حوكمى قورئان خوێندن بە شێوەیەك كە ببێتە هۆى تێكدانى نوێژخوێنان و ژاوەژاو دروست كردن لەسەر ئەوان یان خەڵكانێك كە قورئان دەخوێنن یان خەڵكانێك كە وانە دەخوێنن كە حەرامە، لەبەر ئەوەى دەكەوێتە ناو كارێكەوە كە پێغەمبەرى خوا ﷺ نەهى لێ كردوە، فقد روى مالك في الموطأ^(١): عن البياضي (هو فروة بن عمرو) أن النبي ﷺ خرج على الناس وهم يصلون وقد علت أصواتهم بالقراءة، فقال: ((إن المصلي يناجي ربه فلينظر بما يناجيه به، ولا يجهر بعضكم على بعض بالقرآن)) . وروى نحوه أبو داود^(٢) من حديث أبي سعيد الخدري –رضي الله عنه- واتە: پێشەوا مالك لە كتێبى (الموطأ)دا لە بەیازیەوە كە فەروەى كوڕى عەمرە گێڕاویەتیەوە كە جارێكیان پێغەمبەرى خوا ﷺ دەرچوو بۆ لاى خەڵك و لەوكاتەدا ئەوان قورئانیان بەدەنگى بەرز دەخوێندەوە، ئەویش فەرمووى: نوێژخوێن قسە لەگەڵ پەروەردگاریدا دەكات جا با سەیربكات كە بەچى قسەى لەگەڵدا دەكات وە با هەندێكتان دەنگى قورئان خوێندنەكەتان بەرزنەكەنەوە بەسەر هەندێكی ترتاندا.

سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله –