەنەدانی ئافرەتەكە یاخود هاواركردنە كەسوكار و... هتد.
دووەم : یوسف لە ماڵەكەیاندا بوو واتە كەسێكی نامۆ نەبوو تاوەكو خەڵكی گومان لە چوونە ژوورەوەی بكەن.
سێیەم : ئافرەتەكە هەموو دەرگاكانی كۆشكی داخست كە ئەمەش ترسی ئەوەی نەهێشت خەڵكی پێیان بزانن.
چوارەم : هانی یوسفی دەدا بۆ ئەوەی ئیشە خراپەكەی لەگەڵ بكات.
پێنجەم : یوسف گەنج بوو پاڵنەری زیناش لای گەنج زۆر زیاترە.
شەشەم : ئافرەتەكە گەورەی یوسف بوو دەبوو گوێڕایەڵی بوایە لە هەر فەرمانێك كە پێی دەكرد.
حەوتەم : یوسف كۆیلە بوو پاڵنەری زیناش لای كۆیلە زیاترە وەك لە كەسێكی ئازاد، چونكە كۆیلە هەر بە چاوی سووكەوە سەیر دەكرێت، بۆیە لە ئابڕوچوون ناترسێت.
هەشتەم : یوسف كەسێكی نامۆ بوو لە وڵاتی میسر، كەسی غەریب و نامۆش لە ئابڕوچوون ناترسێت وەكو كەسێك كە خەڵكی وڵاتەكە بێت.
نۆیەم : ئافرەتەكە جوان بوو، پاڵنەری زیناش لەگەڵ ئافرەتی جواندا زۆر زیاترە.
دەیەم : ئافرەتەكە خاوەن دەسەڵات بوو دەیتوانی ئەگەر یوسف ئاشكراش بێت بەرگری لێبكات.
یانزەیەم: مێردی ئافرەتەكە غیرەتی نەبوو، چونكە سەرەڕای ئەوەش كە بە ژنەكەی زانی پێی وت داوای لێخۆشبوون بكە بۆ تاوانەكەت و كاردانەوەی خراپی نەبوو.
دوانزەیەم: ئافرەتەكە جگە لە خۆی مەكر و نازی ئافرەتانی تریشی بەكارهێنا.
سیانزەیەم: هەڕەشەی ئەوەی لە یوسف كرد كە ئەگەر زینای لەگەڵ نەكات ئەوا سجنی دەكات.
سەرەڕای هەموو ئەو ئاسانكاریانە یوسف – علیە السلام – كۆڵی نەدا و ئارامی گرت، و داوای لە خوای گەورە كرد ڕزگاری بكات، ئەویش وەڵامی دایەوە و ڕزگاری كرد.
دەسا گەنجانی بەڕێزمان یوسف ئاسا بە سەبر و ئارام بن، و ڕەزامەندی خوای گەورە زاڵ بكەن بەسەر چێژێكی كەمی دونیاییدا كە لە پاش تەواو بوونی هەست بە بێزاری و پەشیمانی و بێتاقەتی و تاوانباری دەكەیت.
ستافی وەڵامەکان
ئەگەر كەسێك زینای نەكردبێت بەڵام بە تەواوەتی ئافرەتەكەی ڕووت كردبێتەوەپەشیمان بوونەوە لە دواى زینا کردن ئایا زینا لێخۆشبوونی هەیە ؟زیانەکانی زینا وداوێن پیسی و چۆنێتى تەوبە کردن لە زیناخراپێتى زینا بە نیسبەت ئافرەتان و پیاوانەوە
